မန္တလေးမှာ လေပြင်းကြောင့် မော်တော်များ နစ်မြုပ်
မန္တလေးမှာ လေပြင်းကြောင့် မော်တော်များ နစ်မြုပ်
by ရွှေအောင်
မန္တလေးမြို့မှာ ဧပြီ ၃၀ ရက် ညနေပိုင်းက တိုက်ခတ်သွားတဲ့
မိုးသက်လေပြင်းကြောင့် ဧရာဝတီမြစ်ကမ်းမှာ ဆိုက်ကပ်ထားတဲ့ မော်တော်
၁၅ စီးလောက် နစ်မြုပ်သွားပါတယ်။
မန္တလေးမြို့ ၂၆ ဘီလမ်း အနောက်ထိပ်ရှိ မရမ်းခြံဆိပ်မှာ
ဆိုက်ကပ်ထားတဲ့ ကမ္ဘာလှည့်ခရီးသည်တင် မော်တော် ၃ စီး အပါအဝင်၊
ကုန်တင်မော်တော်တွေဟာ လေပြင်းနဲ့ ရေလှိုင်းတွေကြောင့်
နစ်မြုပ်သွားတာ ဖြစ်ပါတယ်။
မော်တော်ပိုင်ရှင်တဦး ပြောပြတာက “လေကျပြီးတော့ မြုပ်သွားတာပဲ။
လေက ညနေ ၅ နာရီခွဲလောက်က တိုက်တယ်။ လေတအားပြင်းတယ်။ ညနေ ၆
နာရီခွဲလောက် ငြိမ်သွားတယ်။ တစင်းနဲ့တစင်း ရိုက်ပြီးတော့
လှိ်ုင်းတွေဝင်ပြီး မြုပ်ကုန်တာပဲ။ ကုန်မော်တော်တွေများတယ်။
ကုန်တင်တဲ့ မော်တော်အကြီးတွေပဲ မြုပ်တာများတယ်။ တထပ်ကုန်တင်
အကြီးတွေ။ ရေလှိုင်းကကြီးတယ် ၅ ပေလောက် မြင့်တယ်။ မရမ်းခြံဆိပ်
တခုတည်းတင် ၁၅ စင်းလောက်ရှိတယ်။”
နစ်မြုပ်သွားတဲ့ မော်တော်တွေထဲက ၂ စီးလောက်ကို မေလ ၁ ရက်
ညနေပိုင်းလောက်မှာ မော်တော်ပိုင်ရှင်တွေက ကိုယ့်အားကိုယ်ကိုး
ပြန်လည်ဖော်ယူ ရရှိထားပြီး ဖြစ်တယ်လို့လည်း သိရပါတယ်။
နစ်မြုပ်သွားတဲ့ မော်တော်အများစုမှာ ဓာတ်မြေဩဇာတွေ
တင်ဆောင်ထားကြပြီး၊ တစီးကို ကာလတန်ဖိုး ကျပ်သိန်း
ထောင်ချီတန်ပါတယ်။
လေပြင်းတိုက်လို့ မော်တော်မြုပ်တာမျိုး အရင်ကဖြစ်ဖူးပေမယ့်
ခုလို မော်တော်တွေ အရေအတွက်များများ နစ်မြုပ်မှုကတော့
မကြုံတွေ့ဖူးဘူးလို့ ဒေသခံတွေက ပြောပါတယ်။
ဒီလေပြင်းတွေ တိုက်ခတ်မှုနဲ့ ပတ်သက်ပြီး မိုးလေဝသပညာရှင်
ဦးထွန်းလွင်ကတော့ မိုးတိမ်တောင်တွေကြောင့် ဖြစ်ပေါ်တဲ့
စိုက်ဆင်း လေပြင်းကြောင့် ဖြစ်နိုင်တယ်လို့ ပြောပါတယ်။
“ကျနော်တို့က နွေရောက်နေတော့ အထက်အညာက အရမ်းပူတယ်။
ပူတဲ့မြေပြင်ပေါ်ကို အအေးဓာတ်ပါတဲ့ ရေငွေ့ပါတဲ့ လေက ဝင်လာရင်
လေထုမတည်ငြိမ်ဘူး။ လေထုမငြိမ်ရင်ဖြစ်တဲ့ မိုးတိမ်တောင်က
မိုးတိမ်တောင်ချင်း တူရင်တောင် မြစ်ဝကျွန်းပေါ်ကဖြစ်တဲ့
မိုးတိမ်တောင်နဲ့ အထက်မြန်မာပြည်ဘက်မှာ ဖြစ်တဲ့ မိုးတိမ်တောင်က
ပိုပြီးအားကောင်းတယ်။ အဲဒီကောင်မျိုးက ရာသီဥတုအေးရင် အဆုံးထိ
အေးလေ့ရှိတယ်။ မိုးတိမ်တောင်ကပေးတဲ့ ရာသီဥတုမှာ အဆိုးဆုံးက
နံပါတ် ၁ လေဆင်နှာမောင်း၊ ဒုတိယက စိုက်ဆင်းလေပြင်း၊ တတိယကတော့
မိုးသက်လေပြင်းပေါ့။ မိုးရွာတယ်၊ မိုးကြိုးပစ်တယ်၊
မိုးသီးကျတယ်။ အစရှိသဖြင့်ပေါ့။ အခုဖြစ်တဲ့ဟာကတော့ လေပါတယ်။ လေက
မြစ်ထဲမှာ ဖြတ်တိုက်တော့ ရေတက်တယ်ပေါ့။ လေဆင်နှာမောင်းတော့
မဖြစ်နိုင်ဘူးပေါ့။ ဒုတိယဖြစ်တဲ့ စိုက်ဆင်းလေပြင်း ဖြစ်နိုင်ပါတယ်။”
ဧပြီ ၃၀ ရက်က တိုက်ခတ်သွားတဲ့ မိုးသက်လေပြင်းကြောင့် လူအသေအပျောက် ရှိတယ်ဆိုတဲ့ သတင်းတွေကတော့ မကြားသိရသေးပါဘူး။
လေပြင်းတိုက်ခတ်မှုကြောင့် ကချင်ဒုက္ခသည်စခန်း တဲအိမ် ၂၀ ကျော်ပျက်စီး
လေပြင်းတိုက်ခတ်မှုကြောင့် ကချင်ဒုက္ခသည်စခန်း တဲအိမ် ၂၀ ကျော်ပျက်စီး
ကချင်လွတ်မြောက်ရေးအဖွဲ့ (KIO) ဗဟိုဌာနချုပ် လိုင်ဇာမြို့ပြင်ရှိ
ဂျေယန်ခ (Je Yang Hka) ဒုက္ခသည်စခန်းတွင် ဧပြီ ၂၉ ယမန်နေ့ည လေပြင်း
တိုက်ခိုက်မှုကြောင့် ဒုက္ခသည်စခန်း တဲအိမ် ၂၀ ကျော်ပျက်စီးခဲ့သည်။
ည ၁၀ နာရီမှ ၁၂ နာရီထိ မိုးနှင့်အတူ လေပြင်းတိုက်ခိုက်ခဲ့ရာ
ဒုက္ခသည်စခန်း တဲအိမ် ၂၀ ကျော်မှာ လုံးလုံးပျက်စီးသွားပြီး
အချို့စခန်းများမှာ မိုးကာများဖြုတ်၊ ပြဲသွားသည် ဟု ဂျေယန့်ဒုက္ခသည်စခန်းမှ
တာဝန်ရှိသူ KIA အရာရှိ ၀မ်ဒေဆိုင်းဂျတ်ဒူ (Wangde Seng Jat Du) ပြောသည်။
“လေက အရမ်းပြင်းတော့ စခန်း၂၀ ကျော်က အားလုံးပျက်စီးသွားတယ်။
ဘုရားကျောင်း ၂ ခုနဲ့ စာသင် ကျောင်းဆောင်တစ်ခု လည်းပျက်စီးသွားတယ်။
တစ်ချို့စခန်းကတော့ အမိုးတွေဘာတွေ လန်ကုန်တယ်။ ပြဲသွားတာကပြဲသွားနဲ့
မနေ့ညတော့ အားလုံး ဒုက္ခတွေရောက်ကြတယ်။ အ၀တ်အထည် ပစ္စည်းတွေလည်း စိုကုန်တယ်။
ကျနော်တို့ရဲ့ အရေးကြီးတဲ့ စာရွက်တွေလည်းအားလုံးစိုသွားတယ်။”
ယခုချိန် ပျက်စီးသွားသောစခန်းမှ ဒုက္ခသည်များသည် မပျက်စီးသော
စခန်းများတွင် စုပေါင်းခိုလုံနေကြောင်းနှင့် မိုးကာဖြုတ်ပြီး
ပြဲသွားသောစခန်းများကို ဧပြီ ၃၀ ယနေ့ KIO မှအသစ်ပြန်လည်မိုးပေးကြောင်း
ထိုနေရာမှ ဒုက္ခသည်တစ်ဦးက ပြောသည်။
“အားလုံးပျက်စီးသွားတဲ့ စခန်းတွေကိုတော့ မနက်ဖြန်ဖြုတ်ပြီး ပြန်ပြင်ဆောက်မယ်။” ဟု ၀မ်ဒေဆိုင်းဂျတ်ဒူ ကပြောသည်။
၎င်းဒုက္ခသည်စခန်းတွင် စခန်း ၆၀၀ ကျော်ရှိပြီး ဒုက္ခသည်ပေါင်း ၆၀၀၀ ကျော်ရှိသည်ဟု သူကဆက်ဆိုသည်။
ကျုံပျော်မြို့နယ် ရှားခဲအင်းကြီးကို ဒေသခံများ လုပ်ကိုင်ခွင့်ပြုရန် သမ္မတဆီ စာပို့ တင်ပြ တောင်းခံ
ကျုံပျော်မြို့နယ် ရှားခဲအင်းကြီးကို ဒေသခံများ လုပ်ကိုင်ခွင့်ပြုရန် သမ္မတဆီ စာပို့ တင်ပြ တောင်းခံ
by ဒီမိုဝေယံ
ဒေသခံပြည်သူတွေ မှီခို အားထား အသက်မွေးဝမ်းကျောင်းပြုနေတဲ့
ရှားခဲအင်းကြီးကို လွန်ခဲ့တဲ့ ၁၄ နှစ်ခန့်မှ စတင်ကာ ပုဂ္ဂလိက
လုပ်ငန်းရှင်အား လုပ်ပိုင်ခွင့်ပေးလိုက်တဲ့အတွက် ပြည်သူအများ
ဒုက္ခရောက်နေကြောင်း၊ ဒ့ါကြောင့် ထိုအင်းကြီးအား ဒေသခံပြည်သူများ ပြန်လည်
လုပ်ကိုင် စားသောက်ခွင့်ပေးရန်အတွက် နိုင်ငံတော်သမ္မတထံ
တင်ပြတောင်းခံအပ်ပါကြောင်း ရေးသားထားတဲ့ စာတစောင်ကို ဒေသခံများက မြန်မာသမ္မတ
ဦးသိန်းစိန်ထံ ပေးပို့ထားကြောင်း သတင်းရရှိပါတယ်။
မြန်မာစစ်အာဏာရှင်များဟာ လွန်ခဲ့တဲ့ ၁၄ နှစ်ခန့်မှ စတင်ကာ ဧရာဝတီတိုင်း၊
ကျုံပျော်မြို့နယ်၊ ရှားခဲကျေးရွာအုပ်စုနဲ့ အနီးအနားက ကျေးရွာအုပ်စုပေါင်း
ခြောက်အုပ်စုက မှီခို အသက်မွေးဝမ်းကျောင်း ပြုနေရတဲ့ ရှားခဲအင်းကြီးကို
ပုဂ္ဂလိကလုပ်ငန်းရှင်တဦးအား လုပ်ကိုင်ခွင့် ပေးခဲ့ပါတယ်။ ထိုသို့
လုပ်ပိုင်ခွင့်ရတဲ့ လုပ်ငန်းရှင်ဟာ ရှာခဲအင်းကြီးကို ငါးမွေးကန်သဘွယ်
အသုံးပြုခဲ့တဲ့ အင်းကို မှီခို လုပ်ကိုင် စားသောက်ခဲ့ရတဲ့ ဒေသခံပြည်သူများ
အလုပ်လက်မဲ့ ဖြစ်ခဲ့ကြရပါတယ်။ ထိုသို့ အလုပ်လက်မဲ့ ဖြစ်မှု၊ အလုပ်အကိုင်
ရှားပါးမှုများနဲ့ ဆက်နွယ်ပြီး စားဝတ်နေရေး အကြပ်အတည်းတွေ့ကာ
ရင်သွေးငယ်များအား ပညာသင်ကြား မပေးနိုင်ခဲ့တဲ့အတွက် ကလေးငယ်များလည်း
ပညာရေးချို့တဲ့ခဲ့ကြရပါတယ်။
စားဝတ်နေရေး ကြပ်တည်းမှုကို မခံစားနိုင်တဲ့ ဒေသခံပြည်သူများဟာ
ရှားခဲအင်းကြီးထဲ ၀င်ရောက်ကာ တနပ်တအိုးစာ ငါးဖမ်းခဲ့ကြရပါတယ်။ အဲဒီလို
ငါးဖမ်းတဲ့အခါ ပုဂ္ဂလိကလုပ်ငန်းရှင်များက နည်းမျိုးစုံနဲ့ နှိပ်စက်
ဆက်ဆံခဲ့တာကိုလည်း ခံခဲ့ရပါတယ်။
ဒါ့ကြောင့် တဦးတယောက်၊ တစုတဖွဲ့ ကောင်းစားရေးအကျိုးကျေးဇူးထက်
ပြည်သူအများ စားဝတ်နေရေး ပြေလည်စေရေးကို ရှေ့ရှုပြီး ပြည်သူအများ
အလုပ်အကိုင် အခွင့်အလမ်း ရရှိရန် ဆောင်ရွက်ပေးရန်၊ ကျေးလက်ဒေသ
ဖွံ့ဖြိုးရေး၊ သားငါး ကုန်ထုတ်လုပ်မှုကဏ္ဍ ဖွံ့ဖြိုး တိုးတက်ရေးကို
ရည်ရွယ်ရန်အတွက် ပြည်သူအများကို သနားငဲ့ညှာတဲ့အနေနဲ့ ရှားခဲအင်းကြီးကို
ဒေသခံပြည်သူများ၊ အင်းသူအင်းသားများ လုပ်ကိုင် စားသောက်ခွင့်ပြုရန်အတွက်
မြန်မာသမ္မတ ဦးသိန်းစိန်ထံ စာရေးသား တင်ပြ တောင်းခံခြင်းဖြစ်ကြောင်း
သတင်းရရှိပါတယ်။
အလုပ်သမားများဘဝ မပြောင်းလဲသေးဟုဆို
အလုပ်သမားများဘဝ မပြောင်းလဲသေးဟုဆို
by နေသွင်
လွန်ခဲ့တဲ့ တနှစ်အတွင်း နိုင်ငံရေးအပြောင်းအလဲတွေ
ဖြစ်ခဲ့တယ်လို့ ဆိုကြပေမယ့် အလုပ်သမားတွေ ဘဝကတော့ အရင်အတိုင်း
မပြောင်းလဲသေးဘူးလို့ အလုပ်သမား အခွင့်အရေး လှုပ်ရှားသူတွေက
ပြောပါတယ်။
အလုပ်သမားတွေ ဘဝ တိုးတက်ပြောင်းလဲလာဖို့ဆိုရင်၊ အလုပ်သမားတွေရဲ့
လုပ်ခလစာကနေ၊ အလုပ်သမားဥပဒေ၊ နောက် တရားရုံးတွေ သမာသမတ်ကျဖို့
အထိ အပြောင်းအလဲတွေ လိုအပ်နေသေးတယ်လို့ အလုပ်သမားအခွင့်အရေး
လှုပ်ရှားသူတွေက ပြောကြပါတယ်။
မြန်မာပြည်က အလုပ်သမားတွေ လက်ရှိရနေတဲ့ လုပ်ခဟာ အခြေခံ
စားဝတ်နေရေး လိုအပ်ချက်ကိုတောင် မဖြည့်ဆည်းနိုင်သေးဘူးလို့
အလုပ်သမား အခွင့်အရေးလှုပ်ရှားသူ မစုစုနွေးက ပြောပါတယ်။
“ကျမတို့ မြန်မာအလုပ်သမားတွေက တနေ့မှာ ၁ နာရီကို ကျပ် ၁၀၀
နှုန်းဆိုတော့ တနေ့မှာ ၈ နာရီဆိုတော့ ကျပ် ၈၀၀ ပဲရတယ်။
တနေ့လုံးလုပ်ခက ကျပ် ၁၀၀၀ တောင် မပြည့်ဘူး။ ဆန်တပြည်က ၁၀၀၀
ကျော်ရှိတယ်။ အနိမ့်ဆုံးဆန်က ၈၀၀ ရှိတယ်။ အဲဒီတော့ တနေ့လုံး
ရုန်းကန်ရှာထားတဲ့ ဒီ ၈၀၀ က၊ ဆန်တပြည်ဖိုးတောင် မရှိဘူး။
အမျိုးသမီးတွေက အလုပ်သမားအများစုဖြစ်တယ်။ အဲဒီတော့ အလုပ်သမား
အခွင့်အရေးတွေ ပေးတော့ပေးထားတယ်။ အရင်တုန်းက အလုပ်သမား
ဖွဲ့စည်းခွင့်တွေမရဘူး။ အလုပ်သမားတွေက အခမ်းအနားတွေကို
လာတက်ရောက်ပိုင်ခွင့် မရှိဘူး။ ဒီလို အလုပ်ရုံ၊ စက်ရုံတွေကို
အလုပ်သမားသမဂ္ဂ ဖြစ်စေချင်တယ်ဆိုပြီး သွားပြောခွင့်မရှိဘူး။ အခုတော့
နည်းနည်း လှုပ်ရှားသွားလာခွင့် ရလာတယ်။ အပြည့်အဝတော့
မပြောင်းလဲသေးဘူး။ အခွင့်အရေး အပြည့်အဝ မရရှိဘူး။
ပြောင်းလဲသလိုလိုနဲ့ မပြောင်းလဲဘူး ဖြစ်နေပါတယ်။”
ပြီးခဲ့တဲ့ တနှစ်အတွင်း မြန်မာပြည်က နိုင်ငံရေးအပြောင်းအလဲတွေ
လျင်လျင်မြန်မြန် ဖြစ်ပေါ်ခဲ့သလိုပဲ အလုပ်သမားတွေနဲ့ ပတ်သက်လို့လည်း
မကြာခင်ရက်ပိုင်းကပဲ အစိုးရက အလုပ်သမား ဥပဒေသစ်ကို အတည်ပြုခဲ့ပါတယ်။
တရားဝင် မှတ်ပုံတင် လျှောက်ထားကြထားတဲ့ အလုပ်သမားအဖွဲ့တွေထဲက ၈
ဖွဲ့ကိုလည်း အစိုးရက တရားဝင် အသိအမှတ်ပြုပေးခဲ့ပါတယ်။
ဒီလို အလုပ်သမားဥဒေတွေ ပြဋ္ဌာန်းပေးခဲ့တာ၊
အလုပ်သမားအဖွဲ့အစည်းတွေ တရားဝင်ဖွဲ့စည်းခွင့်ပြုခဲ့တာတွေဟာ
အလုပ်သမားထုရဲ့ လူမှုတရားမျှတမှုနဲ့ အလုပ်သမားအခွင့်အရေး
အပြည့်အဝခံစားနိုင်ဖို့ ဖြစ်တယ်လို့ ဒီနေ့ သမ္မတ ဦးသိန်းစိန်ရဲ့
မေဒေးနေ့ သဝဏ်လွှာမှာ ဆိုထားပါတယ်။
အလုပ်သမားအမှုတွေကို ကူညီဆောင်ရွက်ပေးနေတဲ့ ရှေ့နေ ကိုဖိုးဖြူက
ဒီအပြောင်းအလဲတွေဟာ အပေါ်ယံ အပြောင်းအလဲတွေပဲ ဖြစ်နေလို့ အနှစ်သာရ
အပိုင်းမှာ ပြောင်းဖို့ လိုနေသေးတယ်လို့ ဆိုပါတယ်။
“အခုက နိုင်ငံရေးအခြေအနေလည်း ပြောင်းလဲနေတယ်။
နိုင်ငံရေးအဖွဲ့အစည်း အဆောက်အဦ ပုံစံတွေလည်း
ပြောင်းလဲနေတယ်ဆိုတာတော့ အားလုံး ပြောနေကြတဲ့ အခြေအနေပါပဲ။
ဒါပေမယ့် အဆောက်အအုံတွေ ပုံသဏ္ဌာန်တွေ ပြောင်းလဲနေလို့
မပြီးသေးပါဘူး။ အနှစ်သာရအားဖြင့် ဒီမိုကရေစီ ယန္တရားလည်ပတ်ဖို့
လိုအပ်တယ်လို့ ခံယူမိတယ်။ အခု အခြေခံလူတန်းစားတွေဖြစ်တဲ့ အလုပ်သမား၊
လယ်သမားတွေရဲ့ ဘဝကိုပဲ ကျနော်ပြောပါရစေ။
“ဒီနေ့လို အလုပ်သမားနေ့ အခါသမယမှာ အလုပ်သမားတွေရဲ့ လုပ်ခလစာ
တိုးတက်မြင့်မားလာခြင်း မရှိသေးပါဘူး။ အလုပ်သမားတွေဟာ အဖွဲ့အစည်း
မှတ်ပုံတင်ခွင့် ရလာတယ်၊ ဆိုတဲ့အချက်ကတော့ ပြောင်းလဲလာတယ်။
အလုပ်သမားတွေ ဖွဲ့စည်းခွင့်ရတာပဲ ရှိသေးတယ်။ စည်းရုံးခွင့်ကို
ဒီနေ့အချိန်ထိ ဥပဒေမှာ ပြဋ္ဌာန်းထားခြင်း မရှိသေးပါဘူး။
စုပေါင်းအရေးဆိုပိုင်ခွင့်ဆိုင်ရာ အခွင့်အရေးကလည်း
အားနည်းနေတုန်းပဲ ရှိပါသေးတယ်။ အခုလို အလုပ်သမားသမဂ္ဂတွေ၊
အဖွဲ့အစည်းတွေ ပေါ်ပေါက်လာတဲ့အချိန်မှာ ခေါင်းဆောင်တွေသည်
အလုပ်ရှင်တွေနဲ့ အာဏာပိ်ုင်တွေရဲ့ ခွဲခြားဆက်ဆံခြင်းကို
ခံရဖို့ရှိနေတယ်။ အဲဒီလို ဖြစ်နေခြင်းကို ဥပဒေကြောင်းအရ
ကာကွယ်ဖို့လိုတယ်။ ဒီထက်ပိုဆိုးတာက အင်္ဂလိပ်လက်ထက်က ပြဋ္ဌာန်းထားတဲ့
အလုပ်သမား သမဂ္ဂ ဥပဒေကမှ အဆင့်မီသေးတယ်။ အလုပ်သမား သမဂ္ဂဝင်တွေသည်
အလုပ်သမား သမဂ္ဂအရေး ဆောင်ရွက်နေတယ်ဆိုရင် သူတို့လုပ်ခ လစာတွေ
လျော့နည်းခွင့်၊ ဖြတ်တောက်ခွင့် မရှိစေရဘူးဆိုတဲ့
ပြဋ္ဌာန်းချက်မျိုး အင်္ဂလိပ် လက်ထက်က ပြဋ္ဌာန်းခဲ့တဲ့ အလုပ်သမား
အစည်းအရုံး ဥပဒေမှာတောင် ပါဝင်နေတယ်။ အခု အသစ်ပြဋ္ဌာန်းလိုက်တဲ့ ၂၀၁၁
အလုပ်သမား ဥပဒေမှာ ဒီအချက်တွေ ပါဝင်လာခြင်း မရှိဘူး။”
အလုပ်သမားအခွင့်အရေးလှုပ်ရှားနေတဲ့ မစုစုနွေးက အလုပ်သမားတွေရဲ့
ဥပဒေကို အလုပ်သမားတွေ ကိုယ်တိုင်က အဆိုပြုမှ ပြည့်စုံနိုင်မယ်လို့
အခုလို ဆိုပါတယ်။
“အရင်ထုတ်ပြန်ထားတဲ့ ဥပဒေနဲ့ အခုဥပဒေသစ်ကို နှိုင်းယှဉ်ကြည့်ရင်
အခုထုတ်ပြန်တဲ့ ဥပဒေအသစ်က အလုပ်သမားတွေကို ပိုပြီးတော့
ချုပ်ကိ်ုင်ထားတာ တွေ့ရတယ်။ ဒီဥပဒေအသစ်က အလုပ်သမားတွေရဲ့
အခွင့်အရေးကို အပြည့်အဝ အကာအကွယ် မပေးနိုင်ဘူး။ ဒီဥပဒေအတိုင်း
သွားနေမယ်ဆိုရင် အလုပ်သမားအဖွဲ့တွေ ဘယ်လောက်ပဲ ဖွဲ့စည်းထားပါစေ၊
အပြည့်အဝ ခံစားခွင့်ရမှာ မဟုတ်ဘူး။ ဖွဲ့စည်းထားတဲ့
အလုပ်သမားသမဂ္ဂတွေ၊ အဖွဲ့အစည်းတွေ၊ အဖွဲ့ဝင်တွေကနေ
သူတို့ကိုယ်တိုင် ရေးဆွဲတောင်းဆိုပြီးတော့ နိုင်ငံတော်ကလည်း ဒါကို
လေးလေးနက်နက် ထားပြီး အလုပ်သမားတွေဘက်က တင်ပြတဲ့ ဥပဒေတွေ၊
မူတွေကို တိတိကျကျ ဆောင်ရွက်ပေးမှသာ အလုပ်သမားတွေဘက်က
ကာကွယ်ပေးနိုင်မှာ ဖြစ်ပါတယ်။”
အရင်နှစ်နဲ့မတူ ပြောင်းလဲသွားတာဆိုလို့ ဒီနှစ် မေဒေးနေ့
အလုပ်သမားနေ့ အခမ်းအနားတွေကို အလုပ်သမားတွေကိုယ်တိုင် လွတ်လွတ်လပ်လပ်
ကျင်းပခွင့်ရတယ်လို့ အလုပ်သမားအခွင့်အရေး လှုပ်ရှားသူတွေက
ဆိုကြပါတယ်။
ဒီလို ကိစ္စမျိုးတွေမှာ ပြောင်းလဲနေတယ်လို့ ဆိုနိုင်ပေမယ့်
အရေးကြီးတဲ့ ကိစ္စတွေမှာတော့ ဘာမှ အပြောင်းအလဲ
မရှိသေးတဲ့အကြောင်း ကိုဖိုးဖြူက ကိုယ်တွေ့ အဖြစ်အပျက်ကို
အခြေခံပြီး အခုလို ထောက်ပြပါတယ်။
“ကုမ္ပဏီအတွက် လုပ်ငန်းရှင်တွေအတွက် တဖက်သတ် တရားစီရင်ပြီးတော့
အလုပ်သမားအရေးအတွက် တက်ကြွဆောင်ရွက်နေတဲ့ သူတွေအတွက် တဖက်သတ်
အနှိပ်ကွပ်ခံနေရတဲ့ အခြေအနေသည် ကျနော်တို့ အလုပ်သမား အခွင့်အရေး
တက်ကြွဆောင်ရွက်သူ ကျနော်အပါအဝင် မိတ်ဆွေ ၁၀ ဦးဟာ ယနေ့အချိန်ထိ
တောင်ဒဂုံ တရားရုံးမှာ တရားစွဲဆိုမှုကို ရင်ဆိုင်နေရတုန်းပဲ၊
သေချာတာကတော့ တရားစီရင်ရေးက လုံးဝမပြောင်းလဲတဲ့ ခြစားမှုတွေ၊
တဖက်သတ် အဂတိလိုက်စားမှုတွေ နောက်တခါ တရားစီရင်ရေးကိုယ်တိုင်က
အုပ်ချုပ်ရေးအာဏာပိုင်ရဲ့ ဆောင်ကြာမြိုင် နောက်ဖေးပေါက် ဖြစ်နေတဲ့
မလွတ်လပ်မှုတွေက ယနေ့အချိန်ထိ ရှိနေသေးတယ်လို့ ပြောချင်ပါတယ်။”
နိုင်ငံတကာငွေကြေးရန်ပုံငွေအဖွဲ့ (အိုင်အမ်အက်ဖ်)ရဲ့
ခန့်မှန်းချက်အရ မြန်မာပြည်က အလုပ်လက်မဲ့နှုန်းဟာ ၂၀၁၀ တုန်းက လူတရာမှာ
၆ ယောက်နီးပါး ရှိတယ်လို့ ဆိုထားပါတယ်။ ၂၀၀၉ ခုနှစ်
ခန့်မှန်းချက်ဖြစ်တဲ့ ၄ ဒဿမ ၉ ရာခိုင်နှုန်းနဲ့ နှိုင်းယှဉ်ရင်
အခြေအနေ နည်းနည်း ပိုဆိုးသွားတဲ့ သဘောပါ။
သမ္မတ ဦးသိန်းစိန်ကတော့ အစိုးရသစ်အနေနဲ့ အလုပ်အကိုင်တွေ
ဖန်တီးနိုင်ဖို့ နိုင်ငံတဝှမ်းမှာ စက်မှုဇုန်တွေ ထူထောင်တာ၊
နိုင်ငံခြား ရင်းနှီးမြှုပ်နှံမှုတွေ ဝင်လာအောင်
ဆောင်ရွက်နေတဲ့အကြောင်း မေဒေးနေ့ သဝဏ်လွှာမှာ ဖော်ပြထားပါတယ်။
ရန်ကုန်သင်္ကြန် ဗုံးခွဲမှု တရားစွဲခံရသူ ကျန်းမာရေးချို့တဲ့
ရန်ကုန်သင်္ကြန် ဗုံးခွဲမှု တရားစွဲခံရသူ ကျန်းမာရေးချို့တဲ့
၂၀၁၀ ခုနှစ် ရန်ကုန်သင်္ကြန် ဗုံးခွဲမှုနဲ့ တရားစွဲခံထားတဲ့
ကိုဖြိုးဝေအောင်ဟာ အသည်းဝေဒနာ ခံစားနေရလို့ အထူးကုဆရာဝန်နဲ့ ကုသတာမျိုး၊
အပြင်ဆေးရုံမှာ ကုတာမျိုး လိုအပ်နေကြောင်း သိရပါတယ်။
ဒါပေမယ့် ထောင်အာဏာပိုင်တွေက မလုပ်ပေးဘူးလို့ မနေ့က အင်းစိန်ထောင်မှာ
သွားရောက်တွေ့ဆုံခဲ့တဲ့ ဇနီးဖြစ်သူ မဌေးဌေးက RFA ကို ပြောပြပါတယ်။
သူက ရင်ဘတ်တခုလုံးနာပြီးတော့ မထိုင်နိုင်ဘူးလေ။ မှောက်ခုံကြီး
မှောက်နေရတယ်။ နေမကောင်း စဖြစ်တာကတော့ ဒီနှစ်တလပိုင်းထဲကပေါ့နော်။ဖျားတယ်၊
ဖျားတယ်နဲ့ အဲကနေပြီးတော့ အသဲရောင်တယ်ပေါ့နော်။ ပြီးတော့ အသဲမှာ
အကြိတ်တွေ့တယ် ဆိုတာက ၃ လပိုင်းတုန်က သိရတာပါ။ ခု အသည်းဖြစ်ပြီ
ဆိုတဲ့အချိန်ကျတော့ အထူးကုနဲ့ပြဖို့ လိုပြီပေါ့နော်။ ဒါပေမယ့် အခုချိန်ထိ
ထောင်မှာလာကြည့်တာမျိုးကော၊ အပြင် refer ထုတ်တာမျိုးကော ဘာမှမလုပ်သေးဘဲ
ထားထားတယ်။
ပြီးခဲ့တဲ့ ၁၈ ရက်နေ့က ကိုဖြိုးဝေအောင်ကို အင်းစိန်ဆေးရုံက ဆရာဝန်တဦးက
ထောင်မှာ အတ်ထရာဆောင်း လာရိုက်ပေးပေမယ့် အင်းစိန်ထောင်က ultrasound
ရိုက်တဲ့စက်ကပျက်နေတော့ ရောဂါအခြေအနေကို မခန့်မှန်းနိုင်ဘူးလို့လည်း
ဆိုပါတယ်။
ထောင်မကျခင်ကတည်းက ကိုဖြိုးဝေအောင်မှာ အသည်းရောင်အသားဝါ ဘီ ပိုးရှိပြီး
အသည်းမှာ ပြည်တည်ခဲ့ဖူးပါတယ်။ သူ့ကို ပြင်ပဆေးရုံမှာ ဆေးကုခွင့်ရဖို့၊
အထူးကုဆရာဝန်နဲ့ ကုခွင့်ရဖို့ကို ထောင်အာဏာပိုင်တွေထံ ပြီးခဲ့တဲ့ ဧပြီ ၂၆
ရက်နေ့မှာ မိသားစုက စာရေးတင်ပြထားပေမယ့် ခုထိ ဘာမှ အကြောင်းမပြန်သေးဘူးလို့
မဌေးဌေးက ပြောပါတယ်။
ထောင်ပိုင်ရယ်၊ ထောင်တာဝန်ခံအရာရှိရယ်၊ ပြီးတော့ ထောင်တာဝန်ခံ
ဆရာဝန်ရယ်ကို ကိုဖြိုးဝေအောင်ရဲ့ညီ ဒေါက်တာထက်ဝေအောင်က စာရေးတင်ပါတယ်။
ပြီးတော့ မိတ္တူကို သမ္မတတို့ ဘာတို့ဆီကို ပို့ထားပါတယ်။ စာထဲမှာ
အင်းစိန်ဆေးရုံမှာ ထွက်ပြီးတော့ အတ်ထရာဆောင်း ရိုက်ခွင့်ပေးဖို့ရယ်၊
အသည်းအထူးကု ဆရာဝန်နဲ့ ရီဖားထုတ်ပြီးတော့ ကုသပေးဖို့ရယ်၊
လိုအပ်တဲ့ငွေကြေးကို မိသားစုက ပေးပါ့မယ်ဆိုပြီး ကျမတို့ စာတင်ထားပါတယ်။
ကိုဖြိုးဝေအောင်ရဲ့အမှုကို လာမယ့် မေလ ၈ ရက်နေ့မှာ တရားရုံးက အမိန့်ချမှာ
ဖြစ်တဲ့အတွက် အမိန့်ချပြီးတဲ့နောက် အခုလိုကျန်းမာရေး ဆိုးနေချိန်
မိသာစုနဲ့ဝေးလံတဲ့ ထောင်တွေဆီ ထပ်မံပြောင်းရွှေ့ခံရမှာကို
စိုးရိမ်နေတယ်လို့လည်း ကိုဖြိုးဝေအောင်ရဲ့ဇနီး မဌေးဌေးက ပြောသွားပါတယ်။
အဓမ္မအလုပ်ခိ်ုင်းစေမှု ၂၀၁၅ မှာ ပပျောက်အောင်လုပ်မည်ဟု သမ္မတပြော
အဓမ္မအလုပ်ခိ်ုင်းစေမှု ၂၀၁၅ မှာ ပပျောက်အောင်လုပ်မည်ဟု သမ္မတပြော
by ပီတာအောင်
လာမယ့် ၂၀၁၅ ခုနှစ်မှာ အဓမ္မ အလုပ်စေခိုင်းမှုတွေ မြန်မာပြည်မှာ
လုံးဝပပျောက်သွားစေဖို့ စတင် ဆောင်ရွက်နေပြီလို့ မြန်မာသမ္မတ
ဦးသိန်းစိန်က မေလ ၁ ရက်နေ့မှာ ကျရောက်တဲ့ ကမ္ဘာ့ အလုပ်သမားနေ့
အထိမ်းအမှတ်ပေးပို့တဲ့ သဝဏ်လွှာမှာ ထည့်သွင်းပြောကြားလိုက်ပါတယ်။
သမ္မတဦးသိန်းစိန်က ဒီမိုကရေစီစနစ်အရတာဝန်ယူခဲ့တဲ့
အစိုးရသစ်သက်တမ်း တနှစ်ကျော် ကာလဖြစ်လို့ နိုင်ငံမှာ တရားမျှတ
လွတ်လပ်ညီမျှခြင်းဆိုတဲ့ လောကပါလတရားတွေ ပိုထွန်းကားစေဖို့
အဓမ္မခိုင်းစေမှုတွေ မြန်မာနိုင်ငံ တဝန်းလုံးမှာ
လုံးဝပပျောက်သင့်ပြီလို့ ဆိုပါတယ်။
အဓမ္မခိုင်းစေမှုမှာ မည်သူ တဦးတယောက်ထံကမဆို ကာယကံရှင်ရဲ့ဆန္ဒမပါဘဲ
လုပ်အားကို ခြိမ်းခြောက်ပြီး အတင်းအကျပ် ရယူအသုံးပြုတဲ့
အလုပ်တွေနဲ့ဝန်ဆောင်မှုတွေ ပါဝင်တယ်လို့ဦးသိန်းစိန်က ပြောပါတယ်။
အလုပ်သမားတွေရဲ့ အခွင့်အရေးကို ကာကွယ်စောင့်ရှောက်ရေးအတွက်
အလုပ်သမား အဖွဲ့အစည်းတွေ ဖွဲ့စည်းခွင့်ပြုထားတဲ့အကြောင်းနဲ့
ခေတ်မီ ဖွံ့ဖြိုးတိုးတက်တဲ့ ဒီမိုကရေစီနိုင်ငံ တည်ဆောက်ရာမှာ
အလုပ်သမား အလုပ်ရှင်နဲ့ အလုပ်သမား အဖွဲ့အစည်းတွေက အစိုးရနဲ့
ညီညီညွတ်ညွတ် ပူးပေါင်းဆောင်ရွက်ဖို့လည်း သမ္မတ ဦးသိန်းစိန်က
တိုက်တွန်းပါတယ်။
ဒီကနေ့ ကျရောက်တဲ့ ၁၂၂ ကြိမ်မြောက် ကမ္ဘာ့အလုပ်သမားနေ့
အထိမ်းအမှတ် အခမ်းအနားတွေကို မြန်မာနိုင်ငံတွင်းမှာရော ပြည်ပမှာပါ
မြန်မာ အလုပ်သမားတွေနဲ့ အလုပ်သမားအရေး လှုပ်ရှားသူတွေက
နေရာအသီးသီးမှာ ကျင်းပခဲ့ကြပါတယ်။
ရန်ကုန်တိုင်း သန်လျင်မြို့နယ်မှာတော့ အလုပ်သမားသမဂ္ဂ
အဖွဲ့အစည်းတွေ အများအပြား ပါဝင်တဲ့ အလုပ်သမားနေ့ အထိမ်းအမှတ်
ဟောပြောပွဲနဲ့ အခမ်းအနားကို မြန်မာနိုင်ငံမှာ
အစိုးရသစ်တက်လာပြီးနောက် ပထမဆုံးအကြိမ် လွတ်လပ်စွာ
ကျင်းပနိုင်ခဲ့ပါတယ်။
မြန်မာနိုင်ငံမှာ လွတ်လပ်တဲ့အလုပ်သမားသမဂ္ဂတွေ
ဖွဲ့စည်းခွင့်ရရေးနဲ့ အလုပ်သမားတွေရဲ့ ဘဝ အာမခံချက်ရှိရေးဟာ
မြန်မာအလုပ်သမားထုတွေ အတွက် အရေးအကြီးဆုံး ဖြစ်တယ်လို့ လွတ်လပ်သော
အလုပ်သမားသမဂ္ဂများ ဖြစ်မြောက်ရေးကော်မတီက ဦးထွန်းထွန်းနိုင်က
ပြောပါတယ်။
“မြန်မာပြည်မှာရှိတဲ့ အလုပ်သမားပြဿနာဟာ အဓမ္မ အလုပ်ခိုင်းစေမှု ပြဿနာ
တခုတည်း မဟုတ်ပါဘူး။ အလုပ်သမားသမဂ္ဂတွေ လွတ်လပ်စွာ
ဖွဲ့စည်းခွင့်ရရှိဖို့ ဖြစ်တယ်။ အလုပ်သမားတွေမှာ
သူတို့ရဲ့လုပ်အားနဲ့ ညီမျှတဲ့ လုပ်ခလစာ ရရှိဖို့ဖြစ်တယ်။
အလုပ်သမားတွေရဲ့ ဘဝအာမခံချက်ရရှိရေး ဖြစ်တယ်။ ဒါက အလုပ်သမားတွေအတွက်
အရေးကြီးတဲ့ ပြဿနာပါ။ အဓမ္မ လုပ်အားပေး ပြဿနာဆိုတာ အလုပ်သမားတွေရဲ့
ပြဿနာထဲမှာ အစိတ်အပိ်ုင်းတခုပဲ ဖြစ်ပါတယ်။”
ဒီအခမ်းအနားမှာ ၈၈ မျိုးဆက်ကျောင်းသားခေါင်းဆောင် ကိုကိုကြီး၊
အလုပ်သမား လယ်သမားရေးဆောင်ရွက်သူ မစုစုနွေးနဲ့ အလုပ်သမား
အခွင့်အရေး လှုပ်ရှားသူတွေ ဟောပြောခဲ့ကြပြီး ဆောင်းဦးလှိုင်၊
အနဂ္ဂ၊ သံသာဝင်းစတဲ့ အနုပညာရှင် တချို့လည်း ပါဝင်
တက်ရောက်ခဲ့ကြပါတယ်။
မြန်မာအလုပ်သမားတွေဟာ ၁၉၈၈ ကာလတုန်းက မဆလ တပါတီ အာဏာ ရှင်စနစ်
ပြုတ်ကျသွားအောင် လုပ်ခဲ့တဲ့ အရေးအပါဆုံး အင်အားစုဖြစ်တယ်လို့
အခမ်းအနားမှာ ကိုကိုကြီးက အလုပ်သမားတွေကို ဂုဏ်ပြုစကား
ပြောကြားသွားပါတယ်။
“၁၉၈၈ ခုနှစ် နိုင်ငံလုံးကျွတ် လူထုလှုပ်ရှားမှုကြီးမှာ ကျနော်တို့
တက္ကသိုလ် ကျောင်းဝင်းတွေကနေ စခဲ့တယ်ဆိုပေမယ့် တကယ့်အဆုံးအဖြတ်
ပေးသွားတဲ့ အစိုးရ ယန္တရားတခုလုံး ရပ်တန့်သွားအောင် လုပ်ခဲ့တဲ့
အရေးပါဆုံး အင်အားစုက အလုပ်သမားထုပါ။ အဲဒီအလုပ်သမားထုသာ သပိတ်ထဲမှာ
ပူးပေါင်းပါဝင် မလာခဲ့ရင် တပါတီအာဏာရှင်ရဲ့ ယန္တရားဟာ
ဆက်ပြီးသက်ဆိုးရှည်နေဦးမှာ။ အဲဒီလို ကျနော်တို့
နိုင်ငံရဲ့ခေတ်ပြောင်း၊ စနစ်ပြောင်း တော်လှန်ရေးတခုကို
အဓိကကျခဲ့တဲ့ အင်အားစုတခုအဖြစ်နဲ့ ကျနော်တို့ ကျောင်းသားထုနဲ့
အလုပ်သမားထုနဲ့ အောင်အောင်မြင်မြင် ပူးပေါင်းဆောင်ရွက်နိုင်ခဲ့တာဟာ
ကျနော်တို့နိုင်ငံရဲ့ ဒီမိုကရေစီ ပြောင်းလဲရေးမှာ အရေးအပါဆုံး
သော့ချက်လို့ ပြောလို့ ရပါတယ်။”
အလားတူ မြန်မာနိုင်ငံက ရွှေ့ပြောင်းအလုပ်သမားတွေ အများအပြား
လာရောက် အလုပ်လုပ် ကိုင်နေတဲ့ ထိုင်းနိုင်ငံ ဘန်ကောက်၊ ချင်းမိုင်၊
မဲဆောက်မြို့စတဲ့မြို့တွေမှာလည်း မေဒေးနေ့ လှုပ်ရှားမှုတွေနဲ့
အခမ်းအနားတွေ ကျင်းပခဲ့ကြပြီး အလုပ်ချိန်၊ လုပ်အားခ စတဲ့
အလုပ်သမားတွေရဲ့ ရပိုင်ခွင့် အခွင့်အရေးတွေ
ပြည့်ပြည့်ဝဝရရှိရေးနဲ့ ဖိနှိပ်မှုတွေကနေ ကင်းလွတ်ရေးအတွက်
တောင်းဆိုခဲ့ကြပါတယ်။
မနန်းဝိုးဖန်အမှု အမျိုးသား လွှတ်တော် ဥက္ကဌထံ တင်ပြမည်
မနန်းဝိုးဖန်အမှု အမျိုးသား လွှတ်တော် ဥက္ကဌထံ တင်ပြမည်
by အောင်သက်ဝိုင်း
အထူး စုံစမ်းစစ်ဆေးရေး ဦးစီးဌာန (စသုံးလုံး) က ခေါ်ယူစစ်ဆေးစဉ်
သေဆုံးသွားရသော ရှမ်းတိုင်းရင်းသူ မနန်းဝိုးဖန်အမှုကို အမျိုးသား လွှတ်တော်
ကိုယ်စားလှယ် ဦးဖုန်းမြင့်အောင်က စုံစမ်းပြီး အမျိုးသားလွှတ်တော်ဥက္ကဋ္ဌ
ဦးခင်အောင်မြင့်ထံ တိုက်ရိုက် တင်ပြမည် ဖြစ်ကြောင်း သိရသည်။
မနန်းဝိုးဖန် အမှုကို လွှတ်တော်ဥက္ကဋ္ဌထံသို့ တိုက်ရိုက်
အသိပေးတိုင်ကြားမည်ဖြစ်ပြီး လွှတ်တော်တွင် တင်ပြမည်မဟုတ်ဟု လည်း
ဦးဖုန်းမြင့်အောင်က ဆိုသည်။
“လွှတ်တော်ထဲမှာ အဆို၊ မေးခွန်းတင်တာမျိုးမလုပ်တော့ဘူး။ လွှတ်တော်ကလည်း
ပြီးကာနီးနေပြီဆိုတော့ လွှတ်တော်ဥက္ကဋ္ဌကိုပဲ တိုက်ရိုက်တင်လိုက်မှာပါ” ဟု
ဦးဖုန်းမြင့်အောင် ကရှင်းပြသည်။
မနန်းဝိုးဖန်၏ မိသားစုဝင်များကလည်း အခင်းဖြစ်ပွားမှုနှင့် ပတ်သက်ပြီး
ဥပဒေနှင့် ညီညွတ်ရန်၊ အဖြစ်မှန် ပေါ်ပေါက်ရန် တို့ကို လိုလားကြကြောင်း
သိရသည်။
“မနန်းဝိုးဖန် ခင်ပွန်း ဂျပန်ရော၊ မိသားစုဝင်တွေကရော
ဦးဖုန်းမြင့်အောင်ဆီကို သူတို့ရဲ့တိုင်စာတွေ တင်ပြကြတယ်။ ဦးဖုန်းမြင့်
အောင် ကလည်း သူစုံစမ်းထားသလောက် ဥပဒေနဲ့ညီ၊ မညီဆိုတာတွေကိုစာရေးပြီး
လွှတ်တော်ဥက္ကဋ္ဌဆီ တင်ပြမယ်လို့ ပြောတယ်။ အဓိကက ဒီကိစ္စက ဥပဒေနဲ့ညီ၊ မညီဆိုတာ
အဓိကပါပဲ။ ဘာကြောင့် သေသလဲ၊ ဘယ်လို သေခဲ့သလဲ၊ ဘာတွေဖြစ်ခဲ့သလဲ အဖြစ်
မှန်တွေ ပေါ်ပေါက်ဖို့ပဲ မိသားစုဝင်တွေက လိုလားကြတာ”ဟု မနန်းဝိုးဖန်၏
မိသားစုဝင် တဦးက ဧရာဝတီသို့ ပြောသည်။
မနန်းဝိုးဖန်သေဆုံးမှုနှင့်ပတ်သက်ပြီး စသုံးလုံး ဌာနကို အမှုဖွင့်ရန်
ကြိုးစားခဲ့ကြသော်လည်း ပြည်ထဲရေးဝန်ကြီးဌာန မြန်မာနိုင်ငံ ရဲတပ်ဖွဲ့က
လက်ခံခဲ့ခြင်း မရှိကြောင်း သိရှိရသည်။
ဂျပန်နိုင်ငံသား မစ္စတာ နာမဆဲမိုတိုဟိကိုနှင့် ပေါင်းသင်းနေထိုင်သူ
မနန်းဝိုးဖန်က ဂျပန်နိုင်ငံသား၏ ပိုင်ဆိုင်မှုငွေကြေးများနှင့် အမည်ခံ
ဝယ်ယူထားသော မြေကွက်များကိစ္စနှင့် စပ်လျဉ်းပြီး မနန်းဝိုးဖန်ကို စသုံးလုံးက
ခေါ်ယူစစ်မေးစဉ် ဥပဒေမဲ့ စစ်ဆေးမှုများကြောင့် သေဆုံးရသည်ဟု ဆိုကာ
မနန်းဝိုးဖန်၏ မိသားစုဝင်များက စွပ်စွဲပြောဆိုနေကြသည်။
ယင်းအမှုနှင့်ပတ်သက်ပြီး ဧရာဝတီက စသုံးလုံးကို ဆက်သွယ်ခဲ့ရာ တရားဝင်ဖြေကြားမည့်သူမရှိဟုသာ ပြန်လည်ပြောဆို ခဲ့သည်။
ပြည်ထဲရေးဝန်ကြီးဌာနကလည်း မနန်းဝိုးဖန်အမှုကို
အထူးခုံရုံးဖွဲ့စစ်ဆေးနေသော်လည်း စုံစမ်းစစ်ဆေးမှုများနှင့်ပတ်သက်ပြီး
မီဒီယာများသို့ တစုံတရာ ထုတ်ဖော်ပြောဆိုခြင်း မရှိသေးပေ။
မနန်းဝိုးဖန်သည် ရှမ်းတိုင်းရင်းသူတဦးဖြစ်ပြီး ဗမာစကား
ကျွမ်းကျင်စွာတတ်မြောက်ခြင်းမရှိဘဲ သေဆုံးချိန်တွင် အသက် ၂၀ ခန့်
သာရှိသေးကာ ၎င်း၏ဈာပနအခမ်းအနားကို မတ်လ ၃၀ ရက်နေ့က ထိန်ပင် သုသာန်တွင်
ကျင်းပသဂြုင်္ိဟ်ခဲ့ကြောင်း သိရှိရသည်။
မနန်းဝိုးဖန်နှင့် ရှေ့နေဖြစ်သူ မအိအိအောင်ကို မတ်လ၂၁ ရက်နေ့က
စသုံးလုံးရုံးရှိရာ ရန်ကုန်မြို့ ဆိပ်ကမ်းသာလမ်းရှိ ၅ ထပ် အဆောက်အအုံတွင်
နေအိမ်သို့ ပြန်ခွင့်မပြုဘဲ ၃ ရက်တိတိ ခေါ်ယူစစ်ဆေးခဲ့ခြင်း ဖြစ်သည်။
မတ်လ၂၄ ရက်နေ့ နံနက် ၅ နာရီခန့်တွင် မနန်းဝိုးဖန်သည် ခေါ်ယူစစ်ဆေးနေသော ၅
ထပ် စသုံးလုံး အဆောက်အအုံပေါ်မှ ရုတ် တရက်
ပြုတ်ကျသေဆုံးသွားခြင်းဖြစ်ကြောင်း သိရှိရသည်။
ကချင်မှာ တိုက်ပွဲတွေ အပြင်းအထန် ပြန်ဖြစ်
ကချင်မှာ တိုက်ပွဲတွေ အပြင်းအထန် ပြန်ဖြစ်
By စံမိုးဝေ
ကချင်ပြည်နယ် မှာ ဖြစ်ပွားနေတဲ့ သွေးထွက် သံယို မှု တွေကို ရပ်စဲအောင်
လုပ်ဆောင်ကြဖို့ မစ္စတာ ဘန်ကီမွန်း က တိုက်တွန်း လိုက်ချိန်မှာဘဲ လက်ရှိ
ကချင်ပြည်နယ် အတွင်းမှာတော့ တိုက်ပွဲတွေက ဆက်လက်ပြီး ဖြစ်ပွားနေတာပါ။
ဒါ့အပြင် ဒီတိုက်ပွဲတွေ နဲ့ ပတ်သက်ပြီး ကေအိုင်အို ကချင်လွတ်မြောက်ရေး
အဖွဲ့ နဲ့ မြန်မာ အစိုးရ တပ်တွေ ကြားမှာလည်း အပြန်အလှန် စွပ်စွဲမှု တွေ
ထွက်ပေါ်နေပါတယ်။ အကဲခတ် စောင့်ကြည်သူတွေကတော့ နှစ်ဘက်အကြားမှာ အပစ်ရပ်
ငြိမ်းချမ်းရေး ရဖို့ ထက် တိုက်ပွဲတွေ တိုးလာဖို့က ပိုများနေတယ် လို့
သုံးသပ်ကြပါတယ်။
မြန်မာ အစိုးရက တိုင်းရင်းသား လူမျိုးစု လက်နက် ကိုင်အဖွဲ့တွေ နဲ့
အပစ်ရပ် ငြိမ်းချမ်းရေး ဆွေးနွေးမှုတွေ သဘောတူညီမှုတွေ ပြုလုပ်နေတဲ့ သတင်းတွေ
ထွက်ပေါ်နေချိန်မှာဘဲ မြန်မာ နိုင်ငံ မြောက်ပိုင်း ကချင် ပြည်နယ်
အတွင်းမှာတော့ ပစ်ခတ် တိုက်ခတ်မှုတွေ ဗုံးကွဲတဲ့ သတင်းတွေ ကြားသိနေရပါတယ်။
အစိုးရပိုင် သတင်းစာ ဖြစ်တဲ့ မြန်မာ့ အလင်း သတင်းစာ မှာ ဆိုရင်လည်း
ကေအိုင်အေ၊ ကချင် လွတ်မြောက်ရေး တပ်မတော် က ပစ်ခတ်တဲ့ အတွက် ဒေသခံ
ပြည်သူတွေ သေကြေရတယ်။ မန္တလေး မြစ်ကြီးနား အထူး အိပ်စင် ရထားကို
မိုင်းခွဲတဲ့ အတွက် ရထားတွဲတွေ တိမ်းမှောက်ခဲ့ရတယ် လို့ ရေးသားထားပါတယ်။
ကေအိုင်အေ အဖွဲ့ရဲ့ ပြောရေးဆိုခွင့်ရှိသူ ဦးလနန် ကတော့ ကေအိုင်အေ ဟာ
ပြည်သူလူထု စီးနင်းတဲ့ မီးရထားကို တိုက်ခိုက်တယ် ဆိုတာ မဟုတ်ပါဘူး လို့
ငြင်းပါတယ်။
“အဲဒီဒေသ ဟာ စစ်ကိုင်းတိုင်း နဲ့ နယ်စပ်ဖြစ်သွားပြီခင်ဗျ။ ကျနော်
တို့ရဲ့ ကချင် တပ်ဖွဲ့ဝင်တွေ အဲဒီ လောက် မိုးညှင်းအောက် အထိ သွားလာ
လှုပ်ရှားနိုင်တဲ့ ဒေသ မဟုတ်ဘူး ခင်ဗျ။ နောက်ပြီးတော့ ဒီ သံလမ်းဘက်မှာလည်း
ကိုက် ၂၀၀ လောက် မှာ သူတို့ လုံခြုံရေး စခန်းတွေ၊ လုံခြုံရေး ကင်းတွေ
ချထားပြီး အချိန်ပြည့် ကားလမ်း လုံခြုံရေး၊ ရထားလမ်း လုံခြုံရေး ယူထားတဲ့
အစိုးရ တပ်ဖွဲ့ဝင် တွေရှိတယ်။ ရဲတွေ ရှိတယ်။ ဒါကြောင့် အဲဒီ ဖြစ်သွားတဲ့
ရထားလမ်း မိုင်းကွဲတယ် ဆိုတဲ့ ကိစ္စဟာလည်း သူတို့က ကေအိုင်အေ ဆိုပြီး
စွပ်စွဲတာမျိုး ရှိတယ်။ သက်သေ အထောက်အထားတော့ ပြနိုင်သလား တော့ မသိဘူး
ခင်ဗျ။ ဒါပေမဲ့ ခုနက ပြောသလိုပါဘဲ။ ဒီ လောက်ကြီး ကချင် ပြည်နယ် ရဲ့
အောက်ပိုင်း စစ်ကိုင်းတိုင်း နယ်စပ်အထိ ကျနော် တို့ တပ်ဖွဲ့တွေ လှုပ်ရှား
ဖို့လည်း ကျနော် တို့ ဘက်မှာလည်း လမ်းပန်းဆက်သွယ်ရေးလည်း အဲဒီလောက်ကြီး
မရှိဘူး။ အဲဒီ ဘက်မှာ တပ်ဖွဲ့တွေ မရှိဘူး ခင်ဗျ။ ဒါကြောင့် သူတို့
စွပ်စွဲချက် ဟာ မဖြစ်နိုင်တဲ့ ကိစ္စပါ။”
ကချင် ကေအိုင်အို အဖွဲ့ ထိန်းချုပ်ရာ နယ်မြေတွေ မှာ အပြန်အလှန်
ပစ်ခတ်နေတယ် ဆိုတဲ့ သတင်း တွေ ထွက်ပေါ်နေတာ နဲ့ ပတ်သက်ပြီးတော့လည်း ဦးလနန် က
အခုလို ပြောပါတယ်။
“လက်နက်ကြီးတွေ ပစ်တာတော့ အဓိက က အစိုးရ တပ်တွေ ပစ်တာပါ။ ရွာထဲကို
ပရမ်းပတာ ပစ်တာမျိုးလည်း သူတို့ပဲ လုပ်ကြတာဘဲ ခင်ဗျ။ မနေ့က ည ကလည်း သူတို့
ကန်တောင်ကနေ ပြီး ဂျာဒါ ဘက်ကို လက်နက်ကြီးတွေ နဲ့ တလစပ် ပစ်တာမျိုးတွေ
ရှိတယ်။ ကျနော် တို့ဘက် က တော့ အဲဒီလို ဟာမျိုး လက်နက်ကြီးတွေ နဲ့ တလစပ်
ပစ်ဖို့ အလုံအလောက် အဲဒီ လောက်ကြီး မရှိဘူး ခင်ဗျ။ ထိန်းထိန်း သိမ်းသိမ်း
နဲ့ ပဲ ကျနော် တို့ အသုံးပြုနေရတာပါ။”
ပြီးခဲ့တဲ့ မတ်လ တုန်းက အပစ်ရပ် ငြိမ်းချမ်းရေး အတွက် ဆွေးနွေးမှု တွေ
စတင်ပြုလုပ်ပြီးတဲ့ နောက်ပိုင်း မြန်မာ အစိုးရဘက် ကနေ
လေကြောင်းတိုက်ခိုက်မှု တွေ ပါ တိုးလာတယ် လို့ ဦး လနန် က ပြောပါတယ်။
ဒီလို တိုက်ခိုက်မှု တွေ ပြုလုပ်နေရင်းနဲ့ တဖက်ကလည်း ကေအိုင်အို ဘက်က နေ
ငြိမ်းချမ်းရေး အတွက် အဟန့် အတားတွေ လုပ်ဆောင် နေပါတယ် ဆိုပြီး တဖက်သတ်
ပြောဆိုနေတယ် ဆိုပြီး ဦးလနန်က ပြောပါတယ်။ ကေအိုင်အေ အနေနဲ့ လိုအပ်တဲ့
ခုခံမှုတွေကို တော့ လုပ်ရမှာဘဲ လို့ သူက ပြောပါတယ်။
“ကျနော် တို့ ဘက်ကလည်း တိုက်လို ခိုက်လို တဲ့ ဆန္ဒကြီး ဒီလောက်ကြီး
ပြင်းပြတာတော့ မရှိပါဘူး။ ဒါပေမဲ့ အစိုးရ တပ်က နေပြီး ကျနော် တို့ ရဲ့
တပ်စခန်းတွေကို ဝင်ရောက်ပြီးတော့ ပစ်ခတ်တာ မျိုး ထိုးစစ် ဆင်လာတဲ့
အခါမှာတော့ ကျနော် တို့ ဘက်က တတ်နိုင်တဲ့ ဘက်က ပြန်ပြီး ခုခံတဲ့ နည်းနဲ့
တိုက်ပွဲတွေ တော့ လုပ်ရမှာဘဲ။ ဒီအတိုင်း ငြိမ်ခံ လို့တော့ မဖြစ်ဘူး ခင်ဗျ။”
အခုလို ဖြစ်ပွားနေတဲ့ တိုက်ပွဲတွေ ကြောင့် ဒေသတွင်းမှာ စစ်ပြေးဒုက္ခသည်
တွေ လျှော့ပါးသွားတယ် ဆိုတာ မရှိဘဲ တိုးတိုး လာနေတာဘဲ ရှိတယ် လို့ ဦးလနန် က
ဆိုပါတယ်။ ကုလသမဂ္ဂ အထွေထွေ အတွင်းရေးမှူး မစ္စတာ ဘန်ကီမွန်းက လွှတ်တော်
အတွင်း မိန့်ခွန်း ပြောဆိုခဲ့ရာမှာ တခြား လက်နက် ကိုင် အဖွဲ့တွေနဲ့
အပစ်ရပ်ရေး အောင်အောင်မြင်မြင် လုပ်ဆောင် နိုင်ခဲ့ပေမဲ့
ကချင်ပြည်နယ်မှာတော့ အခုထိ အဆင်မပြေသေးဖူး ဖြစ်နေတယ်။ အပစ်ရပ်ရေးနဲ့
နိုင်ငံရေး သဘောတူညီ မှု ကနေ ရလာမယ့် ငြိမ်းချမ်းရေး နဲ့ ဖွံ့ဖြိုးမှု
အခွင့်အလန်းတွေကို ကချင်ပြည်သူတွေလည်း ရရှိသင့်တယ် လို့ ပြောကြားသွားပါတယ်။
ထိုင်းနိုင်ငံမှာ အခြေစိုက်တဲ့ ကချင် သတင်းစဉ်ရဲ့ အယ်ဒီတာ
ဦးနော်ဒင်းကတော့ လက်ရှိ မြင်တွေ့ နေရတဲ့ အနေအထားအရ ကချင် ဒေသမှာ
ငြိမ်းချမ်းရေး ရဖို့ ဆိုတာ ထက် စစ်ရိပ်သန်းတဲ့ အရိပ်အရောင်တွေဘဲ
ပိုများနေတယ် လို့ ဆိုပါတယ်။
“ကျနော်နည်းနည်း မြင်တာကတော့ အဓိက ကတော့ အစိုးရနဲ့ ကေအိုင်အို အကြားမှာ
နိုင်ငံရေး အရ ဆွေးနွေးမှု ကတော့ လောလောဆယ်က သူတို့ မှာ မရှိဘူးပေါ့နော်။
အဲဒီ အခြေအနေကို မြင်တယ်။ ဘာလို့လဲ ဆိုတော့ အစိုးရဘက် က အပစ်အခတ် ရပ်စဲရေး
လုပ်ပြီးတော့မှ အရင် က နဝတ၊ နအဖ လုပ်တဲ့ အစီအစဉ် ပုံစံ လို သူတို့ ရဲ့
စစ်ရေး ကို အရင်လုပ်ပြီးတော့ မှ နိုင်ငံရေး ကို နောက်မှ ဆွေးနွေးဖို့
အတွက်၊ ဒါပေမဲ့ ဒီ အစိုးရ တော့ ၂၀၀၈ အခြေခံ ဥပဒေကို အခြေခံ ပြီးတော့ မှ
နိုင်ငံရေး ဆွေးနွေးဖို့ အတွက် ဦးတည်သွားတာ ဖြစ်တယ်။ အဲဒါ ကို ကေအိုင်အို
ဘက်က လုံးဝ လက်မခံ ဘူး။ ကေအိုင်အို ကတော့ နိုင်ငံရေး ပြဿနာ ဆိုတာ ပင်လုံ က
နေစ လာတာ ဆိုတာ ကို အခိုင်အမာ ယုံကြည်ပါတယ်။ အဲဒါကြောင့် ဒီပင်လုံ ကို
အခြေခံ တဲ့ နိုင်ငံရေး ဆွေးနွေးပွဲ ကို ဦးတည် သွားဖို့ အတွက် ၂၀၀၈ အခြေခံ
ဥပဒေကို ပြုပြင်ပြီးမှ ဆွေးနွေးရမယ် ဆိုတဲ့ အချက် ကို ကေအိုင်အို ဘက်
အခိုင်အမာ တင်ပြထားတာ ဖြစ်တယ်။ ဒီနှစ်ခု ကို သူတို့ ညှိလို့ မရတဲ့ အတွက်
အခု အခြေအနေမှာ စစ်ရေးကတော့ ပိုပြီးမှ ၊ စစ်ရေး ဘက်ကို ပိုပြီး ဦးတည်
လာတဲ့ အခြေအနေ ဖြစ်တယ် ဆိုတဲ့ ဟာကို ကျနော့် အနေနဲ့ သုံးသပ်ပါတယ်။”
ကချင် သတင်းစဉ်ရဲ့ အယ်ဒီတာ ဦးနော်ဒင်းပါ။
မြန်မာ အစိုးရ ရဲ့ သတင်းစာတွေ မှာ ကချင် လက်နက်ကိုင် အဖွဲ့တွေ ရဲ့
လက်ချက်ကြောင့် ပြည်သူတွေ ထိခိုက်ဒဏ်ရာ ရရှိတယ် ဆိုတဲ့ သတင်းတွေ ရေးသား
နေသလို ကချင် လွတ်မြောက်ရေး အဖွဲ့ကလည်း မြန်မာ အစိုးရ တပ်တွေက
တိုက်ခိုက်လို့ ပြန်ပြီး ခုခံနေရတယ် လို့ ပြောပါတယ်။
ကချင်ပြည်နယ်မှာ တိုက်ပွဲတွေဆက်
ကချင်ပြည်နယ်မှာ တိုက်ပွဲတွေဆက်
ကချင်ပြည်နယ်အတွင်း အစိုးရစစ်တပ်တွေနဲ့ ကချင်လွပ်မြောက်ရေးတပ် KIA
အကြား၊ တိုက်ပွဲတွေ ဆက်လက်ဖြစ်ပွားနေရာ၊ တနင်္လာနေ့ မနက်ပိုင်းကလည်း တိုက်ပွဲ
၂ ခု ဖြစ်ပွားခဲ့ ပါတယ်။ တနင်္လာနေ့ မနက် (၇) နာရီ ခွဲ လောက်က
မြစ်ကြီးနား-လိုင်ဇာ လမ်းပေါ်က ဝိုင်းမော် မြို့နယ် ‘ဂါးရာယန် ’ ရွာမှာ
အစိုးရ တပ်မ (၈၈) လက်အောက်ခံ တပ်ဖွဲ့ဝင်တွေနဲ့ KIA တပ်မဟာ (၅)၊ တပ်ရင်း
(၃)မှ တပ်ဖွဲ့ဝင်တွေ အကြား ထိတွေ့တိုက်ပွဲ ဖြစ်ပွားခဲ့တာ ဖြစ်ကြောင်း
သိရပါတယ်။
တိုက်ပွဲကြောင့် ထိခိုက် ဒဏ်ရာ ရမှုတွေ ရှိကြောင်း သိရပေမဲ့ အရေအတွက်ကိုတော့ မသိရ သေးပါ။
နောက်ထပ် တိုက်ပွဲတခု ဖြစ်ပွားခဲ့တဲ့ နေရာကတော့ ‘ဒိန်ဂါ’ရွာ အနားမှာ
ဖြစ်ပါတယ်။ အဲဒီတိုက်ပွဲမှာတော့ မိုင်းထိတာ အပါအဝင် အပြန်အလှန် ပစ်ခတ်မှု
တွေကြားမှာ အစိုးရ စစ်တပ်ဘက်က (၃)ဦး သေကျေ ထိခိုက်ဒဏ်ရာရသွားကြောင်း KIA
ဘက်က ပြောပါတယ်။
တနင်္ဂနွေနေ့ လည်ပိုင်းပိုင်းကလည်း ကချင်ပြည်နယ် ‘ ချီဖွေ ’ ဒေသတွင်းမှာ
ဝိုင်းမော် ဒေသဘက်ကနေ ကား(၁၀) စီးလောက်နဲ့ တက်လာတဲ့ အင်အား(၂၀ဝ)ဝန်းကျင်ရှိ
အစိုးရ စစ်တပ်မှ တပ်ဖွဲ့ဝင်တွေနဲ့ KIA တပ်ဖွဲ့ဝင်တွေ အကြား
တိုက်ခိုက်ခဲ့ကြတာ ဖြစ်တယ်လို့ KIA ရှေ့တန်း စစ်ဖက်ရပ်ကွက်တွေ ကပြောပါတယ်။
ပြီးခဲ့တဲ့ စနေနေ့တုန်းကတော့ ချီဖွေမြို့နယ်အတွင်း‘လုပီး’ ရွာမှာ NDA-K
ကနေ ပြောင်းလဲ ဖွဲ့စည်းခဲ့တဲ့ နယ်ခြားစောင့် တပ်ရင်းဌာနချုပ်ကို ဝင်ရောက်
စီးနင်း တိုက်ခိုက်ခဲ့တယ် လို့ အစိုးရဘက်က ဖေါ်ပြခဲ့တဲ့ တပ်တွေဟာလဲ KIA
တပ်မဟာ (၁) ရဲ့ လက်အောက်ခံ တပ်တွေပဲ ဖြစ်ကြောင်း သိရပါတယ်။
KIA ရဲ့တပ်မဟာ (၁) နယ်မြေဟာ ဧရာဝတီ မြစ် အရှေ့ဘက်ကမ်း တလျှောက်ကနေ
ဆွန်ပရာဘွန် အထိ ရှည်လျားတဲ့ စစ်နယ်မြေတခု ဖြစ်တယ်လို့လည်း သိရပါတယ်။
KIO အပေါ် ထိုးစစ်ဆင်ရန် မြန်မာစစ်တပ် စစ်ပြင်နေပြီဟု စစ်ရေးလေ့လာသူဆို
KIO အပေါ် ထိုးစစ်ဆင်ရန် မြန်မာစစ်တပ် စစ်ပြင်နေပြီဟု စစ်ရေးလေ့လာသူဆို
တရုတ်နယ်စပ် လိုင်ဇာမြို့ အခြေစိုက် ကချင်လွတ်လပ်ရေးတပ်မတော် KIA
အဖွဲ့အား ထိုးစစ်ဆင် တိုက်ခိုက် ရန် မြန်မာစစ်တပ်က စစ်ရေးပြင်ဆင်မှုများ
ပြုလုပ်နေကြောင်း တရုတ် - မြန်မာနယ်စပ် စစ်ရေးနိုင်ငံရေး လေ့လာသူ
ဦးအောင်ကျော် ဇောက သျှမ်းသံတော်ဆင့်သို့ ပြောကြားသည်။
ဧပြီလ ၂၆ ရက်နေ့က မြစ်ကြီးနားမြို့ အခြေစိုက် မပခ စစ်တိုင်းရုံး၌ ရမခ၊
မပခစစ်တိုင်းမှူးများနှင့် ကစထမှူး ဗိုလ်ချုပ် အောင်သန်းထွဋ် ကိုယ်တိုင်
ပါဝင်တက်ရောက်သည့် စစ်ဆင်ရေး အစည်းအဝေး ပြုလုပ်ခဲ့ပြီးနောက် မြန်မာစစ်တပ်မှ
စစ်ပြင်ဆင်မှုများ ဆက်တိုက် ပြုလုပ်နေသည့်အပေါ် ယခုလိုသုံးသပ်၍ ပြောဆိုခြင်း
ဖြစ်သည်။
“ရရှိထားတဲ့ အခြေအနေတွေပေါ်က စဉ်းစားရင် မကြာခင်အချိန်အတွင်းမှာ ရမခ
အရှေ့မြောက်ပိုင်းတိုင်း စစ်ဌာနချုပ် နဲ့ မပခ မြောက်ပိုင်းတိုင်း
စစ်ဌာနချုပ် ပူးတွဲပြီး လိုင်ဇာ ပဲဖြစ်ဖြစ် မိုင်ဂျာယန်ပဲဖြစ်ဖြစ် KIA လွတ်
မြောက် ဒေသ စခန်းတစ်ခုခုကို ထိုးမဲ့ စစ်ဆင်ရေးမျိုးလုပ်လာမယ်လို့ ယူဆတယ် ”
ဟု သူကဆိုသည်။
ယခုရက်ပိုင်း မြန်မာအစိုးရတပ်များ ဗန်းမော်မြို့သို့ ရေလမ်းမှတဆင့်
ပို့ဆောင်နေပြီး မြစ်ကြီးနားမြို့ပေါ် ရပ်ကွက်များတွင် လည်း သွေးလှူကြရန်
လှုံ့ဆော်နေခြင်းမှာ ထိုးစစ်ဆင်မည့် လက္ခဏာဖြစ်ကြောင်း သူက ဆိုသည်။
အဆိုပါ စစ်ဆင်ရေးပြုလုပ်မည့် အချိန်မှာ လက်ရှိမြန်မာနိုင်ငံ
ရောက်ရှိနေသည့် ကုလသမဂ္ဂ အထွေထွေ အတွင်းရေးမှူး ချုပ် ဘန်ကီမွန်း
ပြန်လည်ထွက်ခွာမည့် အချိန်နှင့် ဒုသမ္မတ ဦးဆောင်သည့် အစိုးရ ငြိမ်းချမ်း ရေး
ကိုယ်စားလှယ် အဖွဲ့နှင့် KIO တို့ ဆွေးနွေးပွဲ မဖြစ်မှီစပ်ကြား
အချိန်ကိုက် ပြုလုပ်ဖွယ်ရှိကြောင်း ခန့်မှန်းပြောဆိုသည်။
KIO ဋ္ဌာနချုပ်လိုင်ဇာမြို့အား သိမ်းပိုက်ရန် အစီအစဉ်မရှိဟု သမ္မတ
ဦးသိန်းစိန်၏ ပြောကြားချက်ကို ရထားပို့ ဆောင် ရေးဝန်ကြီးက ဧပြီလ ၂၉ ရက်နေ့က
အတည်ပြု ပြောကြားထားသည့်တိုင် စစ်ရေးအစီအစဉ်မှာအဆို ပါ ပြောဆိုမှုနှင့်
ကွဲလွဲနိုင်သည်ဟု ဆိုသည်။
“ကျနော့ အမြင်ကတော့ ဒီဆွေးနွေးပွဲ မဖြစ်ခင်စပ်ကြားမှာ KIA ကို
အပြစ်ဒဏ်ပေးဖို့ရည်ရွယ်ပုံရတယ် ပြီးခဲ့ တဲ့ ပန်ဝါမှာ သတ်ဖြတ်မှုတို့
မီးရထားလမ်းမိုင်းကွဲမှုတွေကို အစိုးရသတင်းစာထဲမှာ KIA လုပ်တယ်လို့ ပြော
ထားတယ် ပြီးခဲ့တဲ့ အောင် ဇေယျ စစ်ရေးလေ့ကျင့်မှုထဲမှာလည်း KIA နဲ့ပတ်သက်တာ ၂
ခု ၃ ခုပါတယ် လက်ရှိမှာလည်း အမြောက်တွေနဲ့ပစ်ပြီး ခြိမ်းခြောက်နေတယ်
ရည်ရွယ်ချက်ရှိရှိလုပ်နေတယ်လို့ မြင်တယ် ” ဟု သူက ဆက်ပြောသည်။
လက်ရှိတွင် ကချင်ပြည်နယ်အတွင်း KIAနှင့် အစိုးရတပ်တို့ နှစ်ဘက်
တိုက်ပွဲများ အပြင်းအထန် ဖြစ်ပွားနေပြီး ဒုက္ခသည် ဦးရေလည်း
ထပ်တိုးလာနေကြောင်း သိရသည်။
SSPP/SSA အား စစ်ဝတ်စုံအပြည့်ဖြင့် မတွေ့လိုဟု စကခ ၁၆ မှူးပြော
SSPP/SSA အား စစ်ဝတ်စုံအပြည့်ဖြင့် မတွေ့လိုဟု စကခ ၁၆ မှူးပြော
သျှမ်းပြည်တပ်မတော်အား စစ်ဝတ်စုံအပြည့်ဖြင့်
လှုပ်ရှားသွားလာသည်ကိုမတွေ့လိုကြောင်း မြန်မာအစိုးရ၏ စကခ ၁၆ က
ပြောကြားလိုက်သည်ဟု နီးစပ်သည့် လားရှိုးဒေသခံတဦးကပြောသည်။
“လားရှိုး၊ သိန္နီ၊ ကွတ်ခိုင်မြို့နယ်အတွင်းမှာလှုပ်ရှားနေတဲ့
သျှမ်းစစ်သားတွေ စစ်ဝတ်စုံအပြည့်နဲ့ မမြင်ချင်ဘူးလို့ပြောတယ်။ ဆိုလိုတာက
ဌာနချုပ်ဖက်ကိုဆုတ်ပေါ့။ တကယ်တော့ သျှမ်းစစ်သားတွေက မြို့ထဲလဲမလာဘူး။
ကားလမ်းမှာတောင် မတွေ့ ဘူး” သိန္နီမြို့နေ ဒေသခံအမျိုးသားတဦးကပြောသည်။
သျှမ်းပြည်တပ်မတော် SSPP/SSA အား ၎င်းလှုပ်ရှားနေသည့် ဒေသအတွင်း
စစ်ဝတ်စုံအပြည့်နှင့်မတွေ့လို မမြင်လိုဟု စကခ ၁၆ မှူး ဗိုလ်မှူးကြီး
နေဝင်းအောင်က ယခင်အပတ်က လက်အောက်ခံတပ်မှူးများအားပြောကြားကြောင်း
တပ်တွင်းနှင့် နီးစပ်သူ သိန္နီဒေသခံ တဦးကလဲ ပြောပါသည်။
၎င်းနှင့်ပတ်သက်၍ သျှမ်းပြည်တပ်မတော်မှ တပ်မှူးတဦးက- “ ကျနော်တို့
ရောက်တဲ့နေရာမှာဘဲ ဆက်လက်လှုပ်ရှား သွား မယ်။ ဗဟိုကနေ တပ်ဆုတ်ဖို့
အမိန့်မချမချင်း လုံးဝဆုတ်မှာမဟုတ်ဘူး” ဟု သျှမ်းသံတော်ဆင့်သို့ပြောသည်။
ပြည်နယ်အဆင့် ပထမ ဆွေးနွေးပွဲတွင် တက်ရောက်လက်မှတ်ထိုးခဲ့သည့် SSA
တောင်ပိုင်း ဗိုလ်မှူးချုပ်စိုင်းလူးကလည်း “ စစ်ဝတ်စုံဝတ်ရမယ်၊
မဝတ်ရဘူးကိစ္စဟာ ပြီးခဲ့တဲ့အစည်းအဝေးတွေမှာ ဆုံးဖြတ်ချက်မရှိသေးတော့
နောက်ထပ်ကျင်းပမယ့် ဆွေးနွေးပွဲမှာ ထည့်သွင်းဆွေးနွေးသွားရပါလိမ့်မယ်” ဟု
ပြောကြားသည်။
ဧပြီလ ၂၄ ရက် ကလည်း အရှေ့မြောက်ပိုင်းတိုင်းဦးစီးအရာရှိ
ဗိုလ်မှူးကြီးဝင်းသိန်း က စိန်ကျော့ဘက်သို့ မြန်မာစစ်တပ်မှ
စစ်ကြောင်းထွက်မည် ဖြစ်သဖြင့် SSPP/SSA မှ
စစ်ဝတ်စုံဝတ်သွားလာလှုပ်ရှားခြင်းမပြုရန် အမိန့်ထုတ်ဆင့်ဆိုခဲ့၏။
သို့သော်တိုင်းရင်းသား လက်နက်ကိုင်အဖွဲ့နှင့် အစိုးရတို့ကြား
ငြိမ်းချမ်းရေး သဘောတူညီချက် လက်မှတ်မည်သို့ပင်ရေး ထိုးစေကာမူ
တဖက်လှုပ်ရှားနယ်မြေအတွင်း တခြားတဖက်ကသွားလာလှုပ်ရှားပါက
ပစ်ခတ်တိုက်ခိုက်ရမည်မှာဖြစ်ကြောင်း ကျောက်မဲ အခြေစိုက် စကခ(၁)မှူး က
လည်းပြောဆိုခဲ့၏။ SSPP/SSA တွင် တပ်မဟာ ၈ ခုရှိပြီး သျှမ်းပြည်
မြောက်ပိုင်း၌ ၃ ခု၊ သျှမ်းပြည်တောင်ပိုင်း၌ ၅ ခု ထားရှိသည်။
သျှမ်းပြည်တပ်မတော် မြောက်ပိုင်းတပ်ဖွဲ့ခေါ် SSPP/SSA နှင့်
အစိုးရငြိမ်းချမ်းရေးကိုယ်စားလှယ်အဖွဲ့တို့ ဂျန္နဝါရီ ၂၈ ရက်၌ အပစ်ရပ်
သဘောတူလက်မှတ်ရေးထိုးခဲ့ကြပြီးနောက်ပိုင်း ယနေ့အထိ တိုက်ပွဲပေါင်း ၁၃
ကြိမ်ထက်မနည်းဖြစ်ပွားခဲ့ကြောင်း အမည်မဖေါ်လိုသည့် SSA အရာရှိ တဦးက
ပြောပြသည်။
ခနောက်စိမ်း တူးဖော်ရေးလုပ်ငန်း KNU ရပ်ဆိုင်းမည်
ခနောက်စိမ်း တူးဖော်ရေးလုပ်ငန်း KNU ရပ်ဆိုင်းမည်
by ကျော်ခ
ကရင်ပြည်နယ် ဖာပွန်ခရိုင်အတွင်း ကရင်အမျိုးသားအစည်းအရုံး KNU
ထိန်းချုပ်မှုအောက်ရှိ ခနောက်စိမ်းတူးဖော်ရေး လုပ်ငန်းအချို့ကို ဒေသခံတို့၏
တောင်းဆိုမှုဖြင့် ဧပြီလကုန်တွင် ရပ်ဆိုင်းသွားမည်ဖြစ်ကြောင်း KNU
တာဝန်ရှိသူများက ပြောသည်။
KNU ထံ အခွန်ဆောင်၍ ဖာပွန်နှင့် မွန်ပြည်နယ် သထုံခရိုင်အကြား၌
တူးဖော်နေသော ခနောက်စိမ်းလုပ်ငန်းများကြောင့် ဒေသခံတို့၏ စိုက်ပျိုးခြံများ
ထိခိုက်ပျက်စီးမှုများ ဖြစ်သည်ဟုဆိုကာ၊ ကာယကံရှင် တောင်သူလယ်သမားများက
တိုင်ကြားလာသဖြင့် ရပ်ဆိုင်းရန် ပြုလုပ်ရခြင်းဖြစ်ကြောင်း KNU တွဲဘက်
အထွေထွေအတွင်းရေးမှူး (၁) ဗိုလ်မှူး စောလှငွေက ဆိုသည်။
“လူထုတွေအတွက်နဲ့ သဘာဝပတ်ဝန်းကျင် ထိခိုက်မှု ပြဿနာဖြစ်မယ့် နေရာတွေကို
ပိတ်ပေးရမှာပါ။ လူထုတွေက တောင်းဆိုလာလို့ ပိတ်တာ ဒါပထမဆုံးတော့ မဟုတ်ဘူး။
အရင်ကလည်း ရွှေတွင်းတော်တော်များများ ပိတ်ပေးခဲ့တာပဲ” ဟု ဗိုလ်မှူး စောလှငွေက
ဧရာဝတီသို့ ပြောသည်။
KNU ထိန်းချုပ်မှုအောက်ရှိ တပ်မဟာ ၇ ခုထဲမှ တပ်မဟာ ၁ တွင် ခနောက်စိမ်း၊ ၂
နှင့် ၃ တို့တွင် ရွှေထွက်ရှိပြီး၊ ၄ တွင် ကျောက်မီးသွေး၊ ၅ တွင်
ခနောက်စိမ်းနှင့် ရွှေ၊ ၆ တွင် ခနောက်စိမ်းနှင့် ၇ တွင် သွပ် အမျိုးအစားများ
ထွက်ရှိကြောင်း KNU သတ္ထုတွင်းဌာနနီးစပ်သူများနှင့် ထိုနေရာများကို
လေ့လာနေသော သဘာဝ ပတ်ဝန်းကျင်အဖွဲ့များထံမှ ဧရာဝတီက စုံစမ်းသိရှိရသည်။
လတ်တလောတွင် တပ်မဟာ ၆ ဒူးပလာယာခရိုင်တွင် ခနောက်စိမ်း ထုတ်လုပ်မှုနှင့်
ရှာဖွေမှု အများဆုံး ပြုလုပ်နေသကဲ့သို့ ညောင်လေးပင်ခရိုင်အတွင်းရှိ တပ်မဟာ ၃
နယ်မြေတွင်လည်း ရွှေတူးဖော်ရေးလုပ်ငန်းများ အများဆုံး ပြုလုပ်နေလျက်
ရှိကြောင်း သိရသည်။
ဓာတ်သတ္ထု တူးဖော်ရေးလုပ်ငန်းများနှင့် ပတ်သက်၍ ပြုပြင်ထိန်းသိမ်းရေး၊
လုပ်ကိုင်ဆောင်ရွက်ရေးများနှင့် ပတ်သက်၍ သက်ဆိုင်ရာခရိုင်များကို
လုပ်ပိုင်ခွင့်များ အပြည့်အဝ ပေးထားပြီးဖြစ်ကြောင်း KNU သတ္ထုတွင်းဌာန
အကြီးအကဲ ဗိုလ်မှူးစိုးစိုးက ဧရာဝတီသို့ ပြောသည်။
KNU လက်အောက်ခရိုင် ၇ ခုရှိ ဓာတ်သတ္တုတူးဖေါ်ရေး လုပ်ငန်းများနှင့် တခြား
စီးပွားရေး ရင်းနှီးမြှုပ်နှံမှုများ ပြုလုပ်နိုင်ရန် မျက်စိကျနေကြပြီး
မကြာသေးမီက KNU နှင့်အစိုးရတို့ ငြိမ်းချမ်းရေး
ဆွေးနွေးမှုများပြုလုပ်မှုအပေါ် အကြောင်းပြုကာ စီးပွားရေးလုပ်ငန်းရှင် တချို့က
ချဉ်းကပ်မှုများပြုလုပ်နေကြောင်း ကရင်ပြည်နယ်အတွင်း သဘာဝ ပတ်ဝန်းကျင်
စောင့်ကြည့်သူများက ပြောသည်။
“KNU ငြိမ်းချမ်းရေးလုပ်တဲ့ အခါမှာ မြန်မာအစိုးရဘက်က ကုန်ကျစရိတ်
လုံးဝမခံဘူး။ ဒီနေရာတွေမှာ ရင်းနှီးမြှုပ်နှံလိုတဲ့ ကုမ္ပဏီတွေက ကြားကနေ
အကုန်ကျခံတယ်။ အဲဒီကနေမှ လုပ်ငန်းတွေလုပ်ခွင့်ရအောင်
သူတို့ပြန်ကြိုးစားတယ်” ဟု သဘာဝပတ်ဝန်းကျင် စောင့်ကြည့်လေ့လာသူတဦးက
ပြောသည်။
သတ္ထုတွင်း တူးဖော်ရေးလုပ်ငန်းများသည် KNU ၏ အဓိက
ဝင်ငွေလမ်းကြောင်းများထဲမှ တခုအပါအဝင်ဖြစ်သကဲ့သို့
ထိန်းချုပ်နယ်မြေများအတွင်း ကုန်သွယ်ဖြတ်သန်းခွန်များ၊ အဝေးရောက်
ကရင်တိုင်းရင်းသားများ၏ ထောက်ပံ့လှူငွေများ၊ နယ်မြေတွင်း
စိုက်ပျိုးမွေးမြူရေး လုပ်ငန်းများမှရရှိသော ဝင်ငွေများကလည်း KNU ၏
ဘဏ္ဍာငွေဝင်လမ်းများဖြစ်သည်။
ထို့အတူ ၁၉၉၅ မာနယ်ပလော မကျဆုံးမီနှင့် နောက်ပိုင်း ကာလများတွင်
နယ်မြေတွင်းမှ ထွက်ရှိသော သစ်ရောင်းချမှုများမှ ရရှိသည့် ဝင်ငွေသည်လည်း KNU
၏ ဘဏ္ဍာငွေအဖြစ် သုံးစွဲနေရဆဲဖြစ်ကြောင်း ဗိုလ်မှူး စောလှငွေက ပြောသည်။
ထိုင်းနိုင်ငံသို့ သွယ်တန်းထားသော မြိတ်-ထားဝယ်ခရိုင် တပ်မဟာ ၄ ဒေသရှိ
ရတနာရဲတံခွန် ဓာတ်ငွေ့ပိုက်လိုင်းနှင့် တည်ဆောက်နေဆဲ ထားဝယ်ရေနက်
ဆိပ်ကမ်းတို့မှလည်း နယ်မြေထိခိုက်ပျက်စီးမှုများအဖြစ် လျော်ကြေးငွေတချို့
ရရှိနေသည့်အပြင် သံလွင်မြစ်ပေါ်ရှိ ဟတ်ကြီး ရေအားလျှပ်စစ် စီမံကိန်းကလည်း
အခွန်ငွေရရှိကြောင်း ကရင်ပြည်နယ်အတွင်း သဘာဝ ပတ်ဝန်းကျင်
စောင့်ကြည့်သူများထံမှ သိရသည်။
ယင်းသို့ KNU အောက်ရှိ ခရိုင် ၇ ခုအနက်မှ ရရှိသော အဆိုပါဝင်ငွေများကို
ဗဟိုထိန်းချုပ်မှုစနစ်ဖြင့် မဟုတ်ဘဲ အောက်ခြေခရိုင်များက လက်နက်ခဲယမ်းနှင့်
စားဝတ်နေရေး တပ်အသုံးစားရိတ်အတွက် ၆၀ ရာခိုင်နှုန်း သတ်မှတ်ထားပြီး ကျန် ၄၀
ရာခိုင်နှုန်းကို KNU ဗဟိုသို့ လစဉ်ပေးပို့ကြောင်း သိရသည်။
KNU ဗဟိုကလည်း ယင်းသို့ရရှိသော ဝင်ငွေများသည် တနှစ်လျှင် အနည်းဆုံး
ဘတ်ငွေ သိန်း ၄၀ ကျော်၊ မြန်မာကျပ်ငွေ သိန်း ၁၅၀၀ ကျော်ရှိကြောင်းနှင့်
အဆိုပါ ဘဏ္ဍာငွေများကို ဗဟိုက စီမံခန့်ခွဲမှုနှင့် အုပ်ချုပ်မှုယန္တယား
တချို့နေရာများတွင် အသုံးပြုကြောင်း ဗိုလ်မှူး စောလှငွေက ပြောသည်။
ကိုယ်ပိုင်ပြဌာန်းခွင့်အတွက် နှစ်ပေါင်း ၆၀ ကျော်တိုင် အစိုးရကို
လက်နက်စွဲကိုင် တော်လှန်လာခဲ့သော KNU သည် မကြာသေးမီက အစိုးရနှင့်
ငြိမ်းချမ်းရေးဆွေးနွေးပွဲများ ပြုလုပ်နိုင်ခဲ့သည်။ ထို့နောက် KNU
ထိန်းချုပ်နယ်မြေအတွင်း၌ စီးပွားရေးလုပ်ငန်းများ လုပ်ကိုင်ရန်
စီးပွားရေးသများများက ချဉ်းကပ်မှုများ ပိုမိုလုပ်ဆောင်လာခဲ့ကြသည်။
သို့သော်လည်း KNU အနေဖြင့် ထားဝယ်ရေနက်ဆိပ်ကမ်း အပါအဝင် ၎င်းတို့
ထိန်းချုပ်မှုနယ်မြေအောက်တွင် ရင်းနှီးမြှုပ်နှံမှုနှင့်
လုပ်ကိုင်ဆောင်ရွက်မှု၊ စီမံကိန်းများ လုပ်ဆောင်ရာတွင် သဘာဝပတ်ဝန်းကျင်နှင့်
ဒေသခံလူထု ထိခိုက်နစ်နာမှုရှိစေမည့် လုပ်ငန်းများကို
ခွင့်ပြုပေးသွားမည်မဟုတ်ဟု ဆိုသည်။
NLD ကျမ်းကျိန်မည့်နေ့ လွှတ်တော် တက်ရန် လွှတ်တော်ကိုယ်စားလှယ်များအား ဖိတ်ကြား
NLD ကျမ်းကျိန်မည့်နေ့ လွှတ်တော် တက်ရန် လွှတ်တော်ကိုယ်စားလှယ်များအား ဖိတ်ကြား
ယနေ့ ၂၃ ရက်မြောက်နေ့တွင် လွှတ်တော် (၂) ရပ်၏ ပုံမှန် အစည်းအဝေးမှာ
ပြီးဆုံးသွားပြီ ဖြစ်သော်လည်း မေလ ၂ ရက်နေ့တွင် NLD အမတ်များ လွှတ်တော်တက်
ကျမ်းကျိန်မည် ဖြစ်သဖြင့် လွှတ်တော် ၂ ရပ်မှ အမတ်များကို ဆက်လက်
ဖိတ်ကြားထားကြောင်း မြေပုံမြို့နယ် ပြည်သူ့ လွှတ်တော် အမတ် ဦးဖေသန်းက
ပြောသည်။
လွှတ်တော် ၂ ရပ်စလုံးက ဒီနေ့မှာ ပီးဆုံးသွားခဲ့ပြီ ဖြစ်ပါတယ်။ ဒါပေမယ့်
မေလ ၂ ရက်နေ့မှာ အမျိုးသား ဒီမိုကရေစီ လွှတ်တော် ကိုယ်စားလှယ်တွေက လွှတ်တော်
တက်ပြီး ကျမ်းသစ္စာ ကျိန်ဆိုမှာ ဖြစ်တဲ့ အတွက် မေလ ၂ရက်နေ့မှ လွှတ်တော်
ဆက်တက်ဖို့ ဖိတ်ကြားတာကို လွှတ်တော်မှာ ဒီကနေ့ ကျေညာပါတယ်" ဟု ဦးဖေသန်းက
ပြောသည်။
လွှတ်တော်၏ ပုံမှန် အစည်းအဝေးမှာ ယနေ့မှာ နောက်ဆုံးရက် ဖြစ်သဖြင့်
တစ်ချို့နယ်ဝေးမှ လွှတ်တော် အမတ်များမှာ အိမ်ပြန်ရန် လေယာဉ်လက်မှတ်များ၊
ကားလက်မှတ်များ ၀ယ်ယူ ထားကြကြောင်း သူက ဆက်ပြောသည်။
လွှတ်တော် အမတ်တချို့က လေယာဉ် လက်မှတ်တွေ၊ ကားလက်မှတ်တွေ
ကြိုထားဝယ်ထားကြပြီ ဖြစ်တယ်လို့ တင်ပြတဲ့ အခါ ဒီလိုဆိုရင်လည်း ၀ယ်ထားတဲ့
သူတွေ မတက်ရင်လည်း ရပါတယ်။ ခွင့်တိုင်ပြီး ပြန်လို့ ရတယ်လို့ ကျေညာပါတယ်။
NLD လွှတ်တော်တက် ကျမ်းကျိန်မည့်နေ့တွင် ကိုယ်စားလှယ်တွေက တက်သူက တက်၊
ပြန်သူက ပြန် ဒီလိုတော့ ရှိနိုင်ပါတယ် ဟု ဦးဖေသန်းက ပြောသည်။
ယခုကဲ့သို့ NLD ဘက်မှ လိုက်လျော့ပေးလိုက်ပြီး လွှတ်တော်တက်မည်ဟု
ကြားသိရသဖြင့် သူတို့ အနေဖြင့် ယခု လုပ်ရပ်အပေါ်မှာ ၀မ်းသာကြောင်း သူက
ပြောသည်။
ကောင်းတာပေါ့ဗျာ။ NLD ကို မျှော်လင့်နေတယ်။ ၀မ်းသာပါတယ်။ ဒီအပေါ်မှာတော့
အမြင်ရှင်းပါတယ်။ NLD လျှောပေ့းလိုက်တဲ့ အပေါ်မှာ မြန်မြန်နဲ့ လိုရင်း
ရောက်သွားတာပေါ့ဗျာ။ မဟုတ်ရင် ဒီစကားလုံးကြောင့် အချိန်တွေ ကြာပြီး
ရှေ့မရောက်ဘဲ မတင်မကျ ဖြစ်နေရင် တိုင်းပြည်ဘဲ နစ်နာ နိုင်ပါတယ်။ အခုတော့
မတင်မကျ ဖြစ်တဲ့နေရာကနေ ရှေ့ကို ရောက်သွားတာပါ့။ ခုလို ဖြစ်လာတဲ့ အတွက်
တိုင်းပြည် အတွက် အလာအလာကောင်းတဲ့ လက္ခဏာလို့ မြင်မိပါတယ် ဟု ဦးဖေသန်းက
ပြောသည်။
ပြည်သူများနှင့် ဒီမိုကရေစီ ပါတီ များ၏ လိုလားချက် အရ NLD ပါတီ အနေဖြင့်
လွှတ်တော်သို့ မေလ ၂ ရက် တွင် ကျမ်းသစ္စာကျိန်ဆို တက်ရောက်မည်ဖြစ်ကြောင်း
NLD ပါတီ ဥက္ကဋ္ဌ ဒေါ်အောင်ဆန်း စုကြည်ကလည်း ယနေ့ ၁၀ နာရီတွင် ထုတ်ဖေါ်
ကျေညာကြောင်း သိရသည်။
လွှတ်တော် တက်ဖို့ ဒေါ်စု ဆုံးဖြတ်ချက် နိုင်ငံတကာ ကြိုဆို
လွှတ်တော် တက်ဖို့ ဒေါ်စု ဆုံးဖြတ်ချက် နိုင်ငံတကာ ကြိုဆို
By သားညွန့်ဦး
လာမယ့် လွှတ်တော်အစည်းအဝေးတွေကို တတ်ရောက်ဖို့ ဒေါ်အောင်ဆန်းစုကြည်
အပါအ၀င် အနိုင်ရ အမျိုးသား ဒီမိုကရေစီအဖွဲ့ချုပ် ကိုယ်စားလှယ်တွေ
တက်ရောက်ဖို့ ဆုံးဖြတ်လိုက်တာကြောင့်၊ အနာဂတ် မြန်မာ့ဒီမိုကရေစီရေးအတွက်
အစိုးရနဲ့ အဖွဲ့ချုပ်အကြား ပူးပေါင်းဆောင်ရွက်မှုတွေ ဆက်လုပ်နိုင်မယ်လို့
နိုင်ငံတကာအသိုင်းအ၀ိုင်းက မျှော်လင့်ကြပါတယ်။ ရှေ့ဆက် အကဲစမ်းမှုတွေ
ထပ်ကြုံရနိုင်ပေမယ့်၊ ဒါတွေကို နှစ်ဖက်
ပူးပေါင်းဆောင်ရွက်မှုနဲ့ကျော်လွှားနိုင်မယ်လို့လည်း မျှော်လင့်ကြောင်း
တုန့်ပြန်ကြပါတယ်။
ဒေါ်အောင်ဆန်းစုကြည် နဲ့ အဖွဲ့ချုပ် ကိုယ်စားလှယ်တွေ လွှတ်တော်ဝင်ဖို့
ဆုံးဖြတ် လိုက်တာကြောင့် တင်းမာနေတဲ့ အခြေအနေတခု ပြေလည်သွားပြီး၊ အာဏာပိုင်
နဲ့ အဖွဲ့ချုပ် အကြား ပူးပေါင်း ဆောင်ရွက်မှု တွေ ပိုလုပ်လာနိုင်မယ်လို့
ပြည်တွင်းရော ပြည်ပမှာပါ ယူဆမှုတွေရှိပါတယ်။ လွှတ်တော် ကိုယ်စားလှယ် အဖြစ်
ကျမ်းသစ္စာဆိုရမယ့် စာပိုဒ်မှာ ဖွဲ့စည်းပုံကို ထိန်းသိမ်း ကာကွယ်
စောင့်ရှောက် ပါ့မယ်ဆိုတဲ့ စကားရပ် အစား၊ လေးစား လိုက်နာပါ့မယ်လို့
အဖွဲ့ချုပ်ဖက်က ပြင်ဆင်ဖို့လိုလားခဲ့တာပါ။ ဒီအတွက်လည်း လွှတ်တော် မတက်ပဲ
ရက်အတန်ကြာ အခြေအနေတွေ ရှေ့မတိုး နောက်မဆုတ် ဖြစ်နေရာကနေ၊ အခုတော့ တစုံတရာ
ပြေလည်သွားပြီလို့ ပြောနိုင်ပါတယ်။ အခုလို နှစ်ဖက်အကြား ပူးပေါင်း
ဆောင်ရွက်မှု အခြေအနေတွေ ဆက်ပြီး ရှိနေလိမ့်မယ်လို့ အမေရိကန် ပြည်ထောင်စု
အနေ နဲ့ မျှော်လင့်တဲ့ ကြောင်း အမေရိကန် နိုင်ငံခြားရေးဌာန
အရှေ့အာရှဒေသဆိုင်ရာ ပြောခွင့်ရသူ ဒါရယ် ပါရာဒီဆို (Darragh Paradiso) က
ပြောပါတယ်။
“ဒေါ်အောင်ဆန်းစုကြည်နဲ့ ရွေးကောက်ခံ အဖွဲ့ချုပ် ကိုယ်စားလှယ်တွေ မေလ ၂
ရက်နေ့ လွှတ်တော်ကို တတ်မယ်လို့ နားလည်ထားပါတယ်။ မြန်မာနိုင်ငံ ဒီမိုကရေစီ
အနာဂတ်ကို တည်ဆောက်နိုင်ဖို့ အမျိုးသား ဒီမိုကရေစီ အဖွဲ့ချုပ် နဲ့
အစိုးရအကြား ဆက်ပြီး ပူးပေါင်းဆောင်ရွက်သွားနိုင်ဖို့ မျှော်လင့်ထားပါတယ်။”
အခုလို ဆုံးဖြတ်ချက်ကြောင့် ဒါဟာ အလျှော့ပေးလိုက်တာပဲဆိုပြီး
ဒီမိုကရေစီရေး လှုပ်ရှားသူ အချို့ရဲ့ မကျေမနပ် ဝေဖန်မှု တွေလည်းရှိပါတယ်။
ဒေါ်အောင်ဆန်း စုကြည်ကိုယ်တိုင်ကလည်း ဒါဟာ အလျှော့ ပေးတယ်လို့ ယူဆရင်
ယူဆလို့ရတယ်၊ ဒါပေမယ့် နိုင်ငံရေးအရ တင်းမာမှုမျိုး မရှိစေချင်
တာကြောင့်လည်း မနေ့က သတင်းစာရှင်းလင်းပွဲမှာ ကိုယ်တိုင် ပြောခဲ့ပါတယ်။
“ကျမတို့ အနေနဲ့ကတော့ တင်းမာပြီးတော့ နိုင်ငံရေး ပြဿနာ ဖြစ်အောင်
မလုပ်စေချင်လို့ ဒီနေရာမှာ လိုက်လျောမယ် ဆိုပြီး ဆုံးဖြတ်လိုက်တာပါ။
အဲဒီတော့ တချို့က ကျတော့ အလျှော့ပေးတယ် လို့ မမြင်ဘူး လားဆိုတော့
အလျှော့ပေးတယ် လို့ မြင်ချင်လည်း မြင်နိုင်ပါတယ်။”
အဖွဲ့ချုပ်က လွှတ်တော်တက်ဖို့ အခုလို ဆုံးဖြတ်တဲ့နေမှာပဲ၊
မြန်မာနိုင်ငံကို သုံးရက်ကြာခရီးရောက်နေတဲ့ အတွင်းရေးမှုးချုပ် ဘန်ကီမွန်းဟာ
ပြည်ထောင်စု လွှတ်တော်ထဲ မနေ့က မိန့်ခွန်းပြောပါတယ်။ အပြောင်းအလဲ တွေ
လုပ်ရာမှာ မုချ အကဲစမ်းချက်တွေ ကြုံရနိုင်တယ်လို့ မစ္စတာဘန်က
သတိပေးပြောသွားပါတယ်။
“မြန်မာနိုင်ငံရဲ့ အမျိုးသား ရင်ကြားစေ့ရေး ဒီမိုကရေစီရေး နဲ့
ဖွံဖြိုးရေးတွေမှာ စိန်ခေါ် အကဲစမ်းချက်တွေ ကြုံရနိုင်ပါတယ်။ အခု
အပြောင်းအလဲဟာ နုနယ်ပြီး၊ မသေချာ မရေရာ ရှိနေဆဲပါ။ ဒါပေမယ့်လည်း အခြေအနေတွေ
နောက်ကြောင်း ပြန်လှည့်သွားဖို့ အခွင့်အလမ်း ကလည်း မရှိသလောက်ပါပဲ။”
အခုလို အပြောင်းအလဲတွေကို အားပေးတဲ့ အနေ နဲ့ နိုင်ငံတကာ မြန်မာ အပေါ်
ပိတ်ဆို့ အရေးယူမှုတွေကို ရုပ်သိမ်းဖို့၊ လျှော့ပေါ့ပေးဖို့ကိုလည်း
မစ္စတာဘန်က တိုက်တွန်းသွားပါတယ်။ အမေရိကန် ပြည်ထောင်စုအနေ နဲ့ကတော့ အခုလို
အပြောင်းအလဲ တွေကို အသိအမှတ်ပြုတဲ့ အနေနဲ့ရော အပြောင်းအလဲပိုဖြစ်အောင်
တွန်းအားပေးတဲ့ အနေနဲ့ပါ အရေးယူမှု တွေကို လျှော့ချခဲ့သလို၊ ပစ်မှတ်ထား
အရေးယူမှု အချို့ ဆက်ထားဦးမှာ ဖြစ်တယ်လို့ နိုင်ငံခြားရေးဌာနက ပြောပါတယ်။
“နိုင်ငံခြားရေးဝန်ကြီး ကလင်တန် ပြောခဲ့သလိုပါပဲ ငွေကြေး ၀န်ဆောင်မှု
လုပ်ငန်းတွေနဲ့ ရင်းနှီးမြုပ်နှံမှု သစ်တွေ နဲ့ ပတ်သက်လို့ အရေးယူပိတ်ဆို့မှု
တွေကို လျှော့ပေးလာတာဟာ၊ မြန်မာနိုင်ငံမှာ နိုင်ငံရေးနဲ့ စီးပွားရေး
ပြုပြင်ပြောင်းလဲမှုတွေဖြစ်လာဖို့ တုန့်ပြန်ဆောင်ရွက်မှုတွေထဲက
အစိတ်အပိုင်းတရပ်ဖြစ်ပါတယ်။”
အမေရိကန်နိုင်ငံခြားရေးဌာန အရှေ့အာရှဆိုင်ရာ ပြောခွင့်ရသူဖြစ်ပါတယ်။
လွှတ်တော်ထဲ အဖွဲ့ချုပ်ဆုံးဖြတ်လိုက်တာကြောင့် အခြေအနေတွေ ပိုပြီး
ပျော့ပြောင်းလာတယ်လို့ ပြည်တွင်း နိုင်ငံရေးလှုပ်ရှားသူတွေက မြင်ကြပါတယ်။
လွှတ်တော် ကိုယ်စားလှယ်တဦးလည်းဖြစ်တဲ့ အဖွဲ့ချုပ်ဝင် ဦးဝင်းထိန်က လည်း
အခုလို ဆုံးဖြတ်ချက်အပေါ်မှာ ၀မ်းသာမိတယ်လို့ ပြောပါတယ်။
“အလျှော့ပေးတယ် လို့ ယူဆချင်လည်း ယူဆ နိုင်ပါတယ်။ မှန်ပါတယ်။
အလျှော့ပေးပါတယ်။ ဘာကို အလျှော့ပေးသလဲ ဆိုရင် ပြည်သူလူထု ရဲ့ ဆန္ဒကို
အလျှော့ပေးတယ်။ နောက် မဟာမိတ် ပါတီတွေ ရဲ့ ဆန္ဒကို အလျှော့ပေးတယ်။
ကျနော်တို့လည်း ဝမ်းသာတယ်။ နို့မို့ရင် ဒါကြီးက လိပ်ခဲတည်းလဲ ဖြစ်ပြီးတော့
ထိုင်ရမလို ထရမလို ဟိုသွားရမလို ဒီသွားရမလို အဲဒီလို ဖြစ်တာ။
အခုဆုံးဖြတ်ချက် ချသွားပြီ။ ရင်ထဲမှာ တော်တော် ပေ့ါသွားတာ။”
လွှတ်တော်ဝင်ဖို့ အခက်အခဲကြုံနေတဲ့အတွက် အဖွဲ့ချုပ်ကို မဲထည့်ခဲ့တဲ့
မဲဆန္ဒရှင်အချို့ သူတို့ မဲတွေ အလကား ဖြစ်သွားမှာကိုလည်း
စိုးရိမ်ပူပင်ခဲ့ကြပါတယ်။ အခုလို ဆုံးဖြတ်ချက်ကြောင့် အဖွဲ့ချုပ်အနေနဲ့
လူထုအတွက် ပိုပြီး လုပ်ပေးနိုင်မယ်လို့ သူတို့က ယူဆကြပါတယ်။
“ဒီ အမေစု လွှတ်တော် ထဲ ဝင်သွားတယ် ဆိုလိုရှိရင် အပြောင်းအလဲတွေ
အများကြီး ဖြစ်လာ နိုင်မယ် လို့လည်း ထင်တယ်။ အဲဒါကြောင့် မို့လို့လည်း
သဘောကျတာ။”
“ပြည်သူတွေ အတွက် အများကြီး အထောက်အကူ ဖြစ်သွားမယ် လို့တော့ ထင်တာပေါ့။
အရင် အစိုးရ နဲ့ ပတ်သက်ရင် မိုး နဲ့ မြေ ဘဲ။ နိမ့်ကျတဲ့ ဘဝတွေကို လည်း
သိပ်ကြည့်တယ်ပေ့ါ။”
နိုင်ငံရေး အကြပ်အတည်း ဖြစ်လာမှာစိုးလို့ ရှောင်လွဲလိုက်တယ်ဆိုတဲ့
အဖွဲ့ချုပ်ရဲ့ ကိုယ်စားလှယ်တွေဟာ အခု လာမယ့် မေလ ၂ ရက်နေ့
လွှတ်တော်စည်းဝေးပွဲကို စတင် တက်ရောက်ပြီး၊ လွှတ်တော် ကိုယ်စားလှယ် အဖြစ် မူလ
စာသားအတိုင်း ကျမ်းသစ္စာဆိုရမှာ ဖြစ်ပါတယ်။ မူလစာသားကို
ပြင်ဆင်ချက်လုပ်ဖို့ ကြိုးပမ်းရာ မှာတော့ လွှတ်တော်ထဲ အများစုဖြစ်တဲ့ အာဏာရ
ကြံခိုင်ရေးပါတီက လက်မခံတာကြောင့် မဖြစ်ခဲ့ပါဘူး။ ဒါကြောင့် ဖွဲ့စည်းပုံပါ
အချက်အလက် အချို့ကို ပြင်ဆင်လိုတဲ့ အဖွဲ့ချုပ်အနေနဲ့တော့၊ ဒီလို
ဖွဲ့စည်းပုံ ပြင်ရေးကိစ္စရပ် တွေမှာ လွှတ်တော်ထဲ မဲအများစုရှိနေတဲ့ အာဏာရ
ကြံခိုင်ရေးပါတီနဲ့ ပူးပေါင်း ဆောင်ရွက်ရ မယ့် အနေအထားတော့ မြင်နေရပါတယ်။
NLD လွှတ်တော် တက်ရောက်ဖို့ ဆုံးဖြတ်ချက်ကို လေးစားကြောင်း ဘန်ကီမွန်း ပြောဆို
NLD လွှတ်တော် တက်ရောက်ဖို့ ဆုံးဖြတ်ချက်ကို လေးစားကြောင်း ဘန်ကီမွန်း ပြောဆို
NLD ကိုယ်စားလှယ်တွေ လွှတ်တော် တက်ရောက်ဖို့ ဆုံးဖြတ်ချက်ဟာ
မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်မှာ
ကြုံတွေ့နေရတဲ့ အခက်အခဲကို အပျော့ပြောင်းဆုံး နည်းလမ်းနဲ့ ဖြေရှင်းလိုက်တာ
ဖြစ်တယ်လို့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းက
ပြောကြားလိုက်ပါတယ်။
ဒီဆုံးဖြတ်ချက်ဟာ ခက်ခက်ခဲခဲ ချလိုက်ရတဲ့ ဆုံးဖြတ်ချက်ဆိုတာ နားလည် သဘောပေါက်ပါတယ် လို့လည်း ပြောဆိုပါတယ်။
NLD အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့
တွေ့ဆုံအပြီး ပြုလုပ်တဲ့ သတင်းစာ ရှင်းလင်းပွဲမှာ မစ္စတာ ဘန်ကီမွန်းက -
ဒေါ်အောင်ဆန်းစုကြည်ဟာ မြန်မာနိုင်ငံ အတွက် စစ်မှန်ခိုင်မာတဲ့ democracy
ခေါင်းဆောင်တဦး ဖြစ်ကြောင်း၊ သူ့အနေနဲ့ ဒေါ်အောင်ဆန်းစုကြည်ရဲ့
ဆုံးဖြတ်ချက်ကို လေးစား တန်ဖိုးထားပါကြောင်း မစ္စတာ ဘန်ကီမွန်းက
ပြောသွားပါတယ်။
ဒေါ်အောင်ဆန်းစုကြည်သာ လွှတ်တော်ထဲ ရောက်သွားမယ် ဆိုရင် အရေးပါပြီး အပြု
သဘောဆောင်တဲ့ အခန်းကဏ္ဍ ကနေ ပါဝင်လာနိုင်မှာ ဖြစ်သလို မြန်မာနိုင်ငံ အတွက်
အကောင်းဆုံး လုပ်ငန်းစဉ်တွေကို စတင်နိုင်မှာ ဖြစ်တယ်လို့လည်း မစ္စတာ
ဘန်ကီမွန်းက ပြောဆိုပါတယ်။
ကုလသမဂ္ဂတွင် မိန့်ခွန်းပြောရန် ဒေါ်အောင်ဆန်းစုကြည်ကို ဘန်ကီမွန်း ဖိတ်ကြား
ကုလသမဂ္ဂတွင် မိန့်ခွန်းပြောရန် ဒေါ်အောင်ဆန်းစုကြည်ကို ဘန်ကီမွန်း ဖိတ်ကြား
by မင်းလွင်
မြန်မာနိုင်ငံမှာ ရောက်ရှိနေတဲ့ ကုလသမဂ္ဂအတွင်းရေးမှူးချုပ် မစ္စတာ
ဘန်ကီမွန်းဟာ ဒီကနေ့ မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည်ကို နေအိမ်မှာ သွားရောက်တွေ့ဆုံပြီး
လွှတ်တော်တက်ဖို့ ဆုံးဖြတ်လိုက်တဲ့အပေါ် ချီးကျူးဂုဏ်ပြုလိုက်ပြီး
ကုလသမဂ္ဂမှာ မိန့်ခွန်းပြောကြားဖို့လည်း ဖိတ်ကြားခဲ့ပါတယ်။
မစ္စတာ ဘန်ကီမွန်းဟာ ဒီကနေ့မှာ ဒေါ်အောင်ဆန်းစုကြည်နဲ့
တွေ့ဆုံခဲ့ပြီး ပြုလုပ်တဲ့ သတင်းစာရှင်းလင်းပွဲမှာ
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့
လွှတ်တော်တက်ရောက်ရေး ပျော့ပျောင်းညင်သာစွာ သဘောတူ
လုပ်ဆောင်လိုက်တာနဲ့ ပတ်သက်ပြီး ချီကျူးဂုဏ်ပြုစကား
ပြောကြားခဲ့တာပါ။
မြန်မာနိုင်ငံဟာ ပြုပြင်ပြောင်းလဲရေးကို လုပ်ဆောင်နေပေမယ့်
အခက်အခဲတွေကတော့ ဆက်ရှိနေသေးတယ်လို့ မစ္စတာ ဘန်ကီမွန်းက ပြောပါတယ်။
“မြန်မာနိုင်ငံရဲ့ ပြုပြင်ပြောင်းလဲရေးဖြစ်စဉ်မှာ အခက်အခဲတွေ
ရှိချင်ရှိမယ်။ စိန်ခေါ်မှုတွေကတော့ ဆက်ရှိနေသေးတယ်။
ပြုပြင်ပြောင်းလဲရေး ဖြစ်စဉ်ကတော့ ပြန်မပြင်သင့်တော့ဘူး။
နောက်ပြန် မလှည့်ရတော့ဘူး” လို့ ကုလသမဂ္ဂ အတွင်းရေးမှူးချုပ်က
ပြောပါတယ်။
ဒေါ်အောင်ဆန်းစုကြည်ကတော့ အန်အယ်လ်ဒီပါတီဟာ အငြင်းပွားနေတဲ့
စကားရပ်တွေကို ပျော့ပျောင်းစွာ လုပ်ဆောင်နိုင်ခဲ့တာဟာ ပါတီရဲ့
မဟာဗျူဟာ လုပ်ငန်းစဉ်အသစ်လည်း မဟုတ်ဘူးလို့ သတင်းထောက်တွေကို
ဖြေကြားသွားပါတယ်။
“မြန်မာနိုင်ငံ ဒီမိုကရေစီရရှိရေးကြိုးပမ်းတဲ့
ကာလတလျှောက်လုံးမှာ ပျော့ပျောင်းတဲ့ နည်းလမ်းကို ကျမတို့
အမြဲယုံကြည်ခဲ့ပါတယ်။ ဘာလို့လဲဆိုတော့ အကြမ်းမဖက်ဘဲနဲ့
ပျော့ပျောင်းတဲ့ ချဉ်းကပ်မှုမျိုးနဲ့သာ ကျမတို့လိုချင်တဲ့
ပန်းတိုင်ကို ရောက်ရှိနိုင်မှာ မို့လို့ပါပဲ။ အဲဒီအတွက်
ပျော့ပျောင်းတဲ့ လုပ်ဆောင်ချက်တွေဟာ ကျမတို့ပါတီရဲ့
နည်းဗျူဟာအသစ်လို့ ကျမ မထင်ဘူး” လို့ပြောပါတယ်။
မြန်မာနိုင်ငံရဲ့ နိုင်ငံရေးအရ ပြုပြင်ပြောင်းလဲမှုတွေဟာ
ဥပရောသမဂ္ဂရဲ့ အရေးယူပိတ်ဆို့မှုတွေကို
တနှစ်ဆိုင်းငံ့မှုတွေဖြစ်စေပြီးတော့ ဒီနှစ်နဲ့ လာမယ့်နှစ်တွေအတွက်
အမေရိကန်ဒေါ်လာ သန်း ၂၀၀ နီးပါး မြန်မာနိုင်ငံ ဖွံ့ဖြိုးမှုတွေအတွက်
အကူအညီရစေခဲ့တာပါ။
နိုင်ငံတကာရဲ့ ဖွံ့ဖြိုးရေးအကူအညီနဲ့ ပတ်သက်ပြီး
ဒေါ်အောင်ဆန်းစုကြည်က “ဖွံ့ဖြိုးရေးအတွက်ဖြစ်ဖြစ်၊ လူသားချင်း
စာနာထောက်ထားလို့ပဲ ဖြစ်ဖြစ် ဘယ်လို အကူအညီမျိုးတွေမဆို ရရှိတာဟာ
မြန်မာနိုင်ငံသားတွေအတွက် ကိုယ်စွမ်းကိုယ်စတွေ
တိုးတက်မြင့်မားစေပြီးတော့ အစိုးရအပေါ်ကို မှီခိုစိတ်တွေကလည်း
လျှော့နည်းစေဖို့ဆိုတာ ဖြစ်ပါတယ်။ မြန်မာ့ဒီမိုကရေစီ ဖြစ်စဉ်ဟာ
မှန်ကန်တဲ့လမ်းကြောင်းအတိုင်း သွားမယ်ဆိုတာ ကျမ အသေအချာ
ပြောနိုင်ပါတယ်” လို့ သတင်းထောက်တွေကို ဖြေဆိုခဲ့ပါတယ်။
ဒေါ်အောင်ဆန်းစုကြည်ကို နယူးယောက် ကမ္ဘာ့ကုလသမဂ္ဂ အထွေထွေညီလာခံမှာ
မိန့်ခွန်းပြောကြားဖို့ကိုလည်း မစ္စတာ ဘန်ကီမွန်းက ဖိတ်ကြားခဲ့ရာမှာ
ဒေါ်အောင်ဆန်းစုကြည်က လက်ခံခဲ့တယ်လို့ သိရပါတယ်။ ဒါပေမယ့်
ဘယ်အချိန်မှာ သွားရောက်ပြီး မိန့်ခွန်းပြောမလဲ ဆိုတာကိုတော့
မသိရသေးပါဘူး။
မစ္စတာဘန်ကီမွန်းဟာ ရန်ကုန်မြို့ ဆီဒိုးနားဟိုတယ်မှာ ကျင်းပတဲ့
စီးပွားရေး လုပ်ငန်းရှင်တွေရဲ့ အစည်းအဝေးကို တက်ရောက်ခဲ့ပြီး
မြန်မာနိ်ုင်ငံက ပြန်မထွက်ခွာခင် သူ့ရဲ့ခရီးစဉ်နဲ့ ပတ်သက်ပြီး
သတင်းစာရှင်းလင်းပွဲတခု ကျင်းပခဲ့ပါသေးတယ်။
NLD သဘောထားပျော့ပြောင်းမှု ဘန်ကီမွန်း ချီးကျူး
NLD သဘောထားပျော့ပြောင်းမှု ဘန်ကီမွန်း ချီးကျူး
By စုမြတ်မွန်
စစ်မှန်တဲ့ခေါင်းဆောင်တွေဟာ တိုင်းပြည်နဲ့လူထုအကျိုးအတွက် အလျှော့အတင်း
လုပ်ပေးကြ စမြဲ ဖြစ်တယ်လို့ ကုလသမဂ္ဂအတွင်းရေးမှုးချုပ် Ban Ki Moon
ကပြောလိုက်ပါတယ်၊ မြန်မာနိုင်ငံကို ၃ ရက်ခရီးလာခဲ့တဲ့
ကုလသမဂ္ဂအတွင်းရေးမှုးချုပ်က အမျိုးသား ဒီမိုကရေစီအဖွဲ့ချုပ် ဥက္ကဋ္ဌ
ဒေါ်အောင်ဆန်းစုကြည် နဲ့ တွေ့ဆုံအပြီးမှာ ခုလိုပြောလိုက်တာဖြစ်ပါတယ်၊
ဒေါ်အောင်ဆန်းစုကြည် ကလည်း အလျှော့အတင်း လုပ်တယ်ဆိုတာဟာ NLD
အသစ်အဆန်းမဟုတ်ဘဲ လွန်ခဲ့တဲ့ ၂၃ နှစ်လုံး အလျှော့အတင်း
လုပ်လာခဲ့တာဖြစ်တယ်လို့ ပြောခဲ့ပါတယ်၊ ဒီကနေ့ ဒေါ်အောင်ဆန်းစုကြည်ရဲ့
နေအိမ်မှာ ပူးတွဲပြုလုပ်တဲ့သတင်းစာရှင်းလင်းပွဲအကြောင်းကို မစုမြတ်မွန်က
ဆက်ပြီးပြောပါလိမ့်မယ်၊
မြန်မာနိုင်ငံနိုင်ငံရေးအပြောင်းအလဲကို ကိုယ်တိုင်လာရောက် အကဲခတ်တဲ့
ကုလသမဂ္ဂ အတွင်းရေးမှုးချုပ် ဘန်ကီမွန်းဟာ ဒီကနေ့
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် နဲ့ တွေ့ဆုံ
ခဲ့ပြီးနောက်မှာ ပူးတွဲ သတင်းစာရှင်းလင်းပွဲလုပ်ခဲ့ပါတယ်၊ မြန်မာနိုင်ငံက
ပြုပြင်ပြောင်းလဲရေး လုပ်ငန်းစဉ်တွေမှာ စိန်ခေါ်မှုတွေရှိနေဆဲဖြစ်ပေမဲ့
ရှေ့ဆက် အပြောင်းအလဲတွေလုပ်သွားဖို့ လိုအပ်တဲ့ အကြောင်းကို
အတွင်းရေးမှုးချုပ် Ban Ki Moon က ပြောကြားခဲ့ပါတယ်၊
- လုပ်ငန်းစဉ်တွေက ခက်ခဲနိုင်ပါတယ်။ စိန်ခေါ်မှုတွေလည်း
အများကြီးရှိနေပါတယ်။ ဒါပေမဲ့ ပြုပြင်ပြောင်းလဲရေး လုပ်ငန်းစဉ်တွေ
နောက်ပြန်မလှည့်ဘဲ ရှေ့ဆက်သွားသင့်ပါတယ်။ ရှေ့ဆက်ပြီး
ဖွံ့ဖြိုးတိုးတက်ရေးနဲ့ လူ့အခွင့်အရေးဆောင်ရွက်မှုတွေမှာ ပါဝင်ချင်စိတ်
ရှိသူ တွေကို က
လက်ရှိမြန်မာ့နိုင်ငံရေး အခြေအနေရောက်ဖို့ သမ္မတဦးသိန်းစိန်ရော
ဒေါ်အောင်ဆန်းစုကြည် ပါ တော်တော်လေး လုပ်ခဲ့ကြရပြီး
နောက်ထပ်တိုးတက်မှုတွေဖြစ်အောင်လုပ်သွားမယ်လို့ သူ့အနေနဲ့
ယုံကြည်လက်ခံတယ်ဆိုတာကိုလဲ Mr. Ban Ki Moon က သတင်းစာရှင်းလင်းပွဲမှာ
ပြောခဲ့ပါတယ်၊ ကျန်းသစ္စာကျိန်ဆိုရာမှာ အသုံးအနှုန်းကို လက်မခံနိုင်ပေမဲ့
ပြည်သူတွေအကျိုးအတွက် အလျှော့ပေးပြီး NLD ကလွှတ်တော်တက်မယ်လို့
ဆုံးဖြတ်ချက်ချခဲတာကိုလဲ ခုလို ချီးကျူးပါတယ်၊
- ဒီဆုံးဖြတ်ချက်ကို ခက်ခက်ခဲခဲချခဲ့ရမယ်ဆိုတာကို နားလည်ပါတယ်၊
နိုင်ငံရေးသမားတွေ ဆိုတာ တချို့ကိစ္စတွေအပေါ်မှာ သဘောထားအမြင်
မတူတာမျိုးရှိတတ်ကြပါတယ်၊ ဒါပေမဲ့ စစ်မှန်တဲ့ ခေါင်းဆောင်တွေဟာ
တိုင်းပြည်နဲ့လူထုအကျိုးအတွက် အလျှော့အတင်း လုပ်ပေး ကြစမြဲဖြစ် ပါတယ်၊ေ
ဒေါ်အောင်ဆန်းစုကြည်ကတော့ နိုင်ငံရေးလုပ်ငန်းစဉ်မှာ ညင်သာပျော့ပြောင်းမှုရှိရမယ်လို့ NLD က အမြဲလက်ခံထားတယ်လို့ ပြောပါတယ်၊
- နိုင်ငံရေးလုပ်ငန်းစဉ်တွေကို လုပ်တဲ့အခါမှာ ပြုနိုင်
ပြင်နိုင်ရမယ်ဆိုတာကို ကျွန်မတို့က အမြဲ လက်ခံထားပါတယ်၊
အခုလွှတ်တော်ကိုယ်စားလှယ်တွေ ဖြစ်လာလို့ ပျော့ပြောင်း ညင်သာဖို့ လိုပြီလို့
သဘောထားတာ မဟုတ်ပါဘူး၊ ကျွန်မတို့ နိုင်ငံရေးအရ ရုန်းကန်ခဲ့တဲ့ ကာလ တလျှေ
ရှေ့လာမဲ့ လတွေ နှစ်တွေမှာ
နိုင်ငံရေးသမားတွေဆုံးဖြတ်မဲ့ဆုံးဖြတ်ချက်တွေဟာ နောင် မျိုးဆက်ပေါင်း
များစွာရဲ့ အနာဂါတ်ကို ပုံဖော်မှာဖြစ်လို့ အင်မတန်အရေးကြီးတဲ့ကာလကို
နိုင်ငံရေးသမားတွေ ဖြတ်သန်း ရမှာဖြစ်တယ်၊ ရဲ့ရင့် ပြတ်သားမှု၊
ခေါင်းဆောင်မှု၊ အပေးအယူလုပ်မှုတွေ လိုအပ်တယ် ဆိုတာကိုလည်း
ပူးတွဲသတင်းစာရှင်းလင်းပွဲမှာ ကုလသမဂ္ဂအတွင်းရေးမှုးချုပ်က အလေးထား
ပြောသွားခဲ့ ပါတယ်၊ ဒီမိုကရေစီလမ်းကိုလျှောက်နေတဲ့
မြန်မာပြည်သူတွေအတွက်လည်း ဆက်လက် အားပေးသွားမယ်လို့ ဆိုပါတယ်၊
- မြန်မာပြည်သူတွေနဲ့ အစိုးရဟာ
ပြုပြင်ပြောင်းလဲရေးလမ်းပေါ်ရောက်နေကြပါပြီ၊ အားလုံး ပါဝင်ခွင့် ရှိတဲ့
ဒီမိုကရေစီကိုလဲမြတ်နိုးကြပါတယ်၊ သူတို့အနေနဲ့ နိုင်ငံတကာ အသိုင်းအဝိုင်း
တခုလုံး ရဲ့ ထောက်ခံ အားပေးမှုကို ရသင့်ပါတယ်၊ ကုလသမဂ္ဂ အနေနဲ့
မြန်မာပြည်သူတွေနဲ့ ခြေ
ပြုပြင်ပြောင်းလဲမှုတွေ လုပ်လာတဲ့ မြန်မာအစိုးရအပေါ် နိုင်ငံတွေက
ကူညီထောက်ပံ့မှုတွေ ပိုပြီး ပေးလာနေ ကြပါတယ်၊ ဒီအကူအညီတွေဟာ ပြည်သူတွေအတွက်
အကျိုးရှိဖို့ လိုတယ်ဆိုတာ ကိုတော့ ဒေါ်အောင်ဆန်းစုကြည် က ခုလို
ပြောခဲ့ပါတယ်၊
- မြန်မာနိုင်ငံကို ဖွံ့ဖြိုးရေးအတွက် အကူအညီပဲပေးပေး၊
လူသားချင်းစာနာမှုအတွက် အကူအညီ ပဲ ပေးပေး၊ ပြည်သူတွေရဲ့
လုပ်နိုင်ကိုင်နိုင်တဲ့ အစွမ်းအစတွေတိုးတက်ရေး၊ အစိုးရအပေါ် မှီခိုမှု
နည်းသွား နိုင်ရေးတွေမှာ ဒီထောက်ပံ့မှုတွေကို သုံးသင့်ပါတယ်၊ ဒါမှသာ
မြန်မာနိုင်ငံ
ကုလသမဂ္ဂအတွင်းရေးမှုးချုပ် ဘန်ကီမွန်းရဲ့ တတိယအကြိမ်
မြန်မာနိုင်ငံခရီးစဉ်မှာ ပထမဆုံး အကြိမ် ဒေါ်အောင်ဆန်းစုကြည် နဲ့
လူကိုယ်တိုင် တွေ့ဆုံဆွေးနွေးနိုင်ခဲ့ပြီး ပူးတွဲသတင်းစာရှင်းလင်းပွဲ
လုပ်ခဲ့တာ ဖြစ်ပါတယ်ရှင်၊
နှစ် ၃၀ အတွင်း မြန်မာ သန်းခေါင်စာရင်း ကုလအကူအညီ ဖြင့်ကောက်မည်
နှစ် ၃၀ အတွင်း မြန်မာ သန်းခေါင်စာရင်း ကုလအကူအညီ ဖြင့်ကောက်မည်
By ခင်မျိုးသက်
ပြောင်းလဲမှုတွေ ထဲမှာ လူနည်းစု တိုင်းရင်းသားတွေ အတွက် ကြီးမားတဲ့
အပြောင်းအလဲ ဖြစ်လာစေနိုင်တဲ့ အဓိက အပြောင်းအလဲ အဖြစ် သန်းခေါင်စာရင်း
ကောက်ယူဖို့ အတွက် နှစ်ပေါင်း ၃၁ နှစ်အတွင်း ပြန်ပြီး စီစဉ်နေပြီ
ဖြစ်ပါတယ်။ မြန်မာ အစိုးရ နဲ့ ကုလသမဂ္ဂတို့ အကြားရခဲ့တဲ့ ဒီသဘော တူညီချက်
နဲ့ ပတ်သက်ပြီးတော့ ဗွီအိုအေ သတင်းထောက် ဒယ်နီရယ် ဘန်စတိန်း (Danielle
Bernstein) သတင်းပေးပို့ ထားတာကို မခင်မျိုးသက် က တင်ပြထားပါတယ်။
မြန်မာအစိုးရက ၂၀၁၄ ခုနှစ်မှာ တနိုင်ငံလုံး အတိုင်းအတာနဲ့
သန်းခေါင်စာရင်း ကောက်ယူဖို့ ကတိပြု ကြောင်း မြန်မာနိုင်ငံ လူဝင်မှု
ကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီး ဦးခင်ရီက အတည်ပြု
လက်မှတ်ရေးထိုး ခဲ့ပါတယ်။ စာထဲမှာ နှစ်ပေါင်း ၃၁ နှစ် အတွင်း ကောက်ယူမယ့်
လူဦးရေစစ်တမ်းကို နိုင်ငံတကာ စံနှုန်းတွေနဲ့အညီလုပ်ဆောင်ရမှာ ဖြစ်သလို
ဒီသန်းခေါင်စာရင်း ကောက်ယူရာမှာ လူမျိုးမရွေး ဘာသာ မရွေး
ပါဝင်ရမှာဖြစ်ပြီး သန်းခေါင်စာရင်း ကောက်ယူသူတွေကို နိုင်ငံအနှံ့
သွားရောက် ခွင့်ပေးဖို့ပါ ပါဝင်ပါတယ်။
နေပြည်တော်မှာ ပြုလုပ်တဲ့ လက်မှတ်ရေးထိုးပွဲမှာတော့ ကုလသမဂ္ဂ
အတွင်းရေးမှုးချုပ် မစ္စတာ ဘန်ကီမွန်းက တိုင်းရင်းသား ဒေသတွေမှာ အခု
လုပ်ဆောင်နေတဲ့ အပစ်အခတ် ရပ်စဲရေး ဆွေးနွေးပွဲတွေ ကနေ ဒီသန်းခေါင်စာရင်း
ကောက်ယူရေး ဖြစ်မြောက် လာစေဖို့ မျှော်လင့် ထားသလို လူနဲစု
တိုင်းရင်းသားတွေ နဲ့ လူမှု့လူ့အဖွဲ့အစည်းတွေပါ ပါဝင်လုပ်ဆောင်ဖို့
လိုတယ်လို့ ပြောဆိုခဲ့ပါတယ်။
တိကျမှုရှိတဲ့ သန်းခေါင်စာရင်း ကောက်ယူဖို့ ကိစ္စဟာ မြန်မာ အစိုးရ
လုပ်ဆောင်နေတဲ့ နိုင်ငံရေး အပြောင်းအလဲတွေ ထဲမှာ အရေး အကြီးဆုံး
ဖြစ်တယ်လို့ လူ့အခွင့်ရေး စောင့်ကြည့်အဖွဲ့ကြီးရဲ့ မြန်မာနိုင်ငံဆိုင်ရာ
သုတေသနမှုး ဒေ့ဖ် မက်သီဆန် (Dave Mathieson) ကပြောပါတယ်။
“တကယ်လို့ မြန်မာနိုင်ငံမှာသာ သန်းခေါင်စာရင်း ရှိခဲ့ရင်
နိုင်ငံသားတိုင်း မဲပေး ပိုင်ခွင့်ရှိ လာမှာ ဖြစ်ပါတယ်။ ဒါဆိုရင် ၂၀၁၅
ခုနှစ် ရွေးကောက်ပွဲဟာ အခုထက်ပို မျှတပြီး အများရဲ့ လက်ခံ ယုံကြည်မှု
ကိုလည်း ပိုပြီး ရလာဖို့ ရှိပါတယ်။ နောက် လူထုအပေါ်မှာ တကယ်ပဲ
လွှမ်းမိုးနိုင်စွမ်း ရှိမယ်ဆိုရင်တော့ ဒီလူတွေမဲပေးလာကြမှာပဲ။”
မြန်မာနိုင်ငံမှာ ၁၉၈၃ ခုနှစ်က နောက်ဆုံး သန်းခေါင်စာရင်း
ကောက်ယူခဲ့တာပါ။ အဲဒီတုန်းက အမဲရောင် နယ်မြေ လို့ခေါ်တဲ့ လက်နက်ကိုင်တွေ
ကြီးစိုးတဲ့ ဒေသတွေမှာ နေထိုင်သူတွေ ကို ထည့်တွက်တာမျိုး မရှိခဲ့ပါဘူး။
အဲဒီအရင်က အများလက်ခံလောက်တဲ့ လူဦးရေ စာရင်းကောက်ခဲ့တာကတော့ ၁၉၃၁ ခုနှစ်
မှာဖြစ်ပြီး ဗြိတိသျှအုပ်ချုပ် နေတုန်းက ကောက်ယူခဲ့တဲ့ သန်းကောင်စာရင်းပါ။
လူ့အခွင့်ရေး စောင့်ကြည့်သူ တွေကတော့ သန်းခေါင်စာရင်း ကို သေသေချာချာ
မကောက်ရင် မြန်မာနိုင်ငံသား အဖြစ် ထည့်သွင်းရေး မသွင်းရေး အငြင်းပွါးနေတဲ့
ရိုဟင်ဂျာတွေ ဒါမှမဟုတ် မြန်မာနိုင်ငံထဲ က တိုက်ပွဲတွေ ဖြစ်ပွါးနေတဲ့
နေရာတွေမှာ နေထိုင်သူတွေကို စာရင်းထဲ ကနေ ဖယ်အထုတ်ခံ ရမှာကို
စိတ်ပူနေကြပါတယ်။
ကုလသမဂ္ဂကတော့ ရခိုင်ပြည်နယ်ထဲမှာ ရိုဟင်ဂျာ တသန်းလောက်နေထိုင်မယ်လို့ ခန့်မှန်းပါတယ်။
မြန်မာနိုင်ငံရဲ့ လူဦးရေ ကောက်ယူ မှတ်တမ်းတင်ရေးမှာ တာဝန်ရှိတဲ့
ပြည်သူ့အင်အားဝန်ကြီးဌာန အကြီးအကဲ ဦးမြင့်ကြိုင်ကတော့ မြန်မာနိုင်ငံထဲမှာ
နိုင်ငံမဲ့သူများဆိုတာ ရှိမနေဘူးလို့ ဆိုပါတယ်။
“ကျွန်တော်တို့ဆီမှာ နိုင်ငံမဲ့ သူများဆိုတာရှိ မနေသလို
မြန်မာနိုင်ငံထဲမှာ ရိုဟင်ဂျာ ဆိုတာလည်း မရှိပါဘူး။ ဘာလို့လည်း ဆိုတော့
ဘင်္ဂါလီ လူမျိုးတွေ မြန်မာနိုင်ငံထဲမှာ မနေကြလို့ပါ" လို့ စကားပြန် က တဆင့်
ပြောသွားတာပါ။
ပြောင်းလဲမှုတွေ လုပ်ဖို့ ကတိပြုထားတဲ့ အစိုးရကိုရော သန်းခေါင်စာရင်း
ရဲ့ တိကျမှု ဆိုင်ရာအတွက်ပါ ဒီလို အမျိုး ခွဲခြားမှုမျိုးတွေက အဓိကစမ်းသပ်မှု
လိုဖြစ်နေတယ်လို့ သုံးသပ်သူတွေက ပြောပါတယ်။
မြန်မာနိုင်ငံရဲ့ စီးပွားရေးနဲ့ ပညာရပ်ပိုင်းဆိုင်ရာ လေ့လာမှုတွေ အတွက်
အစိုးရရဲ့ ယုံကြည်လောက် စရာမရှိတဲ့ စာရင်းဇယားတွေကိုဘဲ နှစ်ပေါင်း များစွာ
သုံးစွဲနေ ကြရတာမို့ အခုလို နိုင်ငံတကာ စံနှုန်းနဲ့ အညီ သန်းခေါင်စာရင်း
ကောက်ယူမှုက အရေးပါတယ်လို့ မြန်မာ့အရေး ဆောင်ရွက်သူတွေက ပြောပါတယ်။
ဒီသန်းခေါင်စာရင်း ကောက်ယူရေးအတွက် (UNPF) လို့ခေါ်တဲ့ ကုလသမဂ္ဂ
လူဦးရေဆိုင်ရာ ရံပုံငွေအဖွဲ့ ကနေ အချက်အလက် စုဆောင်းကာလ အဖြစ်
သတ်မှတ်ထားတဲ့ ၂နှစ်အတွင်းမှာ ဦးဆောင်ပြီး စူးစမ်း လေ့လာမှု တွေ
လုပ်မှာဖြစ်သလို မှတ်တမ်းတွေကိုလည်း ပြုစုရေးသားမှာ ဖြစ်ပါတယ်။
ကုလသမဂ္ဂ ဌာနေ ကိုယ်စားလှယ် မိုဟာမက် အဒယ် အဟက် (Mohamed Abdel-Ahad)
ကတော့ သန်းခေါင်စာရင်း နောက်ဆုံး ကောက်ခဲ့တဲ့ အချိန်ဟာ သိပ်ကြာနေပြီမို့
ဒါဟာ တကယ့် စိန်ခေါ်မှု တရပ်ဖြစ်နေသလို ဒါဟာ အရေးအကြီးဆုံး
လုပ်ဆောင်ရမှာလည်း ဖြစ်နေတယ်လို့ ဆိုပါတယ်။
အားလုံး သိတဲ့အတိုင်းပဲ လူထုက ဒီသန်းခေါင်စာရင်း နဲ့ ပါတ်သက်ပြီး
သေသေချာချာ သိမထားဘူး။ သန်းခေါင်စာရင်း နောက်ဆုံးယူ ထားတာက နှစ်ပေါင်း ၃၀
ကျော်နေပြီ ဆိုတော့ ၁၉၈၃ ခုနှစ်နောက်ပိုင်း မွေးတဲ့သူတွေ ဆိုရင် သန်းကောင်
စာရင်းယူတဲ့ အတွေ့အကြုံ မရှိကြဘူး။ ဒါ့ကြောင့် သူတို့ကို
မြန်မာနိုင်ငံသားအနေနဲ့ ထည့်သွင်းရေတွက်ဖို့ လိုတယ် ဆိုတဲ့ သူတို့ရဲ့
ရပိုင်ခွင့်ကို ကျွန်တော်တို့က ရှင်းပြဖို့ လိုပါတယ်။
သန်းခေါင်စာရင်း ကောက်ယူသူတွေကတော့ သန်းခေါင်စာရင်း ကို ၂၀၁၄ ခုနှစ်
ဧပြီလမှာ ကောက်ယူနိုင်မယ်လို့ မျှော်လင့်ထား ကြောင်း မစ္စတာ အဒယ် အဟက် (
Abdel-Ahad ) က ပြောပါတယ်။ ကုလသမဂ္ဂက အနေနဲ့ ဒီလုပ်ငန်းအတွက် အနည်းဆုံး
ဒေါ်လာ ၅၃ သန်းလောက် ကုန်ကျမယ်လို့ ခန့်မှန်း ထားပါတယ်။
ကုလအတွင်းရေးမှူးချုပ်နဲ့ ပါတီ၊ ကျောင်းသား၊ အရပ်ဖက်အဖွဲ့များတွေ့ဆုံ
ကုလအတွင်းရေးမှူးချုပ်နဲ့ ပါတီ၊ ကျောင်းသား၊ အရပ်ဖက်အဖွဲ့များတွေ့ဆုံ
တိုင်းရင်းသားအခွင့်အရေး ကိစ္စတွေကို လွှတ်တော်တွင်း ဆွေးနွေးမှုတွေနဲ့
တဖြေးဖြေး ဆောင်ရွက်သွားရမှာ ဖြစ်သလို၊ မြန်မာနိုင်ငံက ဖြစ်ပေါ်
ပြောင်းလဲမှုတွေကို ဆက်လက် အားပေးသွားမယ်လို့ ကုလသမဂ္ဂ အတွင်းရေးမှူးချုပ်
မစ္စတာ ဘန်ကီမွန်းက ဒီကနေ့ ပြောကြားလိုက်ပါတယ်။
ရခိုင်ဒီမိုကရေစီ အဖွဲ့ချုပ် အတွင်းရေးမှူး ဦးအေးသာအောင်၊ ၈၈
မျိုးဆက်ကျောင်းသားများအဖွဲ့က ကိုကိုကြီး၊ ငြိမ်းဖေါင်ဒေးရှင်းက ဒေါက်တာ
ဇဘွဲဂျုံ၊ အမျိုးသား ဒီမိုကရေစီ အင်အားစုပါတီ ခေါင်းဆောင်
ဦးခင်မောင်ဆွေနဲ့ ရှမ်းအမျိုးသားများ ဒီမိုကရေစီအဖွဲ့ချုပ်က
ဦးစိုင်းစောအောင်တို့ အပါအဝင် အခြား NGO ကိုယ်စားလှယ်တချို့နဲ့
ရန်ကုန်မြို့ ဆီဒိုးနားဟော်တယ်မှာ ဒီနေ့ နေ့လည်ပိုင်းက တွေ့ဆုံတဲ့အခါ
ပြောသွားတာပါ။
ဒီတွေ့ဆုံပွဲမှာပြောဆိုကြတာတွေနဲ့ပတ်သက်လို့ ဦးအေးသာအောင်က အခုလိုပြောပြပါတယ်။
ကျွန်တော်က ပြည်တွင်းစစ်ရပ်စဲဖို့၊ ပြည်တွင်းငြိမ်းချမ်းရေးကို
ဖော်ဆောင်ဖို့ ကြိုးပန်းတဲ့ နေရာမှာ တိုင်းရင်းသားများပြောနေတဲ့
ကိုယ်ပိုင်ပြဌာန်းခွင့်၊ ဖယ်ဒရယ်ပြည်ထောင်စု ဒါတွေကို ဖော်ဆောင်မှသာလျှင်
ထာဝရ ငြိမ်းချမ်းရေးကို ရနိုင်မယ် ဆိုတဲ့ အကြောင်း ပြောပါတယ်။ သူတို့ကတော့
အခု ဆောင်ရွက်နေတဲ့ ကိစ္စတွေကို တဖြေးဖြေး ဆောင်ရွက် သွားရမယ်၊ ပြီးတော့
ပါလီမန်အတွင်းကလည်းပဲ ဆွေးနွေးပြီးတော့ တဖြေးဖြေး ဆောင်ရွက်သွားဖို့
လိုတယ်ဆိုတဲ့ အကြောင်း ပြောပါတယ်။
၈၈ မျိုးဆက်ကျောင်းသားများ အဖွဲ့က မစ္စတာဘန်ကီမွန်းကို ပြောလိုက်တဲ့ တိုက်တွန်းချက်ကိုလည်း ကိုကိုကြီးက အခုလိုပြောပါတယ်။
လွှတ်တော် အခင်းအကျင်းနဲ့ ဒေါ်အောင်ဆန်းစုကြည် ရွေးကောက်ပွဲ ၀င်ခြင်းကို
ကျွန်တော်တို့ ထောက်ခံတယ်။ ဆိုလိုတာက လွှတ်တော် နိုင်ငံရေးကို ကျွန်တော်တို့
ပူးပေါင်းဆောင်ရွက်ဖို့ အဆင်သင့် ရှိတယ်။ ဒါပေမယ့် ကျွန်တော်တို့
ကိုယ်တိုင် မ၀င်တာက လွှတ်တော်ပြင်ပမှာ ဒီအရေးပါတဲ့ ဆောင်ရွက်စရာတွေ
အများကြီး ရှိတယ်လို့ ကျွန်တော်တို့ ယုံကြည်တဲ့အတွက်ကြောင့်မို့လို့
ကျွန်တော်တို့ ၈၈ မျိုးဆက်ကျောင်းသားတွေ အနေနဲ့ ဆောင်ရွက်နေတယ်
ဆိုတဲ့အကြောင်း၊ မြန်မာနိုင်ငံမှာ အရပ်ဖက် လူ့အဖွဲ့အစည်းတွေ
အားကောင်းဖို့လည်း မစ္စတာ ဘန်ကီမွန်းနဲ့ နိုင်ငံတကာ အဖွဲ့အစည်းကနေ
ဝိုင်းဝန်း ကြိုးပန်းကြဖို့၊ ကျန်ရှိနေသေးတဲ့ နိုင်ငံရေး အကျဉ်းသားတွေကို
ပြန်လွှတ်ရေး ကြိုးပန်းဖို့ ပြောခဲ့ပါတယ်။
မြန်မာနိုင်ငံဟာ တောင်ကိုရီးယားနိုင်ငံထက် သဘာဝအရင်းအမြစ်နဲ့
လူ့အရင်းအမြစ် ပိုမိုများပြားတဲ့ နိုင်ငံဖြစ်လို့ ခေါင်းဆောင်မှု ကောင်းရင်
အချိန်တိုတိုမှာ ဖွံ့ဖြိုးတိုးတက် လာလိမ့်မယ်လို့ မစ္စတာ ဘန်ကီမွန်းက
ပြောသွားတယ်လို့လည်း သိရပါတယ်။
ရင်းနှီးမြှုပ်နှံမှုနဲ့ ဖွံ့ဖြိုးရေး အကူအညီပေးဖို့ ဘန် တိုက်တွန်း
ရင်းနှီးမြှုပ်နှံမှုနဲ့ ဖွံ့ဖြိုးရေး အကူအညီပေးဖို့ ဘန် တိုက်တွန်း
မြန်မာနိုင်ငံမှာ ရောက်ရှိနေတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်းဟာ
မနေ့က တနင်္လာနေ့တုန်းက လွှတ်တော်မှာ မိန့်ခွန်းပြောခဲ့ပြီး ဒါဟာ
ပြည်ပကလာတဲ့ ခေါင်းဆောင်တယောက် မြန်မာ လွှတ်တော်မှာ ပထမဆုံး အကြိမ်
မိန့်ခွန်း ပြောတာလဲ ဖြစ်ပါတယ်။
မြန်မာ နိုင်ငံမှာ တကယ့် အမျိုးသား ရင်ကြားစေ့ရေး အစစ်အမှန်
ပေါ်ပေါက်ဖို့ ဒီထက်ပိုတိုးပြီး လုပ်ဆောင်သွားဖို့ လိုတယ် ၊ အဲလို
လုပ်ဆောင်ဖို့ အခက်အခဲတွေ အများကြီး ရှိတဲ့ အဲဒီ အထဲမှာ
အကြောင်းအမျိုးမျိုးကြောင့် နေရင်းကို စွန့်ခွာ ထွက်ပြေး နေရသူတွေကို
ပြန်လည် နေရာချထားပေးဖို့ ၊ နိုင်ငံရေး ပါတီတွေနဲ့ တိုင်းရင်းသား
လူမျိုးတွေရဲ့ ဘဝ လုံခြုံမှု ရှိစေဖို့ ၊ နိုင်ငံရေး အကျဉ်းသားတွေ အားလုံး
ပြန်လွှတ်ပေးဖို့ ကိစ္စတွေ ပါဝင်တယ်လို့ မစ္စတာဘန်ကီမွန်းက ပြောပါတယ်။
နိုင်ငံတကာ အသိုင်းအဝိုင်းကိုလည်း မြန်မာ အပေါ် ထားရှိတဲ့ ပိတ်ဆို့
အရေးယူမှုတွေ ကုန်သွယ်ရေး တားမြစ်ချက်တွေကို လျော့ပေါ့တာ ၊ ဆိုင်းငံ့တာ ၊
ရုတ်သိမ်းတာတို့ အမြန်လုပ်ပေးဖို့ သူက တိုက်တွန်း လိုက်ပါတယ်။
ဒါ့အပြင် မြန်မာနိုင်ငံမှာ တိုက်ရိုက် နိုင်ငံခြား
ရင်းနှီးမြှုပ်နှံမှုတွေနဲ့ အတူ ဖွံ့ဖြိုးတိုးတက်ရေး အကူအညီတွေ
တိုးမြှင့်ပေးဖို့ တကယ့်ကို လိုအပ်နေတာပါလို့ မစ္စတာဘန်က ဆိုသွားခဲ့ပါတယ်။
အဲဒီနောက် ရှမ်းပြည်အရှေ့ပိုင်းက ဘိန်းစိုက်ခင်း ဖျက်ဆီးရေး ကုလသမဂ္ဂရဲ့
စီမံကိန်း တခုကို မစ္စတာဘန် သွားရောက် ကြည့်ရှု ခဲ့တယ်လို့ သိရပြီး ဒီနေ့
အင်္ဂါနေ့မှာ သူဟာ မြန်မာ့ ဒီမိုကရေစီ ခေါင်းဆောင် လည်းဖြစ် အမျိုးသား
ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်နဲ့ တွေ့ဆုံမှာ ဖြစ်ပါတယ်။
မြန်မာ့ဆင်းရဲမှုလျှော့ချရေး အီးယူ ပါဝင်ဆောင်ရွက်လို
မြန်မာ့ဆင်းရဲမှုလျှော့ချရေး အီးယူ ပါဝင်ဆောင်ရွက်လို
by ကိုထွေး
မြန်မာနိုင်ငံမှာ အီးယူ ဥရောပသမဂ္ဂရုံးခွဲဖွင့်ဖို့ ရောက်ရှိလာတဲ့
အီးယူရဲ့ နိုင်ငံခြားရေးမူဝါဒဆိုင်ရာ အကြီးအကဲ ကတ်သရင်းအက်ရ်ှတန်က
သူ့ရဲ့ မြန်မာနိုင်ငံခရီးစဉ်ကို ကျေနပ်အားရကြောင်းနဲ့
မြန်မာသမ္မတရဲ့ ဆင်းရဲမှု လျှော့ချရေး လုပ်ငန်းမှာ အီးယူက
ပါဝင်ဆောင်ရွက်လိုတယ်လို့ ခရီးအစဉ်အပြီး ထုတ်ပြန်ကြေညာလိုက်ပါတယ်။
အီးယူရဲ့ နိုင်ငံခြားရေးမူဝါဒဆိုင်ရာ အကြီးအကဲ ကတ်သရင်းအက်ရ်ှတန်က
ပြီးခဲ့တဲ့ ရက်ပိုင်းအတွင်း သွားရောက်ခဲ့တဲ့
သူ့ရဲ့မြန်မာပြည်ခရီးစဉ်နဲ့ ပတ်သက်ပြီး ထုတ်ပြန်တဲ့ ကြေညာချက်မှာ
ခုလို ဖော်ပြထားတာပါ။
ဒီခရီးစဉ်မှာ မြန်မာပြည်အနာဂတ်အရေးနဲ့ ပတ်သက်ပြီး သမ္မတနဲ့ရော
အစိုးရ အဆင့်မြင့်ဝန်ကြီးတွေနဲ့ပါ
တွေ့ဆုံဆွေးနွေးခဲ့တဲ့အကြောင်း၊ သမ္မတ ဦးသိန်းစိန်ဟာ လာမယ့် ၂
နှစ်တာ ကာလအတွင်း ကုလသမဂ္ဂရဲ့ ထောင်စုနှစ်ဖွံ့ဖြိုးရေး
ရည်မှန်းချက်နဲ့ အညီ မြန်မာနိုင်ငံမှာ ဆင်းရဲမှုလျှော့ချဖို့
ရည်မှန်းချက်ဆန္ဒ ပြင်းပြနေတဲ့အကြောင်းနဲ့ မြန်မာသမ္မတရဲ့
ကြိုးပမ်းမှုမှာ အီးယူအနေနဲ့ တစိတ်တပိုင်း ပါဝင်လိုတယ်လို့ ကတ်သရင်း
အက်ရ်ှတန်က ပြောပါတယ်။
သမ္မတ ဦးသိန်းစိန်နဲ့ တွေ့ဆုံရာမှာ ပညာရေး၊ ကျန်းမာရေးနဲ့
စီးပွားရေးရဲ့ ကျောရိုးဖြစ်တဲ့ အသေးစား စီးပွားရေး
လုပ်ငန်းတွေ တိုးတက်လာအောင်လုပ်ဖို့ လိုအပ်တဲ့အကြောင်း
ပြောဆိုဆွေးနွေးသလို ဥရောပ ကုမ္ပဏီတွေ ရင်းနှီးမြှုပ်နှံဖို့
အခွင့်အရေး ရအောင်လည်း ဆွေးနွေးတယ်လို့ အီးယူရဲ့
ထုတ်ပြန်ချက်မှာ ဖော်ပြပါတယ်။
ဒါ့အပြင် အီးယူက မြန်မာနိုင်ငံ ဖွံ့ဖြိုးတိုးတက်ရေး
ရန်ပုံငွေအဖြစ် ၂၀၁၂-၁၃ ကာလအတွက် ယူရို သန်း ၁၅၀ ပေးခဲ့တယ်လို့
ဆိုပါတယ်။
အက်ရ်ှတန်ဟာ ခရီးစဉ်အတွင်းမှာ အစိုးရထိပ်ပိုင်းခေါင်းဆောင်တွေနဲ့
လွှတ်တော်အကြီးအကဲတွေအပြင် ဒေါ်အောင်ဆန်းစုကြည်နဲ့လည်း
တွေ့ဆုံခဲ့ပါတယ်။ လွှတ်တော် အကြီးအကဲတွေက အခြေခံဥပဒေ
ပြောင်းလဲရေး အပါအဝင် နေရာ အတော်များများမှာ
ဒေါ်အောင်ဆန်းစုကြည်နဲ့ အတူ အလုပ်တွဲလုပ်ချင်တယ်လို့ သူ့ကို
ပြောဆိုခဲ့တယ်လို့လည်း အီးယူ သံတမန်က ဆိုပါတယ်။
အီးယူအဖွဲ့ဟာ မြန်မာအစိုးရနဲ့ တွေ့ဆုံရာမှာ စီးပွားရေး
ဖွံ့ဖြိုးရေးကိစ္စတွေ အပြင် လူ့အခွင့်အရေးကိစ္စနဲ့
နိုင်ငံရေးအကျဉ်းသားတွေ ကိစ္စတွေလည်း ဆွေးနွေးခဲ့တဲ့အကြောင်း
မြန်မာသမ္မတက လွှတ်ပေးသင့်သူတွေကို ကြည့်ပြီးတော့
လွှတ်ပေးသွားမယ်လို့ ပြောဆိုခဲ့ပါတယ်လို့ ဆိုပါတယ်။ အီးယူဘက်ကတော့
သူတို့တွေက လွှတ်ဖို့သက်သက် မဟုတ်ဘဲ နိုင်ငံရေးအကျဉ်းသားတွေကို
ပြန်လည် ထူထောင်ပေးရေး လုပ်ငန်းတွေမှာ ထောက်ခံဖို့
တိုက်တွန်းခဲ့တယ်လို့ဆိုပါတယ်။
ပြည်ပအခြေစိုက် မြန်မာနိုင်ငံဒီမိုကရက်တစ်အင်အားစု နိုင်ငံခြားရေးရာ
တွဲဖက်အတွင်းရေးမှူး ဦးစိုးအောင်က အီးယူနဲ့ မြန်မာ ဆက်ဆံရေး
ပြောင်းလဲလာတာနဲ့ ပတ်သက်ပြီးတော့ သူ့ရဲ့အမြင်ကို အခုလို
သုံးသပ်ပြောကြား သွားပါတယ်။
“အီးယူကနေ စီးပွားရေးအရ ရင်းနှီးမြှုပ်နှံမယ့် ကုမ္ပဏီတွေ
အလုံးအရင်းနဲ့ ဝင်လာဖို့ရှိတယ်။ ဆိုလိုချင်တာက စီးပွားရေး
အကျပ်အတည်းကလည်း ဖြစ်နေတယ်မလား။ လက်ရှိ မြန်မာနိုင်ငံမှာက
စီးပွားရေးအရ ရင်းနှီးမြှုပ်နှံတဲ့ နေရာမှာ ဒေသခံ ပြည်သူတွေ၊
သဘာဝပတ်ဝန်းကျင် ထိန်းသိမ်းရေးနဲ့ ပတ်သက်တဲ့ ထားရှိရမယ့်
စံချိန်စံနှုန်းတွေ အဲ့ဒါတွေက ဘာမှမရှိသေးဘူး။ ပိတ်ဆို့ဒဏ်ခတ်တာ
ရပ်ဆိုင်းတဲ့အတွက်ကြောင့် စီးပွားရေးရင်းနှီးမြှုပ်နှံမှုတွေက
အလုံးအရင်းနဲ့ ဝင်လာကြမယ်ဆိုရင် နိုင်ငံတကာကနေ လိုက်နာကျင့်သုံးတဲ့
စီးပွားရေး စံချိန်စံနှုန်းတွေကို သေသေချာချာ မချမှတ်နိုင်ဘူးဆိုရင်
ဒီလို ရင်းနှီးမြှုပ်နှံမှုတွေကြောင့် ဒေသခံပြည်သူတွေအပေါ်မှာ
ကောင်းကျိုးထက် ဆိုးကျိုးကို ပိုပြီး သက်ရောက်လာစေမှာတွေ
အများကြီး မြင်နေရတာ တွေ့ရတယ်။ ဒါတွေကြောင့် စိုးရိမ်ပူပန်မိတယ်။”
ရွှေတြိဂံ၌ နာမည်ကြီးစိုင်းနော်ခမ်း လာအိုအာဏာပိုင်များလက်၌ ရှိနေသေး
ရွှေတြိဂံ၌ နာမည်ကြီးစိုင်းနော်ခမ်း လာအိုအာဏာပိုင်များလက်၌ ရှိနေသေး
လာအို(လောဝ်)အာဏာပိုင်များ ဖမ်းဆီးရမိသော ရွှေ တြိဂံဒေသ၌
လက်နက်ကိုင်လှုပ်ရှားနေသည့် နော်ခမ်းအား မည်သည့်
နိုင်ငံထံအပ်နှံသေးခြင်းမရှိသေးဘဲ လာအိုနိုင်ငံ၌ ရှိနေသေးကြောင်း
နယ်စပ်သတင်းရပ်ကွက်ကဆိုပါသည်။
“တရုတ်အစိုးရက ၂၉ မှု၊ မြန်မာအစိုးရက ၁၅ မှု နဲ့လာအိုအစိုးရက ၇ မှုလေ၊
သူ့ကိုအလိုရှိတဲ့ နိုင်ငံတွေဘဲ။ အဲဒါကြောင့် လာအိုအစိုးရကလဲ
သူ့အမှုဖွင့်ထားတယ်။ သူ့ကို ဒီ ၃ နိုင်ငံက အပါအဝင် ထိုင်းကလဲ လိုချင်နေတယ်”
ဟု နယ်စပ်နေ ကုန်သည်တဦးကပြောသည်။
ထိုင်းနိုင်ငံ ဒုတိယဝန်ကြီးချုပ် ချလိန်ယူဘမ်းရုန်းမှ မူးယစ်ရာဇာ၂၅
ဦးဖမ်းဆီးရမိရေးအတွက် ဆုတော်ငွေ ဘတ် ၁၂ သန်း ပေးမည်ဟု ထုတ်ပြန်ထားပြီး
တပတ်မပြည့်မှီ ဘတ်ငွေနှစ်သန်းဖြင့် ကြေညာခံထားရသည့် စိုင်းနော်ခမ်းအား
ပထမဦးဆုံး လူအဖြစ် လာအိုနိုင်ငံ ဘော်ကျောဝ်ခရိုင် တွန့်ဖင့်မြို့နယ်
ဘန့်မွမ်းရွာအနီး သျှမ်းပြည်ဘက်ခြမ်းမှ လာအိုနိုင်ငံ (လောဝ်)ဘက်အကူး ၌ ယခုလ
၂၅ ရက်နေ့က ဖမ်းဆီးရသည်ဟုဆိုသည်။
“ သူတို့အဖမ်းခံရတဲ့ ၈ ဦးထဲမှာ တောဝ့်မိုင်ငင်း ဆိုသူ သူဌေးတဦးလဲ ပါတယ်။
မဲခေါင်မြစ်မှာ ပူးတွဲလုံခြုံရေးယူထားတဲ့ တရုတ် ရဲတပ်ဖွဲ့၊ မြန်မာ ၊ လောဝ်
အဖွဲ့က စိုင်းနော်ခမ်းနောက်ကို ၆ လ ကျော်ကြာ နောက်ယောင်ခံလိုက်ရာကနေ
လာအိုနိုင်ငံ ဘန့်မွမ်းရွာ တွန့်ဖင့်မြို့နယ် ဘော်ကျောဝ်ခရိုင်မှာ
ပြီးခဲ့တဲ့လ ၂၅ ရက်နေ့ညပိုင်းက ဖမ်းဆီးမိတာ” ဟု တာချီလိတ်နေ
ကုန်သည်ကြီးတဦးကလည်းပြောသည်။
ထိုင်းအစိုးရစွပ်စွဲသည့် မူးယစ်ရာဇာ ၂၅ ဦး အနက် တဦးပါဝင်သည့်
ဒီကေဘီအေခေါင်းဆောင် ဗိုလ်နှုတ်ခမ်းမွေးခေါ် စောလယ် ဘွယ်ကမူ ဧပြီ ၃၀ ရက်
နောက်ဆုံးထား၍ ဒီကေဘီအေအား သွားရောက်စစ်ဆေးရန် စွပ်စွဲသူ ထိုင်း ဒုတိယ
ဝန်ကြီးချုပ် ချလိန်ယူဘံရုန်းအားဖိတ်ခေါ်ထားသည်။ အထောက်အထားမတွေ့ရှိပါက
ထိုင်းဒုတိယ ဝန်ကြီးချုပ်က မိမိစကား မိမိတာဝန်ယူရမည်ဟု ဆို၏။
သို့သော် ယနေ့ မေ ၁ ရက် နေ့ထိ ထိုင်းအစိုးရမှ
တစုံတရာသွားရောက်စစ်ဆေးချင်းမရှိသည့်အတွက် တုန့်ပြန်သည့် အနေဖြင့်
ဒီကေဘီအေထိန်းချုပ်နေမြေ ရှိ ထိုင်းနယ်စပ် အဝင်အထွက် နယ်ခြားဂိတ်ငယ် ၁၂
ခုအား ပိတ်ပစ်ရန် DKBA မှ ညွှန်ထားသည်ဟု ဆို၏။ ထို့အပြင် ၎င်းနယ်အတွင်း
ရောက်ရှိနေသည့် ထိုင်းလူမျိုးတို့၏ လုံခြုံရေးကိုလည်း တာဝန်ယူတော့ မည်
မဟုတ်ဟု တုန့်ပြန်လိုက်သည်ဟု ထိုင်းသတင်းစာတခုကရေးသားထားပါသည်။
မူးယစ်ဆေးဝါးမှု ထိုင်းစွပ်စွဲချက် ဗိုလ်ချုပ်နှုတ်ခမ်းမွေး ပယ်ချ
မူးယစ်ဆေးဝါးမှု ထိုင်းစွပ်စွဲချက် ဗိုလ်ချုပ်နှုတ်ခမ်းမွေး ပယ်ချ
by နော်နိုရင်း
မူးယစ်ဆေးဝါးမှုနဲ့ ထိုင်းနိုင်ငံက ဆုငွေထုတ်ထားခြင်းခံရတဲ့
ဒီကေဘီအေ ခေါင်းဆောင် ဗိုလ်ချုပ်နှုတ်ခမ်းမွေး
(ဗိုလ်ချုပ်စောလားဘွယ်) က ထိုင်းနိုင်ငံရဲ့ စွပ်စွဲချက်တွေကို
သတင်းစာရှင်းလင်းပွဲ လုပ်ပြီး ပယ်ချလိုက်ပါတယ်။
တိုးတက်သောဗုဒ္ဓဘာသာကရင်အမျိုးသားတပ်မတော် ဒီကေဘီအေ ကလိုထူးဘော
စစ်ဌာနချုပ် ကော်သူးမွဲခီးမှာ ဒီနေ့ပြုလုပ်တဲ့
သတင်းစာရှင်းလင်းပွဲမှာ ပြောဆိုလိုက်တာပါ။
မူးယစ်ဆေးဝါးကို ကိုယ်တိုင်ရောင်းဝယ်ဖောက်ကားတာ၊ ထုတ်လုပ်တာ
မရှိသလို တစုံတယောက်ကိုလည်း ထုတ်လုပ်ရောင်းချဖို့ ညွှန်ကြားထားတာ
မရှိဘူးလို့ ဒီကေဘီအေခေါင်းဆောင် ဗိုလ်ချုပ်နှုတ်ခမ်းမွေးက
ပြောဆိုလိုက်ပါတယ်။
ဒီကေဘီအေရဲ့ စစ်ဦးချုပ်အပေါ် ထိုင်းအစိုးရရဲ့ စွပ်စွဲချက်ဟာ
ပုဂ္ဂိုလ်ရေး ဂုဏ်သိက္ခာသာမက ဒီကေဘီအေတပ်ဖွဲ့တဖွဲ့လုံးကိုရော
မြန်မာနိုင်ငံရဲ့ ဂုဏ်သိက္ခာကိုပါ ကျဆင်းစေတဲ့အတွက် အခုလို
သတင်းစာရှင်းလင်းပွဲပြုလုပ်တာလို့ ကလိုထူးဘော ကရင်အစည်းအရုံးရဲ့
အတွင်းရေးမှူး စောဂုဏ်အောင်က ပြောပါတယ်။
“ဗိုလ်ချုပ်စောလားဘွယ်အနေနဲ့ မူးယစ်ဆေးဝါးကိစ္စကို တခါမှ
မလုပ်ခဲ့ဘူး၊ ကိုယ်တိုင်လည်း ထုတ်လုပ်မှု၊ ရောင်းဝယ်ဖောက်ကားမှု
မပြုလုပ်ခဲ့သလို တစုံတယောက်ကိုလည်း ရောင်းဝယ်ဖောက်ကားဖို့၊
ထုတ်လုပ်ဖို့ ညွှန်ကြားခဲ့ခြင်း မရှိခဲ့ကြောင်း၊ အဲဒီအပေါ်မှာ
သက်သေအထောက်အထား တခုခုနဲ့ ပြနိုင်ခဲ့ရင် နိုင်ငံတကာခုံရုံးမှာ
ကိုယ်တိုင်အစစ်ခံပြီး အပြစ်ပေးတာကို ခံယူမယ်ဆိုပြီး
ပြောကြားသွားပါတယ်။ အဲဒီအတွက် သူ့ရဲ့ဂုဏ်သိက္ခာအတွက်သာမက
ကလိုထူးဖော်ရဲ့ ဂုဏ်သိက္ခာ၊ ကလိုထူးဖော ကရင့်အစည်းအရုံးရဲ့
ဂုဏ်သိက္ခာ၊ ကရင်အမျိုးသားတွေရဲ့ ဂုဏ်သိက္ခာနဲ့ မြန်မာနိုင်ငံရဲ့
ဂုဏ်သိက္ခာကိုလည်း လျစ်လျူရှုရာရောက်ကြောင်း ပြောတာပါ။”
မူးယစ်ဆေးဝါးနဲ့ ပတ်သက်ဆက်နွှယ်နေတယ်ဆိုတဲ့ သက်သေ အထောက်အထား
တခုခုပြနိုင်ရင် နိုင်ငံတကာခုံရုံးမှာ ကိုယ်တိုင်အစစ်ခံပြီး
အပြစ်ပေးခြင်းကို ခံယူမယ်လို့ ဗိုလ်ချုပ်နှုတ်ခမ်းမွေးက
ပြောဆိုခဲ့တယ်လို့ ဆိုပါတယ်။
ဗိုလ်ချုပ်နှုတ်ခမ်းမွေးဟာ ထိုင်းနိုင်ငံက အလိုရှိနေတဲ့ မူးယစ်ရာဇာ
၂၅ ဦးထဲမှာ တဦးဖြစ်ပြီး သူ့ကိုဖမ်းမိရင် ဆုငွေ
ဘတ်တသန်းပေးမယ်လို့ ထိုင်းနိုင်ငံ မူးယစ်ဆေးဝါး
ထိန်းချုပ်ရေးဘုတ်အဖွဲ့ (ONCB) က ဧပြီ ၂၀ ရက်မှာ ထုတ်ပြန်ခဲ့ပါတယ်။
သူ့ကို ဖမ်းဆီးဖို့ ဆုငွေထုတ်အပြီးမှာ သံသယရှိတဲ့ ဘယ်နေရာမဆို
လာရောက်ကြည့်ရှုဖို့ ထိုင်းအစိုးရကို ဒီကေဘီအေက ဖိတ်ခေါ်ခဲ့ပြီး
ထိုင်းအစိုးရက တရားဝင် လာရောက် စစ်ဆေးမှုမရှိတဲ့အတွက် ဒီနေ့
သတင်းစာရှင်းလင်းပွဲ လုပ်ခဲ့တာလို့လည်း ဒီကေဘီအေက ပြောပါတယ်။
ဗိုလ်မှူးချုပ် စောလဘွယ် သတင်းစာရှင်းလင်း
ဗိုလ်မှူးချုပ် စောလဘွယ် သတင်းစာရှင်းလင်း
မူးယစ်ရာဇာ အဖြစ် မိမိအပေါ် စွပ်စွဲချက်တွေကို သက်သေပြနိုင်မယ်ဆိုရင်
ပေးတဲ့ ပစ်ဒဏ်ကို ရဲဝင့်စွာ ခံယူမှာဖြစ်တယ်လို့ ကလိုထူးဖေါ အဖွဲ့
ခေါင်းဆောင်ဖြစ်တဲ့ ဗိုလ်မှူးချုပ် စောလဘွယ်ခေါ် ဗိုလ်နှုတ်ခမ်းမွှေး က ဒီကနေ့
ကြေညာချက် ထုတ်ပြန်လိုက်ပါတယ်။
ဗိုလ်မှူးချုပ်စောလဘွယ်ကို ဧပြီလ ၂၀ရက်နေ့က ထိုင်းအစိုးရက
မူးယစ်ရာဇာအဖြစ် စွတ်စွဲပြီး ဆုငွေ ထုတ်ပြန်ထားခဲ့ပါတယ်။ ဒီကိစ္စနဲ့
ပတ်သက်ပြီး သတင်းစာ ရှင်းလင်းပွဲကို ဒီကနေ့ မနက်ပိုင်းက ကလိုထူးဖေါ
စစ်ဌာနချုပ်ရှိရာ ထိုင်းမြန်မာ နယ်စပ် ကရင်ပြည်နယ် ကော်သုံးဘွယ်ခီး ဒေသမှာ
ပြုလုပ်ပါတယ်။ သတင်းစာရှင်းပွဲနဲ့ ပတ်သက်ပြီး ကလိုထူးဖေါ ကရင်အမျိုးသား
အစည်းအရုံး အတွင်းရေးမှူး စောဂုဏ်အောင်က ပြောပါတယ်။
၃၀ ရက်နေ့ နောက်ဆုံးထားပြီးတော့ ကျွန်တော်တို့ဆမှာ လာပြီးတော့
ရှာဖွေလို့ ရတယ်။ ၃၀ ရက်နေ့ မှာ မလာတဲ့အတွက်ကြောင့် ကျွန်တော်တို့က သတင်းစာ
ရှင်းလင်းပွဲလုပ်တာ။ ဗိုလ်ချုပ်စောလဘွယ်က ဒီမူးယစ်ဆေးဝါးရောင်းဝယ်တဲ့ဟာကို
သူကိုယ်တိုင်လည်း မလုပ်ဖူးဘူး။ သူများကိုလည်း ညွှန်ကြားချက်
တစုံတရာမရှိဘူး။ အဲလို ငြင်းလိုက်ပါတယ်။ တကယ်လို့ စွတ်စွဲတဲ့ဘက်က
စွပ်စွဲချက်တွေကို သက်သေအထောက်အထား အခိုင်အမာနဲ့ ပြနိုင်မယ်ဆိုရင်
နိုင်ငံတကာ ခုံရုံးမှာ တက်ပြီးတော့ တရားရင်ဆိုင်မယ်။ ပေးတဲ့ အပစ်ဒဏ်ကို
ခံယူမယ်လို့ သူက အဲဒီလို ကြေညာခဲ့ပါတယ်။
သတင်းစာရှင်းပွဲ ပြုလုပ်မယ်ဆိုတဲ့ သတင်းထွက်ပေါ်နေတာကြောင့်
ထိုင်းနိုင်ငံဘက်ကနေ မြန်မာပြည်ဘက်ကို ကူးသန်းတဲ့ လမ်းကို ထိုင်းစစ်တပ်က
ဒီကနေ့ ပိတ်ထားတာကြောင့် ထိုင်းနိုင်ငံသား သတင်းထောက် လေးဦးပဲ
လာရောက်နိုင်တယ်လို့ သိရပါတယ်။ မေလ ၁၀ရက်နေ့မှာလည်း မြန်မာပြည်တွင်း
သတင်းထောက်တွေနဲ့ အပြည်ပြည်ဆိုင်ရာ သတင်းထောက်တွေကို ဒုတိယအကြိမ်
သတင်းစာရှင်းပွဲ ပြုလုပ်ဖို့ စီစဉ်ထားတယ်လို့ ကလိုထူးဖေါ အဖွဲ့က ပြောပါတယ်။
ကမ္ဘာ့ အလုပ်သမားနေ့ အထိမ်းအမှတ်အခမ်းအနား ရန်ကုန်တိုင်း ဒေသကြီး သန်လျင်တွင်ကျင်းပ
ကမ္ဘာ့ အလုပ်သမားနေ့ အထိမ်းအမှတ်အခမ်းအနား ရန်ကုန်တိုင်း ဒေသကြီး သန်လျင်တွင်ကျင်းပ
၁၂၂ ကြိမ်မြောက် ကမ္ဘာ့အလုပ်သမားနေ့ဖြစ်သည့် ယနေ့မေလ ၁ ရက်နေ့တွင်
ကမ္ဘာ့အလုပ်သမားနေ့ အခမ်းအနားများကို ရန်ကုန်တိုင်းတွင် ၃ နေရာ
အနည်းဆုံးကျင်းပခဲ့ကြရာ ယင်းတို့အနက်မှ တခုဖြစ်သည့် သန်လျင်မြို့တွင်
အလုပ်သမားနှင့် လယ်သမားအရေး ဆောင်ရွက်သူ မစုစုနွေးဦးစီးကာ ပြုလုပ်ခဲ့သည်။
ယင်းအခမ်းအနားမှ ကြေညာချက် တစောင်ထုတ်ပြန်ရာတွင် “လူမဆန်သည့်
ဖိနှိပ်ခေါင်းပုံဖြတ်မှုများအောက်တွင် တနေ့ (၁၄) နာရီခန့်ပင်ပန်း၊
အန္တရာယ်များစွာ လုပ်ကိုင်နေရသည့်တိုင် ၀မ်းမ၀နိုင်ပဲ ဒုက္ခ သောက
ခံစားနေရသည့် လယ်ယာ လုပ်သားများ အပါအ၀င်ဖြစ်သော အလုပ်သမားတို့၏ ဘ၀”
ဟုဖေါ်ပြပါရှိသည်။
ယခင်က ကမ္ဘာ့အလုပ်သမားနေ့ (မေဒေးနေ့) အခမ်းအနားကို လွတ်လွတ်လပ်လပ်
ကျင်းပခွင့်မရှိခဲ့ပဲ အစိုးရသစ်တက်လာသည့်နောက် အလုပ်သမားသမဂ္ဂဖွဲ့စည်းခွင့်
ဥပဒေပြဋ္ဌာန်းပြီးသည့်နောက် ယခုနှစ် ပထမဆုံးအကြိမ် လွတ်လွတ်လပ်လပ်
ကျင်းပခွင့်ရခြင်းလည်းဖြစ်သည်။
ယင်းအခမ်းအနားမှ ကြေညာချက်တစောင်ထုတ်ပြန်ရာတွင် အလုပ်သမားအရေးနှင့်
ပတ်သက်၍ ယခုလက်ရှိ အစိုးရသို့ အချက် ၇ ချက်ကို ဆောင်ရွက်ပေးပါရန်
လေးနက်စွာမေတ္တာရပ်ခံ လိုက်သည်။
ယင်းတို့အနက်တွင် အရှေ့တောင်အာရှနိုင်ငံများထက် မနိမ့်သည့် အခြေခံ
လုပ်ခလစာ ပြဋ္ဌာန်း သတ်မှတ်ပေးရန်၊ လုပ်သက် ၆ လပြည့်သည့် လုပ်သားများအား
အမြဲတမ်း လခစားအလုပ်သမား ၀န်ထမ်းအဖြစ် မပျက်မကွက်ခန့်ထားရေး ၊ အလုပ်ချိန်
တနေ့ ၈ နာရီ သတ်မှတ်ပေးရေးနှင့် နိုင်ငံတကာ စံနှုန်းများနှင့် ညီသည့်
လုပ်အားခရရှိရေးတို့ပါဝင်သည်ကို တွေ့ရသည်။
သင့်တင့်သည့် လုပ်အားခရရှိရေးအတွက် ပြီးခဲ့သည့် ဖေဖေါ်ဝါရီလဆန်းက
ရန်ကုန်တိုင်း လှိုင်သာယာစက်မှုဇုန်ရှိ တိုင်ရီ ဖိနပ်စက်ရုံမှ အလုပ်သမား
ထောင်ကျော် ၃ ပတ်ကြာ ဆန္ဒပြခဲ့ကြရာ နောက်ဆုံး ၀ါဏိဇ္ဖပဋိပက္ခခုံရုံးသို့
ရောက်ရှိခဲ့သည်။
ယင်းအခမ်းအနားသို့ တက်ရောက်လာသူ ပရိသတ် ၁၅၀ ကျော်ရှိသည်ဟု တက်ရောက်ခဲ့သူတဦးက ပြောသည်။ ၊
မဲဆောက်ရောက် မြန်မာရွှေ့ပြောင်း အလုပ်သမားများ မေဒေးနေ့ ကျင်းပ
မဲဆောက်ရောက် မြန်မာရွှေ့ပြောင်း အလုပ်သမားများ မေဒေးနေ့ ကျင်းပ
ဒီကနေ့ ကျရောက်တဲ့ (၁၂၂) ကြိမ်မြောက် ကမ္ဘာ့အလုပ်သမားနေ့ မေဒေးနေ့
အခမ်းအနားကို တ့ာခ်ခရိုင် မဲဆောက်မြို့မှာ မြန်မာရွှေ့ပြောင်း အလုပ်သမား
(၂၀၀၀) လောက်ပါဝင် ပူးပေါင်းပြီး ကျင်းပခဲ့ပါတယ်။
ဒေသတွင်း အလုပ်သမားအရေး လုပ်ဆောင်နေတဲ့ အဖွဲ့အစည်းတွေ၊ ထိုင်းအစိုးရ
တာဝန်ရှိသူတွေ၊ လုပ်ငန်းရှင်နဲ့ အလုပ်သမား ကာကွယ်ရေးဌာနတို့ နဲ့
ပူးပေါင်းပြီး ကျင်းပခဲ့ပါတယ်။
အခမ်းအနား မစတင်ခင် မနက်စောစောပိုင်းမှာ အခမ်းအနား ပြုလုပ်မယ့်
ဆပ်ဖ၀ိထယားခုန်းမ် ထိုင်းစာသင်ကျောင်းရှိရာကို အလုပ်သမားအရေး လုပ်ဆောင်တဲ့
အဖွဲ့အစည်းက တာဝန်ရှိသူတွေနဲ့ မြန်မာရွှေ့ပြောင်း အလုပ်သမား စုစုပေါင်း
တစ်ထောင်နီးပါး လောက်က အလုပ်သမား အခွင့်အရေးနဲ့ ပတ်သက်တဲ့ လက်ကိုင်
ပိုစတာတွေ ကိုင်ဆောင်ပြီး မဲဆောက်မြို့ ရဲစခန်းကနေ လမ်းလျှောက်
ချီတက်ခဲ့ပါတယ်။
ချီတက်ရာမှာပါဝင်တဲ့ မြန်မာရွှေ့ပြောင်း အလုပ်သမားတဦးက အခုလို ပြောပါတယ်။
မေဒေးနေ့ဖြစ်တဲ့ အတွက်ကြောင့် ကျနော်တို့ (၈) နာရီအလုပ်လုပ်မယ်
(၈)နာရီပျော်မယ် (၈) နာရီနားမယ် ကျနော်တို့ ဒါမျိုး ဆောင်ပုဒ်လေးတွေလည်း
ပါတယ်။ ကျနော်တို့ အလုပ်သမားတွေလည်း အတွေ့အကြုံ ရအောင် နောက် မေဒေးနေ့မှာ
ကျနော်တို့ အလုပ်သမား စက်ရုံပေါင်းစုံက ပါဝင် ဆင်နွှဲတဲ့အတွက်ကြောင့်
ကျနော်တို့ အရမ်းဝမ်းသာတယ်။
မေဒေးနေ့ အခမ်းအနားကို တာ့ခ်ခရိုင်မှူး နိုင်စုရိယ က အဖွင့်အမှာ
စကားပြောကြားပြီး မဲဆောက်မြို့နယ် အုပ်ချုပ်ရေးမှူး၊
စက်မှုလုပ်ငန်းရှင်ကြီးများ အသင်းဥက္ကဌနဲ့ အစိုးရဌာနဆိုင်ရာ
ပုဂ္ဂိုလ်တွေလည်း တက်ရောက်ခဲ့ပါတယ်။
အလားတူ မေးဒေးနေ့ အခမ်းအနားကို ရွှေ့ပြောင်း အလုပ်သမားအရေး
လုပ်ဆောင်နေတဲ့ အဖွဲ့ (၁၃) ဖွဲ့ပါဝင်တဲ့ Migrant CBO Network group က
ဦးဆောင်ပြီး မဲဆောက်မြို့ ယူဂျီယာ ခမ်းမမှာလည်း ပြုလုပ်ခဲ့ပါတယ်။
အဲဒီအခမ်းအနားမှာ ရောင်ခြည်ဦး အလုပ်သမားများအဖွဲ့ရဲ့ ရုံးအဖွဲ့မှူး
ကိုမျိုးဇော်က မဲဆောက်ရှိ အလုပ်သမားတွေရဲ့ လုပ်ငန်းခွင်အတွင်း
လုပ်ကိုင်နေရတဲ့ အခြေအနေ အခက်အခဲတွေ၊ လုပ်ခလစာနဲ့ အလုပ်ပိတ်ရက်၊
အပြည့်အ၀မရတာတွေ ကျန်းမာရေးစောင့်ရှောက်မှု စတဲ့ အလုပ်သမား အခွင့်အရေး
ဆုံးရှုံးမှုတွေကို တင်ပြသွားပါတယ်။ ဒါ့အပြင်သူဆက်ပြောတာက-
ဒီအခြေအနေတွေ က ဒီမေဒေးနေ့ ဖြစ်ပေါ်လာတဲ့ လွန်ခဲ့တဲ့ (၁၂၂) နှစ်ကျော်က
အလုပ်သမားတွေ ခံစားရတဲ့ အခြေအနေနဲ့ အလားသဏ္ဍန် တူတယ်။ အဲဒီအခြေအနေတွေ
ဖြစ်နေတဲ့အခါကြတော့ ဒီနေ့တွေက အလုပ်သမားတွေ အခွင့်အရေး တိုက်ပွဲကို
ရအောင်လုပ်ခဲ့တဲ့နေ့ ဆိုတာကို သူတို့ သိစေချင် တယ်။ မေဒေးစိတ်ဓါတ်
ကိုယ့်အခွင့်အရေးကို တိုက်ရဲတဲ့ စိတ်ဓါတ်တွေ ပေါ်လာမယ်လို့ ယူဆတယ်၊
အဲဒါကြောင့်မို့လို ကျနော်တို့က ဒီမေဒေးနေ့ အခမ်းအနားကို နှစ်စဉ်
ကျင်းပရခြင်း ဖြစ်တယ်။
ထိုင်း-မြန်မာနယ်စပ် မဲဆောက်ဒေသတွင်းမှာ မြန်မာရွှေ့ပြောင်း အလုပ်သမား
၂-သိန်းခွဲကျော် ရှိပြီး အလုပ်သမား ငါးသောင်းခွဲလောက်သာ အလုပ်သမား
လက်မှတ်လုပ်နိုင်ပြီး ပတ်စပို့ လုပ်နိုင်သူ ၂ သောင်း ၀န်းကျင်လောက်သာ
ရှိသေးတယ်လို့ အလုပ်သမားအရေး လုပ်ဆောင်နေတဲ့ အဖွဲ့အစည်းတွေက
ပြောဆိုကြပါတယ်။
၈၈ ကျောင်းသားများအဖွဲ့ ပါတီနိုင်ငံရေး လုပ်ဖို့ အစီအစဉ် မရှိ
၈၈ ကျောင်းသားများအဖွဲ့ ပါတီနိုင်ငံရေး လုပ်ဖို့ အစီအစဉ် မရှိ
၈၈ မျိုးဆက် ကျောင်းသားများအဖွဲ့ အနေနဲ့ လောလောဆယ်မှာ ပါတီနိုင်ငံရေး
လုပ်ဖို့ အစီအစဉ် မရှိသေးဘဲ လွှတ်တော်ပြင်ပ နိုင်ငံရေးမှာ ပြည်သူတွေနဲ့
တသားထဲနေပြီး ဆက်လက် လှုပ်ရှားသွားမှာ ဖြစ်ကြောင်း ဒီကနေ့ ထုတ်ဖေါ်
ပြောကြားလိုက်ပါတယ်။
ငြိမ်းချမ်းရေးနဲ့ ပွင့်လင်း လူ့အဖွဲ့အစည်းတွေ ပေါ်ပေါက်ရေး အတွက်
သွားရောက်တဲ့ ရှမ်းပြည်နယ် ခရီးစဉ်အတွင်း ရပ်စောက်မြို့ကို
ရောက်ရှိချိန်မှာ ဒေသခံပြည်သူတွေရဲ့ မေးခွန်းတွေကို ဖြေကြားခဲ့ကြောင်း ၈၈
မျိုးဆက် ကျောင်းသားများအဖွဲ့ဝင် ကိုအံ့ဘွယ်ကျော်က ပြောပါတယ်။
အခုလက်ရှိ နိုင်ငံရေး အခြေအနေမှာ ကျွန်တော်တို့ ၈၈ မျိုးဆက်အနေနဲ့ ပါတီ
ဖွဲ့ပြီးတော့ သွားမသွားဆိုတဲ့ ကိစ္စမျိုးတွေ၊ ဒီမိုကရေစီ
ပြုပြင်ပြောင်းလဲရေး အခြေအနေမှာ ပြည်သူလူထု အနေနဲ့ ဘယ်လို ကဏ္ဍမျိုးကနေ
ပါဝင်သင့်သလဲဆိုတဲ့ ကိစ္စမျိုးတွေ အဲဒီလို မေးခွန်းမျိုးတွေကို မေးကြတယ်ဗျာ။
ကျွန်တော်တို့ ၈၈ မျိုးဆက် ကျောင်းသားတွေအနေနဲ့ လောလောဆယ်မှာ ပါတီဖွဲ့ဖို့
အတွက် အခြေအနေ မရှိသေးဘူး ဆိုတဲ့ အကြောင်း၊ ပြီးတော့ လွှတ်တော်
နိုင်ငံရေးတခု ရှိနေသလိုပဲ ကျွန်တော်တို့က လွှတ်တော် ပြင်ပ နိုင်ငံရေးကို
ဆက်ပြီးတော့ လုပ်နေအုန်းမယ့် အဖွဲ့အစည်းတခု ဖြစ်တယ်ဆိုတဲ့ အကြောင်း
ဖြေကြားခဲ့ကြပါတယ်။
၈၈မျိုးဆက် ကျောင်းသားခေါင်းဆောင် (၈) ဦးဟာ ရပ်စောက်မြို့
မင်္ဂလာရန်အောင် စာသင်တိုက်မှာ ဒေသခံပြည်သူတွေ တောင်သူလယ်သမားနဲ့
ကျောင်းသားလူငယ်တွေကို တရင်းတနှီးတွေ့ဆုံ ဆွေးနွေးခဲ့ကြတယ်လို့ သိရပါတယ်။
မီဒီယာပွင့်လင်းလာတဲ့ ခေတ်မှာ ၀န်ကြီးများ အပြောအဆို ဆင်ခြင်သင့်
မီဒီယာပွင့်လင်းလာတဲ့ ခေတ်မှာ ၀န်ကြီးများ အပြောအဆို ဆင်ခြင်သင့်
မီဒီယာ ပွင့်လင်းလာတဲ့ ခေတ်ကြီးမှာ ၀န်ကြီးတွေ အနေနဲ့ အပြောအဆို
ဆင်ခြင်သင့်တယ်လို့ မြေပုံမြို့နယ် ပြည်သူ့ လွှတ်တော် အမတ် ဦးဖေသန်းက မနေ့က
နိရဉ္စရာကို ထုတ်ဖေါ် ပြောဆိုလိုက်သည်။
လယ်ယာစိုက်ပျိုးရေးနှင့် ဆည်မြောင်းဝန်ကြီးး ဦးမြှင့်လိူင် အနေဖြင့်
လွှတ်တော် ကိုယ်စားလှယ်များအား တရားဝင် တောင်းပန်မူ ပြုလုပ်ရခြင်းနှင့်
ပတ်သက်ပြီး မြေပုံ အမတ်ကို နိရဉ္စရာက ဆက်သွယ် မေးမြန်းစဉ် မြေပုံမြို့နယ်
ပြည်သူ့ လွှတ်တော် အမတ်က ယခုကဲ့သို့ ဝေဖန် ပြောကြားလိုက်ခြင်း ဖြစ်သည်။
ဒီလို မီဒီယာ ပွင့်လင်းလာတဲ့ ခေတ်မှာ ဒါမျိုးတွေ မဆင်မခြင် ပြောမိတဲ့
အတွက် ၀န်ကြီးတယောက်အနေနဲ့ လွှတ်တော်မှာ တောင်းပန်ရတယ်ဆိုတော့ သူ့အနေနဲ့
လည်း တော်တော့ကို ဂုဏ်သိက္ခာ ကျဆင်းပါတယ်။ သူ ခုလို ပြောဆိုမိတဲ့ အတွက်
ပြည်သူတွေအနေနဲ့လည်း လွှတ်တော်ကိုယ်စားလှယ်တွေကို အထင်သေးစရာ
ဖြစ်သွားခဲ့ရပါတယ်။ သူရဲ့ ဖြစ်ရပ်ကို ကြည့်ပြီး ၀န်ကြီးတွေ နောက်နောင်
အပြောအဆိုတွေ ဆင်ခြင်ကြလိမ့်မယ်လို့ မျှော်လင့်ပါတယ် ဟု သူက ပြောသည်။
၎င်းပြင်သူက " အဲဒီအပေါ်မှာ တခြား သူတွလည်း သင်္ခန်းစာယူပြီးတော့
ဒါမျိုးတွေကို ဆက်မလုပ်ကြဘူး ဆိုရင် ကျွန်တော်တို့ လွှတ်တော်နဲ့
ဝန်ကြီးတွေအကြား နောက်နောင်မှာ ဘာပြဿနာမှ ပေါ်ပေါက် လာမယ်လို့ မထင်ပါဘူး" ဟု
သူက ဆက်ပြောသည်။
လယ်ယာစိုက်ပျိုးရေးနဲ့ ဆည်မြောင်းဝန်ကြီးး ဦးမြှင့်လိူင်သည် Hot News
ဂျာနယ်နှင့် တွေ့ဆုံ မေးမြန်းခန်းတစ်ခုတွင် လွှတ်တော် အမတ်များသည် ပညာမတတ်၊
ဆယ်တန်းမအောင်၊ လွှတ်တော်တွင် ရမ်းလုပ်နေသည်ဟု ဆိုကာ ဝေဖန် ပြောဆိုခဲ့သည်ဟု
မတ်လ ၂၃ ရက်နေ့က ပြည်တွင်းထုတ် Hot News ဂျာနယ်တွင် ဖေါ်ပြခဲ့သည်။
ထိုကဲ့သို့ ပြောဆိုမူနှင့် ပတ်သက်ပြီး ပြည်သူ့
လွှတ်တော်ကိုယ်စားလှယ်များက လွှတ်တော်ကို စော်ကားသည်ဟု ဆိုကာ
မကျေမနပ်ဖြစ်ကြပြီး လွှတ်တော် အခွင့်အရေး ကော်မီတီကို တိုင်ကြားခဲ့သည်ဟု သူက
ပြောသည်။
လွှတ်တော် အခွင့်အရေးကော်မီတီက သူ့ကို ကုန်ခဲ့တဲ့လ ၂၇ ရက် နေ့က ခေါ်ပြီး
မေးမြန်းစစ်ဆေးပါတယ်။ အဲဒီမှာ ဦးမြင့်လှိုင်က ပြန်ပြောတာက သူပြောခဲ့တဲ့
အကြောင်းတွေဟာ တိုင်းပြည်အပေါ်မှာ စေတနာထားပြီးတော့ ပြောတာပါ။
လွှတ်တော်ကိုယ်စားလှယ်တွေကို စော်ကားတာ မဟုတ်ပါဘူး။ မီဒီယာက သူရဲ့ ရင်ထဲက
စေတနာထားတဲ့အပေါ်မှာ ယူဆချက်လွဲပြီးတော့ ဖေါ်ပြတဲ့ အမှားအယွင်း
အားနည်းချက်တွေကြောင့် ဒီလို ဖြစ်သွားတာပါ။ လွှတ်တော်နဲ့ လွှတ်တော်
ကိုယ်စားလှယ်တွေကို အလေးထားပါတယ်။ သူစော်ကားတဲ့ အချက်မပါပါဘူး။ ဒါဟာ
တယောက်နဲ့ တယောက် နားလည်မှုလွဲသွားတာပါလို့ ပြောပါတယ် ခင်ဗျား ဟု သူက
ပြောသည်။
ဝန်ကြီး ဦးမြင့်လိူင်က ယခုကဲ့သို့ ပြောဆိုမူ အပေါ် သင်ခန်းစာများစွာ
ရရှိပြီး လွှတ်တော်ကိုယ်စားလှယ်များကို ထိုင်ကန်တော့ပါဟု ဆိုလျှင်လည်း
ကန်တော့သွားမည် ဖြစ်ကြောင်း ပြောဆိုသည်ဟု သိရသည်။
အဲဒီလို ဖြစ်လာတဲ့ အတွက် သူအနေနဲ့ သင်္ခန်းစာလည်း ရပါတယ်။ ပညာလည်း
ရပါတယ်လို့ ပြောပါတယ်။ နောက်ဆုံး လွှတ်တော် အခွင့်အရေး ကော်မီတီက
ဒီလိုဆိုရင် ပြည်ထောင်စု လွှတ်တော်ကိုယ် စားလှယ်နဲ့ လွှတ်တော်အပေါ်မှာ
စော်ကားသလို ဖြစ်သွားတာပေါ့။ အဲဒီအပေါ်မှာ ၀န်ကြီးအနေနဲ့
တောင်းပန်နိုင်မလားလို့ ပြောတော့ သူက လွှတ်တော် ကိုယ်စားလှယ်တော်ကြီးတွေကို
စိတ်အနှောင့်အယှက်၊ ကိုယ်အနှောင့်အယှက် ပြုမိတဲ့ အတွက် ကျွန်တော်
တောင်းပန်ဖို့ ၀န်မလေးပါဘူး။ ကန်တော့ဆိုရင်လည်း ထိုင်ကန်တော့ပါမယ်လို့
ပြောပါတယ် ဟု ဦးဖေသန်းက ပြောသည်။
ယခုကဲ့သို့ ပြည်ထောင်စု ၀န်ကြီး တစ်ဦးက လွှတ်တော် အမတ်များကို
တောင်းပန်ခဲ့သည်မှာ လွှတ်တော် ပေါ်ပေါက်လာသည့် အချိန်မှ စပြီး ပထမဆုံး အကြိမ်
ဖြစ်ကာ ယခုကဲ့သို့ ၀န်ကြီးက လွှတ်တော် အမတ်များကို တောင်းပန်ခဲ့မူ အပေါ်
လွှတ်တော်အမတ်များကလည်း ကျေကျေနပ်နပ်ဖြင့် လက်ခံ ခဲ့ကြသည်ဟု သိရသည်။
အကျဉ်းလွတ်ပါတီဝင်နှစ်ဦးကို မွန်ပြည်သစ်ဥက္ကဌထံလွှဲအပ်
အကျဉ်းလွတ်ပါတီဝင်နှစ်ဦးကို မွန်ပြည်သစ်ဥက္ကဌထံလွှဲအပ်
ကျလွန်းထော – ထောင်ဒဏ် တစ်သက်တစ်ကျွန်းအကျဉ်းကျခံထားရသည့်
နိုင်ငံရေးအကျဉ်းသား နိုင်ယက္ခနှင့် နိုင်မျိုးသွေးတို့အား မွန်ပြည်သစ်ပါတီ
ဥက္ကဌထံသို့ ယမန်နေ့မွန်းလွဲပိုင်းတွင် လွဲအပ်ပေးခဲ့ပြီးဖြစ်သည်။
မော်လမြိုင်မြို့ Strand Hotel ၌ မွန်းလွဲ (၂း၃၀) နာရီအချိန်တွင်
လျှပ်စစ်ဝန်ကြီးဦးဇော်မင်းမှဒကှ မွန်ပြည်သစ်ပါတီ ဥက္ကဌ နိုင်ထောမွန်ထံ
အကျိုးတော်ဆောင်များ ရှေ့မှောက်တွင် အပ်နှံခဲ့ကြောင်း
အခမ်းအနားတက်ရောက်ခဲ့သည့် ငြိမ်းချမ်းရေးအကျိုးတော်ဆောင် နိုင်စိုးမြင့်က
ပြောသည်။
အင်းစိန်ထောင်မှ နိုင်ယက္ခနှင့် သာယာဝတီထောင်မှ နိုင်မျိုးသွေး တို့ကို
ယမန်နေ့တွင် နိုင်ငံတော်သမ္မတ၏လွတ်ငြိမ်းချမ်းသာခွင့်ဖြင့် သက်ဆိုင်ရာ
ထောင်အသီးသီးလွှတ်ပေးခဲ့သည်ဟု သိရသည်။
“လျှပ်စစ်ဝန်ကြီးဦးဇော်မင်း ကိုယ်တိုင်က ဥက္ကဌကြီးလက်ထဲကို အပ်ပေးတယ်၊
ပြီးတော့ နိုင်ငံတော်ရဲ့ ဖွံ့ဖြိုးရေးလုပ်ငန်းတွေကို
ကြိုးပမ်းလုပ်ဆောင်သွားဖို့လည်း မှာကြားသွားပါတယ်” ဟု
ငြိမ်းချမ်းရေးအကျိုးတော်ဆောင် နိုင်စိုးမြင့်က ပြောသည်။
မြန်မာနိုင်ငံ၏ ဖွံ့ဖြိုးရေးလုပ်ငန်းစဉ်များ လုပ်ဆောင်နိုင်ရန်အတွက်
နိုင်ငံရေးပြဿနာ ကိစ္စရပ်များကို ဖြေရှင်းပြီးမှသာ
လုပ်ဆောင်နိုင်မည်ဖြစ်ကြောင်း မွန်ပြည်သစ်ပါတီဥက္ကဌ နိုင်ထောမွန်က
ပြောဆိုခဲ့သည်။
“ကျနော်လွတ်လာပြီး အခု မွန်ပြည်သစ်ထံအပ်နှံတဲ့အခမ်းအနားကိုရောက်နေပါတယ်၊
ကျန်းမာရေးလည်း ကောင်းပါတယ်၊ ဘာပြောရမလဲတောင် မသိဘူး၊ အားလုံးကို
ကျေးဇူတင်ပါတယ်” ဟု နိုင်ယက္ခက လွတ်လပ်သော မွန်သတင်းအေဂျင်စီကို
ပြောကြားခဲ့သည်။
အလားတူ နိုင်မျိုးသွေးကလည်း “အကျဉ်းထောင်ထဲရှိနေတဲ့ကာလတွေမှာ
ဘာသတင်းမှလည်းမကြားသိရဘူး၊ ဒီမနက် ထောင်ကထွက်လာပြီး အခု
ဟော်တယ်ကိုရောက်လာတယ်၊ အမှောင်ကနေ အလင်းကို ချက်ချင်းရောက်လာတော့ အပြင်မှာ
ဘာတွေဖြစ်နေလဲဆိုတာ မသိသေးဘူး၊ အရမ်းဝမ်သာပါတယ်” ဟု ပြောကြားခဲ့သည်။
မွန်ပြည်သစ်ပါတီနှင့် ပြည်ထောင်စုအဆင့် အစိုးရကိုယ်စားလှယ်များ
လေးကြိမ်တိုင် ငြိမ်းချမ်းရေးဆွေးနွေးခဲ့ရာတွင်
၎င်းနိုင်ငံရေးအကျဉ်းသားနှစ်ဦးကို လွှတ်ပေးရန် မွန်ပြည်သစ်ပါတီမှ
အကြိမ်ကြိမ်တောင်းဆိုခဲ့သည်။
ယခင် နအဖ စစ်အစိုးရတို့က နိုင်ယက္ခနှင့် နိုင်မျိုးသွေးတို့ကို ၂၀၀၃
ခုနှစ် ဇူလိုင်လ ၁၇ ရက်နေ့တွင် နိုင်ငံတော်အကြီးအကဲများအား
လုပ်ကြံရန်ကြိုးစားမှုဖြင့် အကွက်ဆင်ဖမ်းဆီးခဲ့ရာတွင် ၄င်းတို့နှင့်အတူ
လမ်းပြကြယ်အဖွဲ့မှ ရှေ့နေ ဦးအေးမြင့်၊ Eleven အားကစားဂျာနယ် အယ်ဒီတာ
ကိုဇော်သက်ထွေးတို့နှင့်အတူ ၁၂ ဦးခန့် ဖမ်းဆီးခံခဲ့ရသည်။
၎င်းနောက် နိုင်ငံတော်ပုန်ကန်ရန် ကြံစည်မှုဖြင့် ၂၀၀၃ ခုနှစ်၊ နိုဝင်ဘာလ
၂၈ ရက်နေ့တွင် သေဒဏ် စီရင်ချက်ခြင်းခံရပြီး အယူခံဝင်ရာမှ
ထောင်ဒဏ်တစ်သက်တစ်ကျွန်းသို့ လျော့ချပေးခဲ့သည်။
နိုင်ယက္ခမှာ မွန်ပြည်သစ်ပါတီ၏ ခရိုင်ကော်မတီဝင်တစ်ဦးဖြစ်ပြီး
နိုင်မျိုးသွေးမှာ သံဖြူဇရပ်မြို့နယ်တပ်မှုး အဖြစ် အကျဉ်းမကျခင်အချိန်ထိ
မွန်ပြည်သစ်ပါတီတွင် တာဝန်ထမ်းဆောင်ခဲ့သည်။
လွတ်မြောက်လာသည့်မွန်နိုင်ငံရေးအကျဉ်းသား ၂ ဦးကို မွန်လူငယ်အဖွဲ့ကြိုဆို
လွတ်မြောက်လာသည့်မွန်နိုင်ငံရေးအကျဉ်းသား ၂ ဦးကို မွန်လူငယ်အဖွဲ့ကြိုဆို
ကျလွန်းထော – နိုင်ငံတော်သမ္မတ၏လွတ်ငြိမ်းချမ်းသာခွင့်အမိန့်ဖြင့်
အကျဉ်းထောင်မှလွတ်မြောက်လာသည့် နိုင်ငံရေးအကျဉ်းသား ၂ ဦးကို ဒေသအသီးသီးမှ
မွန်လူငယ်များက မော်လမြိုင်မြို့၊မွန်ဓမ္မာရုံ၌ ယမန်နေ့တွင် အခမ်းအနားဖြင့်
ကြိုဆိုပွဲကျင်းပခဲ့သည်။
မွန်ပြည်နယ် မော်လမြိုင်မြို့နယ်၊ မုဒုံမြို့နယ်နှင့်
သံဖြူဇရပ်မြို့နယ်အပြင် ဒေသအသီးသီးမှ မွန်လူငယ်ပေါင်း (၁၀၀) ကျော်တို့က
ယမန်နေ့က အကျဉ်းထောင်မှလွတ်မြောက်လာသူ နိုင်ယက္ခနှင့် မင်းမျိုးသွေးတို့အား
အမွှေးနံ့သာရေများဖြန်းခြင်းနှင့် ကျေးဇူးတင်စကားပြောကြားခြင်းများ
ပြုလုပ်ခဲ့ကြသည်ဟု လူငယ်ခေါင်းဆောင် နိုင်ဟောင်တိန်းက ပြောသည်။
“ကျနော်တို့ မျှော်လင့်ထားသလို အခုလိုလွတ်မြောက်လာတာ အရမ်းဝမ်သာပါတယ်၊
ပြီးတော့ ငြိမ်းချမ်းရေးဖော်ဆောင်ရေးအဖွဲ့အနေနဲ့
သူတို့ပြောထားတဲ့ကတိစကားအတိုင်း လုပ်ဆောင်ပေးတယ်ဆိုတော့ အစိုးရအပေါ်
မွန်လူထုတွေပိုမိုယုံကြည်လာပါတယ်” ဟု နိုင်ဟောင်တိန်းက ပြောသည်။
၎င်းကြိုဆိုပွဲသို့ မွန်ပြည်သစ်ပါတီဥက္ကဌ နိုင်ထောမွန်နှင့်
ငြိမ်းချမ်းရေးအကျိုးဆောင်များလည်း လိုက်ပါခဲ့ပြီး လူငယ်များအား
မိန့်ခွန်းပြောကြားခဲ့သည်။
မွန်ပြည်သစ်ပါတီဥက္ကဌ နိုင်ထောမွန်က “ထမင်းထုပ်ကိုပဲမြင်နေပြီး ဒုတ်ကို
မမေ့လိုက်ကြနဲ့၊ ထာဝရအပစ်ခတ်ရပ်စဲရေးကို မတည်ဆောက်နိုင်သေးဘူး၊
နိုင်ငံရေးပြဿနာ ဖြေရှင်းဖို့ အများကြီးရှိသေးတယ်” ဟု ကြိုဆိုပွဲတွင်
ပြောကြားခဲ့သည်။
ဧပြီလ ၃၀ ရက်နေ့ မွန်းလွဲ (၂း၃၀) နာရီအချိန်တွင် လျှပ်စစ်ဝန်ကြီး
ဦးဇော်မင်းက မွန်ပြည်သစ်ပါဥက္ကဌ နိုင်ထောမွန်ထံသို့ နိုင်ယက္ခနှင့်
နိုင်မျိုးသွေးတို့ကို အပ်နှံပေးခဲ့ပြီး ညနေပိုင်းတွင် ဒေသအသီးသီးမှ
မွန်လူငယ်တို့က ကြိုဆိုပွဲအခမ်းအနားပြုလုပ်၍ လက်ဆောင်များလည်း
ပေးအပ်ခဲ့ခြင်းဖြစ်သည်။
“အခုလို နွေးနွေးထွေးထွေးနဲ့ လာရောက်ကြိုဆိုတာ အရမ်းကိုဝမ်းသာပါတယ်၊
လက်ရှိ အမျိုးသားရေးလုပ်ငန်းရဲ့ လိုအပ်တဲ့နေရာတွေမှာ
ကျနော်တို့သတ္တိရှိရှိနဲ့ ကြိုးပမ်းဆောင်ရွက်သွားမယ်လို့ ပြောကြားလိုပါတယ်”
ဟု နိုင်ယက္ခက အခမ်းအနားတွင် မိန့်ခွန်းပြောကြားခဲ့သည်။
မွန်ပြည်သစ်ပါတီမှ ထောင်ဒဏ် တစ်သက်တစ်ကျွန်း အကျဉ်းကျခံနေရသည့်
နိုင်ယက္ခနှင့် နိုင်မျိုးသွေးတို့သည်
မွန်ပြည်သစ်ပါတီတွင်တာဝန်ထမ်းဆောင်ရင်း ၂၀၀၃ ခုနှစ်တွင်
စစ်အစိုးရထောက်လှမ်းရေးများ အကွက်ဆင်ဖမ်းဆီးမှုကြောင့် ထောင်ဒဏ်တစ်သက်
ကျခံခဲ့ရခြင်း ဖြစ်သည်။
မလေးရောက် ရခိုင် ကလေးငယ်များ ပညာမြင့်မားရေး ဆောင်ရွက်မည်
မလေးရောက် ရခိုင် ကလေးငယ်များ ပညာမြင့်မားရေး ဆောင်ရွက်မည်
by ခိုင်မောင်ဦး (မလေး)
မလေးရှားနိုင်ငံသို့  အကြောင်းအမျိုးမျိုးကြောင့် ရောက်ရှိနေကြသော
ရခိုင် ကလေးငယ်များ၏ ပညာရည် တိုးတက် မြှင့်မားရေး အတွက် ပူးပေါင်း
ဆောင်ရွက် လုပ်ကိုင်သွားမည် ဖြစ်ကြောင်း သတင်း ရရှိသည်။
ရခိုင်ကလေးငယ်များ ပညာရည် တိုးမြင့်ရေးကို ဧပြီလ ၂၉ ရက်နေ့က
ပြုလုပ်ခဲ့သော အလုပ်ရုံ ဆွေးနွေးပွဲတစ်ခုတွင် ရခိုင် လူမူရေး
လုပ်ကိုင်နေသူများ အကြား သဘောတူညီမူ ရရှိခဲ့ကြောင်း တက်ရောက်ခဲ့သူများက
ဆိုသည်။
အလုပ်ရုံ ဆွေးနွေးပွဲက မျိုးဆက်သစ် ကလေး လူငယ်များ ပညာမြင့်မာရေး အတွက်
ပြုလုပ်တာ ဖြစ်ပါတယ်။ မလေးရှားနိုင်ငံ ကွာလာလမ်ပူရှိ ပူချုန်းနေမြေ Arakan
Refugee Eduction Centre (AREC) ကျောင်းမှာ ပြုလုပ်ခဲ့တာ ဖြစ်ပါတယ်။
အဲဒီမှာ ကလေးတွေရဲ့ ပညာရည် မြင်းမားရေး အတွက် တိုးမြှင့် လုပ်ဆောင်ဖို့
ဆွေးနွေးပွဲ တက်လာတဲ့ သူတွေက သဘောတူခဲ့ကြပါတယ် ဟု ရခိုင်ဒုက္ခသည်
ကယ်ဆယ်ရေးရုံှး (ARRC) မှ ဥက္ကဌ ဖြစ်သူ ကိုစိုးထွန်းက နိရဉ္စရာသို့ ပြောသည်။
ဆွေးနွေးပွဲကို သက်ဆိုင်ရာ အဖွဲ့အစည်းအသီးမှ ခေါင်းဆောင်များ၊
တသီးပုဂ္ဂလများ၊ ကျောင်း သားမိဘများ စုစုပေါင်း ၅၀ ကျော် တက်ရောက်ခဲ့ကြသည်။
ကလေး ပညာရေးကျောင်း ရည်ရှည် တည်တံ့ရေး၊ ကျောင်းဆရာ ဆရာမတွေ အချိန်ပြည့်
ပညာသင်ကြားနိုင်ရေး၊ ရခိုင်စာ သင်ကြားရေးနဲ့ ကျောင်းရံပုံငွေ တောင့်တင်းရေး
စတဲ့ အချက်တွေကို ဆွေးနွေးခဲ့ကြပါတယ်။ ကျောင်းရဲ့ လိုအပ်ချက်တွေနဲ့
ပတ်သက်ပြီးလည်း တက်ရောက်လာသူ အသီးသီးဆွေးနွေးခဲ့ကြပါတယ်။ အကြံကောင်း
ဥာဏ်ကောင်းတွေလည်း ရရှိခဲ့ပါတယ် ဟု သူက ဆက်ပြောသည်။
(AREC) ကျောင်းတွင် ထူထောင်ကတည်းက ယခုအချိန်ထိ ကလေးငယ်များအား
စာသင်ပြနေသူ ကျောင်းဆရာ ကိုသီဟအား ကလေးငယ်များအား စာသင်ရသည့် အခက်အခဲနှင့်
ပတ်သက်ပြီး နိရဉ္စရာ မေးမြန်းကြည့်ရာ သူက ယခုလို ပြောသည်။
ရခိုင်က လာကြတဲ့  ကလေးတွေက ပညာအရေး အရမ်းညံတော့ နေ့တိုင်းလိုလို
သင်တန်းတွေ ပေးပြီး အမြဲ လေ့ကျင့် ပေးရပါတယ်။ ကျောင်းသူ ကျောင်းသားတွေရဲ့
အဓိက အားနည်းချက်က အင်္ဂလိပ်စာတော်တော်လေး ညံ့တာကို တွေ့ ရတယ်။
နယ်မြေအသီးသီး၊ အလွာအသီးသီးက လာကြသူ့ တွေမို့  သူတို့ ရဲ့ အားနည်းချက်
အားသာချက်တွေကို ကြည့်ပြီး ကျွန်တော်တို့  စာပြရပါတယ် ဟု သူက ပြောသည်။
၎င်းပြင် အမျိုးသား ကြင်အန် လက္ခဏာများ မပျောက်ပျက်ရေးနှင့်
မျိုးချစ်စိက်ဓါတ် ထက်သန်လာအောင် လေ့ကျင့်ပေးမူများလည်း ပြုလုပ်ပေးရကြောင်း
သူက ပြောသည်။
ကျောင်းသားတွေဟာ တချိန်ချိန်မှာ ဒီနိုင်ငံကနေ တတိယ နိုင်ငံ တစ်ခုခုကို
ထွက်ခွာသွားကြမယ့် သူတွေ ဖြစ်ကြပါတယ်။ တတိယနိုင်ငံကို ထွက် တဲ့အချိန်မှာ
သူတို့  ရဲ့ပညာရေး အဆင့်မြင့်ပြီးသား ဖြစ်နေဖို့ လိုတယ်။ နောက်ပြီး
နှောင်တစ်ချိန်မှာ အမျိုးသားရေးကို ဦးဆောင်နိုင်တဲ့ လူတော် လူကောင်းတွေ
ဖြစ်ဖို့ စတဲ့ ရည်ရွယ်ချက်တွေနဲ့ ဒီကျောင်းကိုဖွင်ပြီး ခုလို ပညာ
သင်ကြားပေးနေတာ ဖြစ်ပါတယ် ဟု သူက ပြောသည်။
ယခု ဒုက္ခသည် ကျောင်း ရပ်တည်နိုင်ရန်အတွက် အဓိက ရံပုံငွေ ရှိဖို
့အများကြီး လိုအပ်ကြောင်း၊ ရံပုံငွေရှိမှသာလျှင် ကျောင်းသူကျောင်သားများ၏
စားဝတ်နေရေး အဆင်ပြေလာမည် ဖြစ်ကြောင်း၊ သူတို့ ၏ အနာဂတ် ပညာရေးကို
ကူညီပံ့ပို့ ရန် အများကြီးလိုအပ်ကြောင်း၊ ပြည်ပရှိ ရခိုင်သူ
ရခိုင်သားများနှင့် ဆက်သွယ်ကာ အကူအညီများ ရရှိအောင် ကြိုးစား
ဆောင်ရွက်သွားမည် ဖြစ်ကြောင်း ကိုစိုးထွန်းက ပြောကြားသွားသည်။
Arakan Refugee Eduction Centre (AREC) ကျောင်းတွင် သင်္ချာ၊ အင်္ဂလိပ်စာ၊
သိပ္ပံ၊ ရခိုင်ဘာသာများကို ဆရာ ဆရာမ လေးဦးက တာဝန်ယူ
သင်ကြားပို့ချပေးနေသည်ဟု သိရသည်။
(AREC) ကျောင်းတွင် ညအိပ်ညစားကျောင်းသူ ကျောင်းသား ၅၀ ကျော်ရှိပြီး
သူတို့၏ စားရေး သောက်ရေးများကို ရခိုင် ဒုက္ခသည်များ ကယ်ဆယ်ရေးရုံှး (ARRC)
မှ လစဉ် ကူညီ ပံ့ပိုးပေးနေသည်ဟု သိရသည်။
အဆိုပါ Arakan Refugee Eduction Centre (AREC) ကျောင်းကို ၂၀၁၁ ခုနှစ်
ဖေဖေါ်ဝါရီလ ၂၀ ရက်နေ့ တွင် ဦးဘခိုင်မောင် ဦးစီးတည်ထောင်ပြီး ယခုအခါ
ရခိုင် ဆရာတော်များဖြစ်ကြသည့် ဒေါက်တာ အရှင်ရာဇိန္ဒ (ပူးချုန်း)နှင့်
အရှင်ပညာဝံသ (ဆူးဂိုင်းဘလို)တို့မှ ဦးဆောင်ပြီး လုပ်ဆောင်နေခြင်း ဖြစ်သည်။
ကွယ်လွန်သူမွန်ပြည်သူ့တပ်ဦးဥက္ကဌနိုင်အောင်ထွန်းအား ဂါရဝပြု
ကွယ်လွန်သူမွန်ပြည်သူ့တပ်ဦးဥက္ကဌနိုင်အောင်ထွန်းအား ဂါရဝပြု
မင်းတော်လဝီ – မွန်ပြည်သူ့တပ်ဦးဥက္ကဌ နိုင်အောင်ထွန်း
ဂါရဝပြုအခမ်းအနားပွဲတစ်ရပ်ကို မွန်ပြည်နယ်၊ သံဖြူဇရပ်မြို့နယ်၊ ပငကျေးရွာ၌
ဧပြီလ၂၉ရက်နေ့တွင် နံနက်ပိုင်းတွင် ကျင်းပခဲ့သည်။
နိုင်အောင်ထွန်း၏မွေးရပ်မြေ၊ ပငကျေးရွာ၊ ကြက်တိန်ညင်ဘုရားကုန်း
ပုရဝဏ်ရှိ ၄င်း၏အမှတ်တရအုတ်ဂူရှေ့၌ အစီအစဉ် (၈)ရပ်ဖြင့် ဂါရဝပြုအခမ်းအနား
ကျင်းပကြသည်ဟု အခမ်းအနားတက်ရောက်ခဲ့သည့်
ပငရွာမွန်စာပေနှင့်ယဉ်ကျေးမှုအဖွဲ့ဝင်တစ်ဦးက ပြောသည်။
၎င်းက “အခမ်းအနားဟာ နိုင်အောင်ထွန်းကွယ်လွန်သွားတဲ့(၄၂)နှစ်မြောက်ကို
အောက်မေ့သတိရဂါရဝ ပြုတဲ့အခမ်းအနားတရပ်ပါ၊ ပငရွာမွန်စာပေနဲ့ယဉ်ကျေးမှု
ကော်မတီက ဦးဆောင်ကျင်းပခဲ့တာဒီနှစ်ဆို ၁၆နှစ်မြောက်ပါ” ဟု ပြောသည်။
ယင်းအခမ်းအနားသို့ မွန်ဘုန်းတော်ကြီးများ၊ မွန်ဒီမိုကရေစီပါတီ
ဥက္ကဌနိုင်ငွေသိမ်း၊ မွန်ဒေသလုံး ဆိုင်ရာဒီမိုကရေစီပါတီ
ဥက္ကဌနိုင်ဂျနူမွန်(ခေါ်)နိုင်ငွေသိန်း၊
အခြားမွန်နိုင်ငံရေးခေါင်းဆောင်များနှင့် သံဖြူဇရပ်မြို့နယ်
မွန်စာပေနှင့်ယဉ်ကျေးမှုအဖွဲ့များအပါအဝင် ဧည့်ပရိဿတ် စုစုပေါင်း ၅၀၀ ခန့်
တက်ရောက် ကြသည်။
နံနက်စောစောပိုင်းတွင် ဆရာတော်များအား ဆွမ်းကပ်လှူဒါန်းပြီးနောက်
အခမ်းအနားကျင်းပရာ မွန်ဒီမိုကရေစီပါတီမှ နိုင်ငွေသိမ်း၊ မွန်ဒေသလုံးဆိုင်ရာ
ဒီမိုကရေစီပါတီမှ နိုင်ငွေသိန်း(နိုင်ဂျနူမွန်)တို့ အသီးသီး
မိန့်ခွန်းပြောကြားခဲ့သည်။
မွန်ဒေသလုံးဆိုင်ရာဒီမိုကရေစီပါတီမှ နိုင်အောင်ထွန်းအထုပ္ပတ္တိဖတ်ကြားခဲ့စဉ်
မွန်ပြည်သူ့တပ်ဦး(၁၉၄၈-၅၈)လက်ထက်တွင် နိုင်အောင်ထွန်းနဲ့အတူပါဝင်ခဲ့သော
ယခုအသက်ရှင်နေဆဲ မွန်ဒီမိုကရေစီပါတီ ဥက္ကဌ ကျနော်နိုင်ငွေသိမ်းက
“ယခင်လက်နက်ကိုင်တော်လှန်ရေးကနေ အခုဆိုရင်မွန်လူမျိုးတို့ရဲ့မွေးရာပါ
အခွင့်အရေးတွေကို ဥပဒေဘောင်အတွင်းကနေ
မွန်လူထုတွေထင်ထင်ပေါ်ပေါ်တောင်းဆိုလာနေကြပြီ”ဟု မိန့်ခွန်းတွင် ထည့်သွင်း
ပြောကြားခဲ့သည်။
ထို့အတူ“ယခင်မွန်ပြည်သူ့တပ်ဦး ဥက္ကဌနိုင်အောင်ထွန်းနဲ့
နိုင်ငွေသိမ်းတို့ချမှတ်ခဲ့တဲ့မူ(၃)ရပ် ကို ယနေ့ကျနော်တို့
ဆက်လက်ထမ်းဆောင်နေဆဲပဲ၊ အဲဒါကတော့လွတ်လပ်ခွင့်၊
ကိုယ့်ကြမ္မာကိုယ်ဖန်တီးခွင့်ဆိုတဲ့ ကိုယ်ပိုင်ပြန့်ဌာန်းနဲ့
စစ်မှန်သောပြည်ထောင်စုတို့ပဲဖြစ်တယ်”ဟု မွန်ဒေသလုံးဆိုင်ရာဒီမိုကရေစီဥက္ကဌ
နိုင်ငွေသိန်း(နိုင်ဂျနူမွန်)က ၄င်း၏မိန့်ခွန်းတရပ်တွင်
ထည့်သွင်းပြောကြားခဲ့သည်။
နိုင်အောင်ထွန်းသည် ၁၉၄၈ ခု သြဂုတ်လတွင် မွန်လက်နက်ကိုင်တော်လှန်ရေးကို
ဦးဆောင်ခဲ့ပြီး မွန်အမျိုးသားထုတစ်ရပ်လုံးကို ကိုယ်စားပြုသည့်
မွန်ပြည်သူ့တပ်ဦး ဥက္ကဌကြီးအဖြစ် ပါတီသက် တမ်းတလျှောက်
တာဝန်ထမ်းဆောင်ခဲ့သည်။
ထိုနောက် ၁၉၅၈ ခုနှစ်တွင် မွန်ပြည်သူ့တပ်ဦး
ဥပဒေဘောင်အတွင်းဝင်ရောက်ခဲ့ပြီးနောက် နိုင်အောင်ထွန်းသည်
ဦးနုအစိုးရအဖွဲ့တွင် မွန်ရေးရာဝန်ကြီးအဖြစ် ၁၉၆၁-ခု၊ ဧပြီလ (၂၇) ရက်နေ့တွင်
ကျမ်းသစ္စာကျိန်ဆိုသည်။ ထို့အပြင် ကယ်ဆယ်ရေးနှင့်
ပြန်လည်နေရာချထားရေးဝန်ကြီး၊ အမျိုးသားစည်းလုံးညီညွတ်ရေးဌာနများကိုပါ
ပူးတွဲတာဝန်ယူခဲ့သည်။
ထိုနောက် တော်လှန်ရေးကောင်စီ (ဦးနေဝင်းအစိုးရ)၏ ၃၃ ဦးပါ
နိုင်ငံတော်သမ္မတအကြံပေးအဖွဲ့တွင် မွန်အမျိုးသားခေါင်းဆောင်
နိုင်ဖိုးချိုနှင့်အတူ ပါဝင်ခဲ့ကြသည်။
၁၉၇၀ ခု၊ ဧပြီလ၂၉ ရက်၊ နံနက် ရ နာရီခန့် မော်လမြိုင်နေအိမ်၌ ကွယ်လွန်ချိန်တွင် အသက် ၅၇ နှစ်ရှိသည်။
end faq
|
3 comments:
မကောင်းပါဘူး ဘယ်ဘက်ကသာတယ် ဒီဘက်ကနာတယ်ဆိုတာ နှစ်ဦးစလုံး မကောင်းပါဘူးအားလုံးအေအေးဆေဆေးနဲ. အဆုံးသတ်တာ ကောင်းပါတယ်ဗျာ ဘာကြောင်.လဲဆိုတော.ကျနော်တို.ပြည်သူတွေက ဘာမှမဆိုင်ပဲ ဟိုမသွားရဲ ဒီမသွားရဲ.နဲ. စီးပွားရေးလဲ မလုပ်ရ ဒီကျာထဲ ကုန်ဈေးနုန်းကကြီး ရထားကမောက် နောက်ထက်ဒါမျိုးဆက်ဖြစ်နေရင် ကျနော်တို.က ဘာဆက်လုပ်ရမလဲ အားလုံးသိအောင်ပြန်လယ်ပြောပေးပါနော်
အခုလို.ဖြစ်နေတော. ကျနော်တို.အတွက်ကတော.ဘာမှ မကောင်းတာသေချာတယ်ဗျ အာဏာ ပိုင်တွေအတွက်ကတော.မသိဘူးဗျ ဘယ်သူကအားသာမယ်ဆိုတာ လွန်းဆွဲ နေတာလာမသိဘူးနော်ကျနော် တို.ကတော. သူတို.နုသမျှ ယုရတော.မှာပဲ ဘယ်သူနိုင်ပါစေလို.တော.ဆုမတောင်းခြင်းဘူးဗျာ အားလုံးက သူတို.မှားတာမရှိ ကြဘူးထင်နေကြတာကို ဒါကြောင်. ဖြစ်ခြင်းတဲ.သူတွေ ဖြစ်ကြပါစေ ကိုကတော.တနေ.လုပ်မှ စားရမှာဆိုတော.အလုပ်ကိုတော.ရှာကြံပြီးတနေ.တာအတွက်စားသောက်ရမှာပဲ
အခုလို.ဖြစ်နေတော. ကျနော်တို.အတွက်ကတော.ဘာမှ မကောင်းတာသေချာတယ်ဗျ အာဏာ ပိုင်တွေအတွက်ကတော.မသိဘူးဗျ ဘယ်သူကအားသာမယ်ဆိုတာ လွန်းဆွဲ နေတာလာမသိဘူးနော်ကျနော် တို.ကတော. သူတို.နုသမျှ ယုရတော.မှာပဲ ဘယ်သူနိုင်ပါစေလို.တော.ဆုမတောင်းခြင်းဘူးဗျာ အားလုံးက သူတို.မှားတာမရှိ ကြဘူးထင်နေကြတာကို ဒါကြောင်. ဖြစ်ခြင်းတဲ.သူတွေ ဖြစ်ကြပါစေ ကိုကတော.တနေ.လုပ်မှ စားရမှာဆိုတော.အလုပ်ကိုတော.ရှာကြံပြီးတနေ.တာအတွက်စားသောက်ရမှာပဲ
Post a Comment